1 Korente 4:12 - Takarata pɛ Sɔ Mbombe Mbon

¹² Ɔ ha fea dea tom nɛ kɔ ɔ. Hio wi ha yaa ɔ, nɛ ɔ ha wola dede wen ha zu mbwa. Ɔ ha kpaa yeksamɔ ha kɔ hio wi. Ma, ɔ ha yɔnga yini.

1 Korente 4:12 ပူးပေါင်းရင်းမြစ်များ

Matthieu 5:11

«Totɛ ha ɛnɛ ka hio wi fɛngsi ɛnɛ, ka mbwa namili ɛnɛ, nɛ ka mbwa gɔn dalo gde ha nu ɛnɛ hazu ɛnɛ nê wi pɔm.

Matthieu 5:44

Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

Dede Wen hazu Jésus-Christ ka Luc ngɛraka 23:34

Nɛ Jésus tɔa: «Bafa mi, bisi *sɛmbɔ pɛ mbwa, hazu mbwa ing mɔ ka mbwa de na.» Nɛ hio wan-bibulo kapana la pɛa ha soko may nɛ wal dea mbela.

Dede Wen hazu Jésus-Christ ka Luc ngɛraka 6:28

Ɛnɛ awol dede wen ha zu wi ndɔng ka fom ɛnɛ. Ɛnɛ agɔ Sɔ hazu ɛ ndɔng ka yukiti ɛnɛ.

Jean 15:20

Tazu ɛnɛ agba nɛ wen ka mi batɔ ha ɛnɛ: ‹Wan-tom bo nɛ zioa pen wan pɛa na.› Ɛ ndɔng ka namala mi, benamili fin ɛnɛ. Ɛ ndɔng ka mɛkara hio wen pɔm, bemɛkiri fin hio wen pɛ ɛnɛ.

Deamɔ 18:3

nɛ a ɔa nɛ de tom hinɛ mbwa, hazu mbwa ha dea ndangtɛ tom fulo hio gasa la mɛ bɛ nɛ twa.

Deamɔ 20:34

Ɛnɛ ingɔ nɛ tɛ ɛnɛ nde, mi dea tom nɛ kɔ mi hazu kpa mɔ ka kɔpa mi nɛ hio sɔy-tom pɔm.

Deamɔ 7:60

Hapata, a teka nɛ zigolo ha nu, nɛ gdɔra nɛ ngagɛl: «Kongawan, mɛ bisi *sɛmbɔ ɛngɛ ha zu mbwa.» Nɛ hapata wen ndɔng, a fea.

Rome 12:14

Ɛnɛ wol dede wen ha zu wi ndɔng ka namili ɛnɛ. Lɛma nde, ɛnɛ awol dede wen, ka ɛnɛ afom wi na.

Rome 12:20

Ma, ɛnɛ de mɔ ka wɛnɛ tɔa fin: «Ka ngana pɛ mɛ nɛ wɔ, mɛ ha yɔngamɔ ha wɛnɛ ayɔng. Ka wɔ li dea wɛnɛ, mɛ ku li ha wɛnɛ anɔ. Hazu ka mɛ de dedemɔ mɛgi, foy bede wɛnɛ.»

Rome 8:35

Nge mɔ ge ka bekɛtini soko ɔ hinɛ ngoy ka Christ ngoya nɛ ɔ, ge nde? Mana yeksamɔ? Mana ke? Mana hio wi ka namili ɔ? Mana ginga foto? Mana mɔ ka kɔpi ɔ? Mana ngamɔ? Mana fio nde? Way!

1 Korente 9:6

Mi hinɛ Barnabas ha dea tom nɛ kɔ ɔ hazu gbakiri nɛ tɛ ɔ. Yo sɔna nê ɔ ka mɔ nɔsisi mɛ de mɛgi nde?

2 Korente 11:8

Hio ma *giliwi mɔ eglize kpea mi, nɛ mi kuo mbɔlia de nɛ tom ha ɛnɛ.

Efeze 4:28

Hio wan-zu azu mɔ fin na. Ma, dea nde, mbwa ade dede tom nɛ kɔ mbwa hazu gbakiri fin nɛ wi ndɔng ka mɔ kɔpi mbwa.

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

2 Tesalonike 3:8

Ɔ tɛ kpa yɔngamɔ ha kɔ ma wi nɛ gangtɛ na, ma, ɔ bade tom nɛ gbɛngamɔ nɛ katatɛ swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Timothée 4:10

Ey, ɔ ha gbɛngsa tɛ nɛ ɔ ha bio bulo, hazu ɔ gdea tazu ɔ ha tɛ tunɔ Sɔ, ka dung nê *wan-kpasisi hio wi fɛt, pen mɔ fɛt, wan-kpasisi hio wi ndɔng ka mɛkara wɛnɛ.

1 Pierre 2:23

Ngase ka hio wi yaa wɛnɛ, a tɛ ya fin mbwa na. Ngase ka wɛnɛ kpaa yeksamɔ ha kɔ hio wi, a tɛ gutɛ sungiri nɛ mbwa na. Ma, a gdea mɔ ndɔng fɛt ha kɔ Sɔ ka gɔn kita nzeng.

1 Pierre 3:14

Totɛ ha ɛnɛ, ka ɛnɛ kpa yeksamɔ hazu ɛnɛ ha dea nzengmɔ. Ka ɛnɛ ayu ke hio wi na, nɛ ka sila ɛnɛ abhunziki na.

1 Pierre 3:9

Ka ma wi dea gdangamɔ ha tɛ ɛnɛ, ka ɛnɛ akifiri fin de gdangamɔ ha tɛ wa na. Ka ma wi yaa ɛnɛ, ka ɛnɛ akifiri fin ya wɛnɛ na. Ma, dea nde, ɛnɛ agɔ Sɔ nde, wɛnɛ awol dede wen ha zu wia. Hazu, ha ngimɔ ka Sɔ saa nɛ ɛnɛ mɛ dung hio wi pɛa, a gɔna nu nde, a bewol dede wen ha zu ɛnɛ.

1 Pierre 4:19

Mɛgi, hio wi ndɔng ka kpa yeksamɔ tuka ka Sɔ ngoya, dea nde, mbwa abhɔn ka ha dea dedemɔ. Nɛ dea fin nde, mbwa agde tɛ mbwa fɛt ha kɔ Sɔ, ka dea mbwa, nɛ ka dung nɛ mboazu.

Jude 1:9

Ngase telenge Michel ka dung nê wan-zu hio telenge fɛt, tɛ de mɛgi na. Ha ngimɔ ka wɛnɛ dungɔ ha mɔya hinɛ *Satan hazu wɔl Moïse, Michel tɛ ba da mɛ gɔn kita fɛngsamɔ ha zu Satan na, ma, a tɔa sɔna nde, Kongawan andulsi mɛ.