1 Korente 4:10 - Takarata pɛ Sɔ Mbombe Mbon

¹⁰ Hio wi mɔ nzan zɔk ɔ tuka hio wan-bili hazu Christ. Ma, ɛnɛ takiri pɛ ɛnɛ nde, ɛnɛ nê hio wan-mbarimɔ hazu ɛnɛ ha dea sɔy hinɛ Christ. Ɔ nê hio mɔka wi, ma, ɛnɛ takiri nde, ɛnɛ nê hio ngawi. Hio wi ha bhɛsara ɔ, ma, mbwa ha lukoso ɛnɛ.

1 Korente 4:10 ပူးပေါင်းရင်းမြစ်များ

Matthieu 24:9

«Ha ngimɔ ɛngi, ɛ beba ɛnɛ mɛ yukiti nɛ mɛ gbɛ ɛnɛ. Hio kandɔ fɛt besɛn ɛnɛ hazu ɛnɛ mɛkara mi.

Matthieu 5:11

«Totɛ ha ɛnɛ ka hio wi fɛngsi ɛnɛ, ka mbwa namili ɛnɛ, nɛ ka mbwa gɔn dalo gde ha nu ɛnɛ hazu ɛnɛ nê wi pɔm.

Dede Wen hazu Jésus-Christ ka Luc ngɛraka 10:16

Nɛ Jésus tɔa fin ha hio *wan-yambimɔ pɛa: «Wi ka mɛkiri wen pɛ ɛnɛ, mɛkara mi. Wi ka kafi ɛnɛ, kafa mi. Nɛ wi ka kafi mi, a kafa Sɔ ka tomsa mi.»

Dede Wen hazu Jésus-Christ ka Luc ngɛraka 18:9

Jésus tɔa fin towen ɛngɛ ha hio wi ndɔng, ka ba tɛ mbwa tuka *nzeng wi ha li Sɔ, nɛ ka bhɛsara hio mbinga. A tɔa:

Dede Wen hazu Jésus-Christ ka Luc ngɛraka 6:22

Totɛ ha ɛnɛ ka hio wi besɛn ɛnɛ, nɛ ka mbwa bemul ɛnɛ pi, nɛ ka mbwa beya ɛnɛ nɛ fɛngsi ling ɛnɛ, hazu mi, *Bewei pɛ Wi.

Deamɔ 17:18

Hio ma wan-mbarimɔ mɔ zugili Epikurien nɛ mɔ zugili Stoisien, zanga wen hinɛ Paul. Hio ma anamɔ: «Nalogorogol ɛngɛ ngoy tɔ nde ge?» Nɛ hio ma, ka zea Paul ha bulo wen fio nɛ guotɛ pɛ Jésus, tɔa pɛ mbwa: «Wɛnɛ nê wan-bul wen gɔn-gɛnɛ sɔ.»

Deamɔ 17:32

Ka hio wi zea wen guotɛ ha soko fiowi, hio ma mama wɛnɛ, nɛ hio ma tɔa: «Ɔ ngoy ze bin mɛ hazu wen ɛngɛ ma ngimɔ.»

Deamɔ 26:24

Ka Paul boka ha kɛa wen tɛ wa, Festus tɔa nɛ ngagɛl: «Paul, bili ha dea mɛ! Yamba mɔ pentɛ dea bili ha zu mɛ.»

Deamɔ 9:16

Nɛ mi beosi ha wɛnɛ dɔka yeksamɔ, ka lɛma nde, wɛnɛ akpa hazu ling mi.»

1 Korente 1:21

Ey, hio wi mɔ nzan nɛ wal mbaramɔ pɛ mbwa tɛ ing Sɔ na. Hazu, Sɔ nɛ mbaramɔ pɛa, zɔka nɛ dedea nde, wɛnɛ akpasisi hio wi ka mɛkara wɛnɛ nɛ wal bulowen pɛ ɔ, ka dung nê wen bili ha li hio olo wi.

1 Korente 1:23

Ma, pɛ ɔ, ɔ bul nɛ wen tɛ Christ ka fea ha getakate. Wen ɛngɛ dung tuka mɔ kɔ nanga ha li hio zuife, nɛ yo dung fin tuka wen bili ha li hio olo kandɔ.

