1 Korente 4:14 - Takarata pɛ Sɔ Mbombe Mbon

¹⁴ Mi ngɛriki takarata ɛngɛ bo hazu pi foy ha li ɛnɛ na. Ma, mi ngɛriki yo hazu mbo nɛ ɛnɛ tuka ka gdibafa dung mɛ mbo nɛ bem pɛa ka wɛnɛ ngoya gdang.

1 Korente 4:14 ပူးပေါင်းရင်းမြစ်များ

Deamɔ 20:31

Tuka ɛngi, ɛnɛ adung nɛ zɔma! Tazu ɛnɛ agba nde, ha zang kili bɛlɛ ndɔng tar, swe nɛ zɛ, mi dungɔ ha mboa ɛnɛ ndang ndang fɛt nɛ milikwa ha li mi.

1 Korente 15:34

Ɛnɛ ba zu ɛnɛ nɛkpasa, nɛ de fin gdangamɔ na. Hio ma ha soko ɛnɛ tɛ ing ka Sɔ nɛkpasa na, mi tɔ yo hazu pi nɛ foy ha li ɛnɛ.

1 Korente 4:15

Hazu, ngase ka hio dɔka wi hebhe ha daya ɛnɛ ha wal mɔ Christ, bafa ɛnɛ ka nê ndang sɔna. Yo nê mi ka bhɛa ɛnɛ ha wal mɔ Jésus-Christ nɛ wal bulo *Dede Wen ha ɛnɛ.

1 Korente 4:17

Yo nê ɛngi ka mi tomsa Timothée ha pɛ ɛnɛ. Wɛnɛ nê bem pɔm ha wal mɔ Christ. Mi ngoya wɛnɛ pentɛ, nɛ wɛnɛ nɛ mboazu fɛt. A begba tazu ɛnɛ nɛ wal ka mi ndari nɛ Jésus-Christ. Yo nê ndangtɛ wal ka mi osi ha hio wi mɔ hio eglize ha bhandi fɛt.

1 Korente 6:5

Mi ha tɔa wen mɛgi hazu pi nɛ foy ha li ɛnɛ. Ma wan-mbarimɔ bo ha soko ɛnɛ ka lɛma gba soko wen ha soko hio gdiya ha Christ, na nde?

1 Korente 9:15

Ma, pɔm, ngase ka mi lɛma mɛ kpa mɔ ha kɔ ɛnɛ, mi tɛ ani yo ndang na. Nɛ mi ngɛriki takarata ɛngɛ hazu ani nɛ mɔ ha kɔ ɛnɛ na. Hazu, ka mi fea, ɛngɛ nɛ dedea pen nde, hio wi agdangsi dede lingtɛ mi ka mi sutɛ ang.

2 Korente 11:11

Hazu ge, mi tɔ mɛgi ge nde? Mana hazu mi ngoy ɛnɛ na? Way! Sɔ ingɔ nde, mi ngoya ɛnɛ gdang.

2 Korente 12:19

Mana ngimɔ nɛzikoa, ɛnɛ ha takara nde, ɔ ha nganga tɛ ɔ ha li ɛnɛ nde? Way! Ɔ ha dea sɔy hinɛ Christ, nɛ ɔ ha wolamɔ ha li Sɔ. Ɔ ha tɔa mɔ ndɔng fɛt ha ɛnɛ, hio ndɔngsila ɔ, hazu gbakiri ɛnɛ ha wal mɔ Sɔ.

2 Korente 7:3

Mi tɛ tɔ mɔ ndɔng hazu gɔn kita ba nɛ ɛnɛ na. Kpasawen, mi tɔ ha ɛnɛ tuka mɔ sɔngsi nde, ɔ ngoya ɛnɛ gdang, ngase ɔ bebhɔn nɛ zutunɔ, ngase ɔ befe.

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

1 Tesalonike 2:11

Ɛnɛ ingɔ fin nde, ɔ dea mɔ ha tɛ ɛnɛ ndang ndang fɛt gbesi tuka ka gdibafa de nɛ ha tɛ hio bem pɛa.

1 Tesalonike 5:14

Hio ya ɔ, ɔ mbo ɛnɛ nde, ɛnɛ aha mbɔla ha hio pɔsa wi, ɛnɛ aha da ha hio wan-ke, ɛnɛ agbakiri hio mɔka wi, nɛ ɛnɛ aba sila ɛnɛ nɛ hio wi fɛt.

2 Tesalonike 3:14

Ka ma wi kafi mɛ ze wen nu ɔ ha zang takarata ɛngɛ, tazu ɛnɛ agba nɛ wɛnɛ, nɛ ɛnɛ ade fin sɔy hinɛ wɛnɛ na. Mɛgi foy bede wɛnɛ.

Philémon 1:10

ka lokitɛ ha mɛ hazu wen pɛ Onezime, bem pɔm ka mi bhɛa ha wal mɔ Sɔ hakɛ ha zang twa zɔbhɔ.

1 Jean 2:1

Hio bem pɔm, mi ngɛriki takarata ɛngɛ ha ɛnɛ yu nde, ɛnɛ betɛ de gdangamɔ. Ma, ka ma wi dea gdangamɔ, ma wan-le gdong wen hazu ɔ ang ha li Sɔ, Bafa ɔ. Wia nê Jésus-Christ, *nzeng wi.

3 Jean 1:4

Ka mi zea nde, hio bem pɔm ha dea mɔ lɛm nɛ tɛwen, ɛngɛ ha mi gasa totɛ. Ma totɛ pɔm pen ɛngɛ bona.