1 Korente 7:22 - Takarata pɛ Sɔ Mbombe Mbon

²² Hazu, bala ka Kongawan saa wɛnɛ kari, a tɛ bo nê wi ka Kongawan gdea wɛnɛ sɛɛ. Yo fin gbesi nɛ wi ka dung sɛɛ. Ka Kongawan saa wɛnɛ kari, a tɛ bo nê bala pɛ Christ.

1 Korente 7:22 ပူးပေါင်းရင်းမြစ်များ

Rome 1:1

Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

1 Korente 7:21

Ka mɛ nê bala ha ngimɔ ka Sɔ saa nɛ mɛ, ka mɛ atakiri mɔ na. Ma, ka mɛ bekpa wal mɛ gbo ha tom bala, ka mɛ andekiri fin na.

1 Korente 9:19

Mi dung sɛɛ, mi bo nê bala pɛ ma wi na. Ma, mi gdea tɛ mi tuka bala pɛ hio wi fɛt hazu de nde, hio wi nɛdɔka nɛnɛ amɛkiri Christ.

1 Korente 9:21

Nɛ ka mi dung ha soko wi ndɔng ka ing mbonga pɛ Moïse na, deamɔ pɔm ka fin tuka pɛ mbwa hazu nde, mbwa amɛkiri Christ. Ka mi de mɛgi, mi tukili mbonga pɛ Sɔ na, hazu mi dung ha si mbonga pɛ Christ.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

Galasi 5:1

Christ gbosasa ɔ ha tom bala yunɛ tuka nde, ɔ adung nê tɛ kpasa bele. Mɛgi, ɛnɛ bhɔn nê tɛ bele nɛ nɔa nging. Ka ma wi aba ɛnɛ tuka bala fin na.

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Kolose 4:12

Epafras, wi pɛ ɛnɛ, fana ɛnɛ. Wɛnɛ nê wan-tom pɛ Jésus-Christ ka gbɛngsi tɛ swe fɛt ha gɔa Sɔ hazu ɛnɛ nde, sila ɛnɛ adon lɛtɛtɛ nɛ mɛkaramɔ ka lɛma wɛɛ, nɛ nde, ɛnɛ ade mɔ ka Sɔ ngoya ha mɔ fɛt.

Philémon 1:16

Ma, a bekifiri bo sɔna tuka bala na, ma, a tɛ bo nɛ zioa pen bala, a tɛ bo nê ya ɔ ka ɔ ngoya. Pɔm, mi ngoya wɛnɛ gdang, lɛma nde, mɛ angoy wɛnɛ pen zua, bo sɔna tuka bala na, ma, fin tuka ya mɛ ha *Kongawan.

1 Pierre 2:16

Ɛnɛ tɛ bo nê hio wi ka dung sɛɛ. Ka ɛnɛ adung sɛɛ hazu de nɛ gdangamɔ na. Ma, ɛnɛ adung sɛɛ hazu de mɔ tuka wan-tom pɛ Sɔ.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

Jude 1:1

Yo nê mi, Jude, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ mi fin nê bebe ya mɛ Jacques. Mi ngɛriki takarata ɛngɛ ha ɛnɛ, hio wi ka Sɔ, Bafa ɔ, weka. A ngoya ɛnɛ pentɛ, nɛ wɛnɛ ha pama ɛnɛ nɛ wal Jésus-Christ.