1 Korente 3:12 - Takarata pɛ Sɔ Mbombe Mbon

¹² Hio ma wi bɛa twa ha zu nanga twa ɛngɛ nɛ gbɛbolo, mana bubolo, mana nɛ hio lɔka ta. Hio ma mbinga bɛa pɛ mbwa nɛ te, mana nɛ nzɔ, mana nɛ panzɔ.

1 Korente 3:12 ပူးပေါင်းရင်းမြစ်များ

Deamɔ 20:30

Nɛ hio ma wi ha soko ɛnɛ begutɛ, nɛ mbwa betɔ wen dalo tuka nde, hio ma *wan-yambimɔ pɛ Jésus alak wɛnɛ gde nɛ ndari mbwa.

Rome 16:17

Hio ya mi, mi mbo ɛnɛ nde, ɛnɛ pangay nɛ hio wi ndɔng ka tɛ nɛ wen kɛtana soko, nɛ ka sungiri hio osamɔ ka ɛnɛ yamba. Mbwa ngoy yɔsisi wi ha dede wal mɔ Sɔ. Ɛnɛ sɔsi mbwa,

1 Korente 3:11

Kpasawen, Sɔ gdea Jésus-Christ tuka nanga twa kari. Ma wi ndang lɛm bɛ fin ma mbing nanga twa na.

1 Korente 3:13

Ha swe kita pɛ Sɔ, li tom pɛ wi ndang ndang fɛt begbasi tɛ long. Hazu ha swea, Sɔ bewe tom ndɔng fɛt nɛ we. Nɛ we ɛngɛ beosi li tom ndang ndang fɛt, mana yo nɛ dedea, mana yo nɛ gdangaa.

2 Korente 2:17

Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

2 Korente 4:2

Ɔ kafa dea mɔ foy nɛ mɔ wuso. Ɔ osili wi na, nɛ ɔ bul wen pɛ Sɔ nɛ dalo ha zanga na. Ma, ɔ gbasi nɛ tɛwen long ha hio wi. Mɛgi ingɔmɔ sila pɛ mbwa being nde, ɔ nê hio mboazu wi ha li Sɔ.

Kolose 2:8

Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

1 Timothée 6:3

Hio ma wi ang ka osi ma mɔ nɛtɛ, ka lɛm may ngase nɛ hio kpasa wen pɛ *Kongawan pɛ ɔ, Jésus-Christ, ngase nɛ osamɔ hazu dea tom Sɔ na.

2 Timothée 2:20

Ha zang gasa twa hio tili kpana nɛtɛ-nɛtɛ ang. Hio ma mɔ gbɛbolo mana mɔ bubolo ang, nɛ hio ma mɔ ge mana mɔ te ang fin. Hio ma de tom ha swe yenga, nɛ hio ma ha gbele swe.

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

2 Timothée 3:7

Hio bhoko ndɔng ha yamba mɔ ngimɔ fɛt, ma, mbwa lɛm hɔ ha ingɔ tɛwen ndang na.

2 Timothée 4:3

Hazu ma ngimɔ behɔ ka hio wi ngoy ze fin kpasa osamɔ na. Mbwa bede sɔna nɛ mɔ ka sila mbwa ngoya, nɛ mbwa bewesiri hio dɔka wan-osimɔ, ka beosi mɔ ka dung nɛ yefaa ha zala mbwa.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

1 Pierre 1:7

Ngase ka gbɛbolo bepen bin, hio wi ha wea yo ha zang we. Mɛkaramɔ pɛ ɛnɛ nɛ lɔkaa pen gbɛbolo. Yo nê ɛngi, ka mɔ ndɔng ha wea yo hazu zɔk nde, mana ɛnɛ mɛkara Sɔ nɛkpasa. Ka Sɔ kpa nde, ɛnɛ mɛkara wɛnɛ nɛkpasa, a beha ɛnɛ lukosomɔ, *lɛkɛ-lɛkɛmɔ, nɛ kongamɔ ha swe ka Jésus-Christ begbasi tɛ wa long.

Gbasamɔ 2:14

Ma, mi nɛ bebe mɔ sungiri ɛnɛ nde, hio ma wi ha soko ɛnɛ ndara osamɔ pɛ Balaam. Wɛnɛ mboa Balak mɛ osili hio wi mɔ *Israel nde, mbwa ayɔng sari sadaka pɛ hio gbele sɔ, nɛ mbwa ade wanza.

Gbasamɔ 21:18

Nɛ ɛ dea ngeng kina nɛ ngagɛnɛ ta zaspe, nɛ ka bo nê pɛ lea, ɛ dea yo nɛ kpasa gbɛbolo ka dung nɛ saa ngɛlɛ-ngɛlɛ.

Gbasamɔ 3:18

Mɛgi, mi ngoya mbo ɛnɛ nde, ɛnɛ atɛ tɛ hɛ ha kɔ mi gbɛbolo ka ɛ wea ha we, tuka nde, ɛnɛ adung nê hio kpasa wan-kpamɔ. Ɛnɛ ahɛ fin bu la mɛ yol tuka nde, foy sɔngɛrɛ tɛ ɛnɛ agbasi tɛ na. Ɛnɛ ahɛ fin yina mɛ a ha gbali ɛnɛ tuka nde, ɛnɛ azɔk mɔ.