1 Korente 3:3 - Takarata pɛ Sɔ Mbombe Mbon

³ Hazu ɛnɛ bhɔna ka ha dea mɔ tuka hio wi mɔ nzan. Ɛnɛ bhɔna ka ha dea silamɔ ha tɛ may nɛ ha kio wen ha soko may. Bo nê ɛngɛ osi nde, ɛnɛ nê hio wi mɔ nzan, nɛ ɛnɛ ha dea mɔ lɛm nɛ ndɔkitɛ wi, na nde?

1 Korente 3:3 ပူးပေါင်းရင်းမြစ်များ

Rome 13:13

Ɔ ade mɔ nɛ wala, lɛm nɛ saamɔ gasa swe. Ka ɔ anɔ dɔkɔ nɛ ngurua na, ka ɔ ayɔng nɛ nɔ mɔ nɛ kang na, ka ɔ ade wanza mana ngon dua na, ka ɔ aki wen na, nɛ ka ɔ ade silamɔ na.

1 Korente 1:10

Hio ya mi, mi mbo ɛnɛ nɛ ling *Kongawan pɛ ɔ, Jésus-Christ nde, ɛnɛ aze may. Ka ɛnɛ akɛtini soko dung nɛtɛ-nɛtɛ na. Ma, ɛnɛ adung nɛ sila ndang nɛ takaramɔ ndang nɛkpasa.

1 Korente 1:11

Ey, hio ya mi, hio wi mɛ twa pɛ Kloe tɛa tɛ tɔ ha mi nde, ɛnɛ ha mɔya ha soko ɛnɛ.

1 Korente 11:18

Sɔngsi mɔ fɛt mi zea wen nde, ha wesara may mɔ eglize pɛ ɛnɛ, kɛtana soko ang. Nɛ mi takara nde, hio ma wena nê tɛ kpasawen.

1 Korente 3:4

Ka ma wi ha soko ɛnɛ tɔ nde, wɛnɛ nê pɛ Paul, nɛ ma mbinga nde, wɛnɛ nê pɛ Apolos, bo nê ɛnɛ ha dea mɔ gbesi tuka hio wi mɔ nzan, na nde?

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

Galasi 5:15

Nɛ ka ɛnɛ de mɔ ha soko may tuka hio ngɔnzu ka yɔng may vak-vak, nɛ ka kɔmbiri may zɛgbɛk, ɛnɛ pangay yu nde, ɛnɛ betɛ gdari may mburr.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

Jacques 3:16

Hazu, ha bhandi ka nga sila nɛ kio wen dung ang, tukolomɔ nɛ tili gdangamɔ nɛtɛ-nɛtɛ dung ang fin.

1 Pierre 4:2

Angiri sising, ha ngimɔ fɛt ka ɛnɛ bhɔna nɛ zutunɔ, dea nde, ɛnɛ ade sɔna nɛ mɔ ka Sɔ ngoya. Ka ɛnɛ ade fin hio mɔ ka tɛ ɛnɛ ngoya na.