1 Korente 1:25

Hazu, mɔ pɛ Sɔ ka hio wi zɔk tuka wen bili, yo nê mbaramɔ pen mbaramɔ pɛ mbwa. Nɛ mɔ pɛ Sɔ ka mbwa zɔk tuka mɔ pɔsa, yo nɛ ngaya pen ngatɛ pɛ mbwa.

1 Korente 10:12

Mɛgi, wi ka takiri pɛa nde, wɛnɛ ha yola ha ngɔn, wɛnɛ pangay yu nde, wɛnɛ betɛ tek ha nu.

1 Korente 2:14

Wi ka takaramɔ pɛa tɛ nɛ wal nzan, a lɛm mɛkiri hio mɔ ka tɛ nɛ wal Sɔtɛ pɛ Sɔ na. A zɔk yo tuka wen bili sɔna, a lɛm ing gotoa na. Hazu wi lɛma ing gotoa sɔna nɛ wal Sɔtɛ pɛ Sɔ.

1 Korente 2:3

Yo nê ɛngi, ka mi badung nɛ mɔkaa ha soko ɛnɛ, nɛ tɛ mi yaka nɛ ke tututu.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

1 Korente 3:2

Hio mɔ ka mi osa ha ɛnɛ, yo dungɔ tuka li bele. Yo tɛ dung nê tɛ yɔngamɔ na. Hazu ha ngimɔ ɛngi, ɛnɛ tɛ lɛm ka yɔnga nga yɔngamɔ na. Ey, ngase sising, ɛnɛ tɛ lɛm ka yɔnga yo na.

1 Korente 4:8

Pɛ ɛnɛ, ɛnɛ ha takara nde, ɛnɛ kpaa mɔ fɛt kari. Nɛ nde, ɛnɛ tɛ bo nê hio gasa wan-kpamɔ. Nɛ fin nde, ɛnɛ tɛ bo nê hio *kongapora lak ɔ gde. Ey, mi ngoya nde, ɛnɛ atɛ hio kpasa kongapora, ka ɔ adung kongapora hinɛ ɛnɛ gbesi.

2 Korente 10:10

Hio ma wi ha tɔa nde, ha zang hio takarata pɛa, Paul ha tɔa wen nɛ ngaya nɛ zioa, ma, ka wɛnɛ dung ha soko ɔ, wɛnɛ nê mɔka wi, nɛ hio wen nu wa dung tuka gbelemɔ.

2 Korente 11:19

Ɛnɛ ha zɔka tɛ ɛnɛ tuka wan-ingmɔ, ma, ɛnɛ nɛ sanga mɛ ba sila ɛnɛ nɛ hio wan-bili.

2 Korente 11:29

Ka ma wi nɛ mɔkaa, mi fin dung tuka mɔka wi. Ka ma wi dak ma wa pi ha dea gdangamɔ, sila mi ha yimɔa pentɛ.

2 Korente 13:9

Ɔ nɛ totɛ ka ɔ dung nɛ mɔkaa, nɛ ka ɛnɛ dung nɛ ngaya. Mɛgi, ɔ gɔ Sɔ tuka nde, ɛnɛ alɛm fin wɛɛ nɛ mbinga.

2 Korente 4:12

Mɛgi, fio ha dea tom ha tɛ ɔ, tuka nde, tunɔ ade tom ha tɛ ɛnɛ.

2 Korente 6:8

Hio ma wi ha baa ɔ nɛ zioa, nɛ hio ma ha pio foy ha li ɔ. Hio ma wi ha tɔa dede lingtɛ ɔ, nɛ hio ma ha tɔa gdanga lingtɛ ɔ. Hio ma wi ha zɔka ɔ tuka wan-tɔ dalo, ma, ɔ nê hio wan-tɔ tɛwen.

1 Tesalonike 4:8

Mɛgi, wi ka kafi mɛ ze wen ndɔng, a kafi nɛ wen pɛ hio wi na, ma, a kafi nɛ Sɔ ka ha *Nzɔy-Sɔtɛ pɛa ha ɛnɛ.

1 Pierre 4:14

Ka hio wi ya ɛnɛ hazu ɛnɛ nê wi pɛ Christ, dea nde, ɛnɛ ade totɛ, hazu ha ngimɔ ɛngɛ *Nzɔy-Sɔtɛ pɛ Sɔ ka dung nɛ ngaya pen mɔ fɛt, bedung hinɛ ɛnɛ.