1 Korente 5:10 - Takarata pɛ Sɔ Mbombe Mbon

¹⁰ Kpasawen, ha nzan hio wi ang ka de wanza, ka de hɛl kpaamɔ, ka zu mɔ, ka de tom gbele sɔ. Ma, mi tɛ tɔ wen zɔk nɛ mbwa na. Hazu ka ɛnɛ ngoya sɔsi mbwa fɛt, lɛma nde, ɛnɛ alak nzan gde.

1 Korente 5:10 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 18:11

Farizien nɛa ha sɔngsi, a yola ha ngɔn, nɛ a gɔa Sɔ ha zang sila wa mɛgɛ: ‹Mi lukisi mɛ, Sɔ, hazu mi bo tuka hio mbinga na, tuka wanzu, gdanga wi, wan-de wanza, nɛ gbesi tuka wan-ndɛm mbɔli garama ɛngɛ na.

Jean 15:19

Ka bo se nde, ɛnɛ adung nê hio wi mɔ nzan ɛngɛ, ki mbwa ngoya ɛnɛ hazu ɛnɛ gbesi tuka mbwa. Ma, ɛnɛ bo fin nê hio wi mɔ nzan na, hazu mi kuo ɛnɛ gde nɛtɛ kari. Yo nê ɛngi, ka mbwa sɛn nɛ ɛnɛ.

Jean 17:6

«Mi osa mɛ ha hio wi ndɔng, ka mɛ weka ha soko hio wi mɔ nzan gde ha kɔ mi. Mbwa badung hio wi pɛ mɛ, nɛ mɛ haa mbwa ha mi, nɛ mbwa pama hio wen pɛ mɛ.

Jean 17:9

«Mi gɔ mɛ hazu mbwa. Mi gɔ mɛ hazu hio wi mɔ nzan na, ma, mi gɔ mɛ hazu wi ndɔng ka mɛ gdea ha kɔ mi, hazu mbwa nê hio wi pɛ mɛ.

Jean 8:23

Jésus tɔa ha mbwa: «Ɛnɛ nê hio wi mɛ nu. Ma, pɔm, mi nê wi mɛ ngɔn. Ɛnɛ nê hio wi mɔ nzan ɛngɛ. Ma, mi bo nê wi mɔ nzan ɛngɛ na.

1 Korente 1:20

Wan-mbarimɔ ha ndo? *Wan-osi mbonga ha ndo? Wan-wolmɔ nɛ dede gɛl mɔ nzan ɛngɛ ha ndo? Wen pɛ mbwa kara fɛt, hazu Sɔ kiforo mbaramɔ mɔ nzan ɛngɛ ha wen bili kari.

1 Korente 10:27

Ka ma wi ka tɛ mɛkiri Sɔ na, sa ɛnɛ ha twa pɛa hazu yɔng mɔ, nɛ ɛnɛ mɛkara nɛa, ɛnɛ yɔng mɔ fɛt ka wɛnɛ begde ha si ɛnɛ. Ka ɛnɛ a-ani nde, mana ɛ haa yo nɛ sadaka ha gbele sɔ, na. Mɛgi ingɔmɔ sila pɛ ɛnɛ bedung nɛ gaa.

1 Korente 5:11

Mi ngɛraka wen ɛngɛ hazu hio wi ndɔng ka zɔk tɛ mbwa tuka wi pɛ Christ, ma, ka de wanza, ka de hɛl kpaamɔ, ka de tom gbele sɔ, ka tɔ gdanga lingtɛ wi, ka fe dɔkɔ, nɛ ka zu mɔ. Ka ɛnɛ ayɔng mɔ hinɛ kpal wi ndɔng na.

1 Korente 5:9

Ha zang takarata ka mi batomsi ha ɛnɛ, mi tɔa nde, ka ɛnɛ ade sɔy hinɛ hio wan-de wanza na.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

Filipe 2:15

tuka nde, ɛnɛ adung nê hio bem pɛ Sɔ ka bo nɛ ma wen hazu mbwa na. Lɛma nde, ɛnɛ adung nɛ saa, nɛ nzeng ha soko hio wi mɔ nzan ka de kalbho-kalbho mɔ nɛ mɔ tum. Ɛnɛ aba ha soko mbwa tuka hio sɔla ha ngɔn.

1 Jean 4:5

Hio wan-tɔkuliwen dalo ndɔng, mbwa nê hio wi mɔ nzan. Yo nê ɛngi ka mbwa wolmɔ hazu hio mɔ nzan, nɛ hio wi mɔ nzan ha zea wen pɛ mbwa.

1 Jean 4:7

Hio ndɔngsila mi, ɔ angoy may hazu ngoy tɛ nɛ wal pɛ Sɔ. Mɛgi, wi ndang ndang fɛt ka ngoy may, Sɔ nê Bafa mbwa, nɛ mbwa ingɔ Sɔ.

1 Jean 5:19

Ɔ ingɔ nde, ɔ nê hio wi pɛ Sɔ, ma, nzan fɛt dung ha si ziomɔ pɛ gdanga sɔ.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.