1 Korente 3:16 - Takarata pɛ Sɔ Mbombe Mbon

¹⁶ Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

1 Korente 3:16 ပူးပေါင်းရင်းမြစ်များ

Jean 14:17

Wɛnɛ nê Nzɔy-Sɔtɛ ka gbasi tɛwen pɛ Sɔ ha hio wi. Hio wi mɔ nzan lɛm ba wɛnɛ nɛ dede kɔ na, hazu mbwa zɔk wɛnɛ na, nɛ mbwa ing wɛnɛ na. Ma, pɛ ɛnɛ, ɛnɛ ingɔ wɛnɛ, hazu a dung hapɛtɛ ɛnɛ, nɛ a dung ha zang sila ɛnɛ.

Rome 6:16

Ɛnɛ ingɔ nɛdedea nde, wi ka ɛnɛ mɛkiri mɛ ze nu wa tuka wan pɛ ɛnɛ, ɛnɛ tɛ bo nê bala pɛa. Ɛngɛ tɔ nde, ka ɛnɛ mɛkiri mɛ dung ha si gdangamɔ, yo bedak ɛnɛ pi ha fio. Ma, ka ɛnɛ mɛkiri mɛ ze nu Sɔ, wɛnɛ begde ɛnɛ nzeng ha li wa.

Rome 6:3

Ɛnɛ zɔk, ka ɛ gdumso ɔ ha li kari, ɔ tɛ bo ha dea sɔy hinɛ Jésus-Christ. Ɛngi ngoy mɛ tɔ nde, ɔ fea hinɛ wɛnɛ gbesi. Ɛnɛ tɛ ing mɛgi, na nde?

Rome 8:11

Nɛ wal Nzɔy-Sɔtɛ pɛa, Sɔ guo Jésus ha soko hio fiowi. Nɛ Sɔtɛ ɛngɛ ha dea le ha sila ɛnɛ. Yo ngoy tɔ nde, Sɔ ka guo Christ ha soko hio fiowi, a begde bin tɛ ɛnɛ ka befe, nɛ zutunɔ. A bede mɛgi nɛ wal Sɔtɛ pɛa ka de le ha sila ɛnɛ.

Rome 8:9

Ka bo nê pɛ ɛnɛ, ka ɛnɛ ade mɔ nɛ tɛ ɛnɛ na, ma, ɛnɛ de mɔ nɛ Nzɔy-Sɔtɛ pɛ Sɔ, hazu Sɔtɛ ɛngɛ ha dea le ha tɛ ɛnɛ. Ka Sɔtɛ pɛ Christ de le ha sila ma wi na, wia bo nê pɛ Christ na.

1 Korente 3:17

Ka ma wi gdangsi twa pɛ Sɔ, Sɔ begdangsi wɛnɛ fin. Hazu twa pɛ Sɔ nɛ nzɔya, nɛ yo nê ɛnɛ ka dung nê twa pɛ Sɔ.

1 Korente 3:9

Hazu, ɔ nê hio sɔy-tom ha tom pɛ Sɔ, nɛ ɛnɛ dung tuka fɔ pɛ Sɔ. Nɛ ɛnɛ dung fin tuka twa pɛ Sɔ.

1 Korente 5:6

Ma mɔ ka ɛnɛ lɛma sutɛ hazua bona. Ɛnɛ ingɔ zɛngwen ka tɔ nde: «Yina hasisi mampa tikiring lɛma hasisi gasa mbɔrɔa fɛt.»

1 Korente 6:16

Ɛnɛ tɛ ing nde, ka ma wi ɔa hinɛ ma bhoko-de wanza, mbwa bwa tɛ bo nê tɛ ndang, na nde? Takarata pɛ Sɔ tɔa long: «Mbwa bwa fɛt bedung nê wi ndang.»

1 Korente 6:19

Ɛnɛ tɛ ing nde, tɛ ɛnɛ nê twa pɛ Nzɔy-Sɔtɛ, na nde? Sɔ haa ɛnɛ Nzɔy-Sɔtɛ kari, nɛ wɛnɛ de le ha sila ɛnɛ. Mɛgi, ɛnɛ bo nê wan hazu tɛ ɛnɛ nɛ pɛ ɛnɛ tɛ na.

1 Korente 6:9

Ɛnɛ ingɔ nɛdedea nde, hio *wan-de gdangamɔ lɛm mɛ kpa bhandi ha *Kongakandɔ pɛ Sɔ na. Ka ɛnɛ aosili tɛ ɛnɛ na. Hio wi ka de mɔ nyɛl, ka de tom gbele sɔ, ka de wanza, ka ɔnu nɛ bhobem mana nɛ ma mbwa wei,

1 Korente 9:13

Hio wi ndɔng ka de tom ha zang *gasa twa Sɔ, mbwa kpa yɔngamɔ ha mɔ-kɔ ka hio wi ha haki. Nɛ hio wi ndɔng ka de tom ha bhandi ha sadaka, mbwa kpa fin ma bhalkɔ sadaka mɛ yɔng. Ɛnɛ ingɔ yo, na nde?

1 Korente 9:24

Ɛnɛ ingɔ nde, yo nê dɔka wi ha sɔwi ha kpakpay. Ma, wan-gan kpakpay ka kpa kɛamɔ, wɛnɛ nê ndang sɔna. Mɛgi, ɛnɛ ngasisi tɛ ɛnɛ tuka nde, ɛnɛ akpa kɛamɔ.

2 Korente 6:16

Hio gbele sɔ lɛma kpa bhandi ha *gasa twa Sɔ mɛng? Kpasawen, ɔ nê twa pɛ tunɔ Sɔ, gbesi tuka wɛnɛ tɔa: «Mi bede le ha soko mbwa, nɛ mi beyal ha soko mbwa. Mi bedung nê Sɔ pɛ mbwa, nɛ mbwa bedung nê kandɔ pɔm.»

1 Timothée 3:15

Ma, ka mi ziko ha hɔa, takarata ɛngɛ beosi ha mɛ dede ndɔki deamɔ ha soko hio nam pɛ Sɔ, yo nde, ha soko *giliwi mɔ eglize pɛ tunɔ Sɔ, giliwi ndɔng ka dung tuka mbing nɛ nanga twa ka tɔn nɛ pam tɛwen.

2 Timothée 1:14

Mɛ apam dede osamɔ ɛngɛ ka Sɔ gdea ha kɔ mɛ, nɛ wal ngatɛ pɛ *Nzɔy-Sɔtɛ ka de le ha sila ɔ.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

Jacques 4:4

Ɛnɛ, hio wan-yambala zu ha li Sɔ, ɛnɛ ing nde, dea gdidan hinɛ nzan, yo nê sungoro Sɔ. Mɛgi, wi fɛt, ka ngoy dea gdidan hinɛ nzan, a tɛ bo nê ngana pɛ Sɔ.

1 Pierre 2:5

Lɛma nde, ɛnɛ fin adung tuka tunɔ ta nde, Sɔ akay ɛnɛ bɛ nɛ twa, ka *Nzɔy-Sɔtɛ ade le ang. Ɛnɛ bedung nê hio nzɔy wan-hasadaka tuka nde, ɛnɛ aha hio sadaka, ka Nzɔy-Sɔtɛ ngoya, nɛ ka dung nɛ yefaa ha li Sɔ nɛ wal Jésus-Christ.

1 Jean 4:12

Ma wi ndang tɛ zɔk Sɔ na. Ka ɔ ngoy may, Sɔ ang ha tɛ ɔ, nɛ ngoy pɛa lɛma wɛɛ ha tɛ ɔ.