1 Korente 5:12 - Takarata pɛ Sɔ Mbombe Mbon

^12-13 Mi lɛm gɔn kita ha zu hio wi ndɔng ka dung ha dɛl na. Yo nê Sɔ ka begɔn kita ha zu mbwa. Ma, lɛma nde, ɛnɛ agɔn kita ha zu hio wi ka dung ha soko ɛnɛ. Yo gbesi tuka takarata pɛ Sɔ tɔa: «Ɛnɛ yin gdanga wi ha soko ɛnɛ yunɛ.»

1 Korente 5:12 ပူးပေါင်းရင်းမြစ်များ

Marc 4:11

Nɛ wɛnɛ tɔa ha mbwa: «Pɛ ɛnɛ, gotomɔ ha zu *Kongakandɔ pɛ Sɔ ka bawusi tɛ sɔngsi, Sɔ gbasa yo ha ɛnɛ. Ma, wi ndɔng ka dung ha dɛl, mbwa ze mɔ ndɔng nɛ wal towen.

Dede Wen hazu Jésus-Christ ka Luc ngɛraka 12:14

Jésus tɔa ha wɛnɛ: «Dan mi, o ha gde mi tuka wan-gɔn kita nɛ wan-kapini mɔ ha soko ɛnɛ, o nde?»

Jean 18:36

Jésus kiforo wen ha wɛnɛ: «Mi bo nê kongapora mɔ nzan ɛngɛ na. Mi abo se nê kongapora mɔ nzan ɛngɛ, ki hio *wan-yambimɔ pɔm bio bulo hazu mi, yu nde, ɛ betɛ gde mi ha kɔ hio wan-le zuife. Way! Kongakandɔ pɔm bo nê mɔ nzan ɛngɛ na.»

Kolose 4:5

Ɛnɛ ade mɔ nɛ mbaramɔ ha soko wi ndɔng ka tɛ mɛkiri Christ na. Nɛ ka ɛnɛ kpa dede ngimɔ, ka ɛnɛ apensi yo nɛgbelea na.

1 Tesalonike 4:12

Ka ɛnɛ de mɔ mɛgi, hio wi ndɔng ka tɛ mɛkiri Christ na, beba ɛnɛ nɛ zioa, nɛ ɛnɛ lɛm dung zio toy ha zu ma wi na.

1 Timothée 3:7

Lɛma fin nde, lingtɛ wi mɔ zu eglize adung nɛ dedea ha zala hio wi mɔ nzan yu nde, mbwa betɛ bhɛsiri wɛnɛ, nɛ Satan betɛ ba wɛnɛ ha pɔndɔ pɛa.