1 Korente 5:1 - Takarata pɛ Sɔ Mbombe Mbon

¹ Hio wi ha tɔa nde, wanza ang ha soko ɛnɛ. Pen fɛt, tili wanza ka dung ang, ngase hio *bhilo lɛm de yo na. Yo nde, ma wei ha soko ɛnɛ ha ɔanu hinɛ ko pɛ bafa wa.

1 Korente 5:1 ပူးပေါင်းရင်းမြစ်များ

Deamɔ 15:20

Ma, ɔ ngɛriki sɔna ha mbwa nde, mbwa azim sari, ka ɛ haa nɛ sadaka ha hio gbele sɔ. Nde, ka mbwa ade wanza na. Nde, mbwa azim sari ka tɔktɛ wa tɛ sɛ fɛt na. Nɛ nde, ka mbwa ayɔng tɔk sari na.

Deamɔ 15:29

Ɛnɛ azim sari, ka ɛ haa nɛ sadaka ha hio gbele sɔ. Ka ɛnɛ ayɔng tɔk sari na. Ɛnɛ azim fin sari ka tɔktɛ wa tɛ sɛ fɛt na. Ka ɛnɛ ade wanza na. Ka ɛnɛ pama mɔ ndɔng, ɛnɛ bede mɔ nɛdedea. Ɔ fana ɛnɛ fɛt.»

1 Korente 1:11

Ey, hio ya mi, hio wi mɛ twa pɛ Kloe tɛa tɛ tɔ ha mi nde, ɛnɛ ha mɔya ha soko ɛnɛ.

1 Korente 5:11

Mi ngɛraka wen ɛngɛ hazu hio wi ndɔng ka zɔk tɛ mbwa tuka wi pɛ Christ, ma, ka de wanza, ka de hɛl kpaamɔ, ka de tom gbele sɔ, ka tɔ gdanga lingtɛ wi, ka fe dɔkɔ, nɛ ka zu mɔ. Ka ɛnɛ ayɔng mɔ hinɛ kpal wi ndɔng na.

1 Korente 6:13

Nɛ hio ma wi ha tɔa fin: «Yɔngamɔ hazu zang, nɛ zang hazu yɔngamɔ.» Kpasawen, ma, Sɔ beyangili bin zang hinɛ yɔngamɔ fɛt. Nɛ tɛ wi, yo bo hazu de nɛ mɔ nyɛl na. Ma, tɛ wi nê pɛ *Kongawan, ka dung fin nê wan hazu tɛ wi.

1 Korente 6:18

Mɛgi, ɛnɛ ayu dea wanza. Hio mbing gdangamɔ fɛt ka wi de, yo gdangsi tɛ mbwa na. Ma, wi ka de wanza, a gdangsi nɛ tɛ wa nɛ pɛa tɛ.

1 Korente 6:9

Ɛnɛ ingɔ nɛdedea nde, hio *wan-de gdangamɔ lɛm mɛ kpa bhandi ha *Kongakandɔ pɛ Sɔ na. Ka ɛnɛ aosili tɛ ɛnɛ na. Hio wi ka de mɔ nyɛl, ka de tom gbele sɔ, ka de wanza, ka ɔnu nɛ bhobem mana nɛ ma mbwa wei,

2 Korente 12:21

Mi yu fin nde, ha ngimɔ ka mi behɔ ha pɛ ɛnɛ, Sɔ pɔm betɛ pi foy ha li mi hazu ɛnɛ. Yo nde, mi yu mɛ kpa ngɔtɛ hazu hio dɔka wi ka bade gdangamɔ sɔngsi, nɛ ka tɛ kifiri sila mbwa lak dea mɔ nzing, dea wanza, nɛ dea mɔ tum gde na.

2 Korente 2:5

Ma wi ndang ha soko ɛnɛ ka dea mɔ ngɔtɛ, a tɛ de yo ha mi na, ma, ha ɛnɛ fɛt. Nɛ mi lɛm ngbangsi wen pentɛ na. Yo bo nê ha ɛnɛ fɛt gbi na, ma, ha hio ma wi ha soko ɛnɛ.

2 Korente 7:12

Mɛgi, gasa zuwen pɛ takarata ka mi batomsi ha ɛnɛ, bo hazu wi ka dea gdangamɔ na, nɛ yo bo fin hazu wi ka wɛnɛ dea gdangamɔ ha tɛ wa na. Ma, yo nê hazu ha ɛnɛ wal mɛ gbasi ha li Sɔ nde, ɛnɛ ha zɔka mɔ hazu ɔ nɛhasa.

Galasi 5:19

Hio tom mɔ ndɔkitɛ wi gboa fɛt long: Dea wanza, dea mɔ nyɛl, dea mɔ tum,

Efeze 5:3

Ɛnɛ tɛ bo nê hio wi pɛ Sɔ. Mɛgi, dea nde, ɛ aze ha soko ɛnɛ wen dea tili wanza, mana dea mɔ foy nɛtɛ-nɛtɛ, mana dea wɔ kpaamɔ fin na.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

1 Tesalonike 4:7

Hazu Sɔ tɛ sa ɔ nde, ka ɔ ade hio mɔ nzing na. Ma, a saa ɔ nde, ka ɔ ade mɔ nɛ nzɔya.

Gbasamɔ 2:21

Mi gdea ngimɔ ha wɛnɛ tuka nde, wɛnɛ akifiri sila wa. Ma, a tɛ ngoy kiforo sila nɛ laka dea wanza pɛa gde na.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»