1 Korente 3:10 - Takarata pɛ Sɔ Mbombe Mbon

¹⁰ Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

1 Korente 3:10 ပူးပေါင်းရင်းမြစ်များ

Matthieu 24:45

«Nge wan-tom ka dung nɛ mboazu nɛ ingɔmɔ ge nde? Yo nê wi kɛ ka wan pɛa begde wɛnɛ ha zu hio olo wan-tom pɛa, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Matthieu 7:24

«Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo.

Dede Wen hazu Jésus-Christ ka Luc ngɛraka 11:35

Mɛgi, pangay, tuka nde saamɔ ka dung ha tɛ mɛ, adung tutum na.

Dede Wen hazu Jésus-Christ ka Luc ngɛraka 21:8

Wɛnɛ tɔa ha mbwa: «Ɛnɛ pangay, ka ma wi aosili ɛnɛ na. Hazu dɔka wi betɛ nɛ ling mi, nɛ mbwa betɔ: ‹Mi nê *Mesi!› nɛ mbwa betɔ fin: ‹Kpogio ngimɔ koka kari!› Ka ɛnɛ andari mbwa na.

Deamɔ 18:27

Hapata, wɛnɛ nɛ hɛl mɛ nɛ ha Akai. Hio ya ha Christ mboa wɛnɛ nde, yo nɛ dedea. Mbwa ngɛraka ma takarata ha hio *wan-yambimɔ haki hazu ba wɛnɛ nɛ dede kɔ. Nɛ ka wɛnɛ hɔa haki, a gbakara dɔka wi ka mɛkara Jésus, hazu Sɔ dea *dede sila ha tɛ wa.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 12:3

Nɛ wal dede sila ka Sɔ dea ha tɛ mi, mi tɔ ha ɛnɛ ndang ndang fɛt nde, ka ɛnɛ aba tɛ ɛnɛ tuka gasa wi nɛ gbelea na. Ma, ɛnɛ atakiri mɔ nɛ mɛndi. Dea nde, ɛnɛ ndang ndang fɛt aweki tɛ ɛnɛ lɛm nɛ mɛkaramɔ ka Sɔ haa ha ɛnɛ.

Rome 15:15

Ma, mi baa da mɛ ngɛriki nɛ hio ma wen ha zang takarata ɛngɛ hazu gba nɛ tazu ɛnɛ nɛ mɔ ka ɛnɛ yamba kari. Mi dea mɛgi hazu Sɔ dea *dede sila ha tɛ mi

Rome 15:20

Ma, mi dungɔ nɛ hɛl mɛ bul Dede Wen sɔna ha hio bhandi ka hio wi tɛ ze ka wen tɛ Christ ang na. Yu nde, mi betɛ bɛ twa ha zu gɔni nanga twa ka ma wi dea sɔngsi.

1 Korente 3:11

Kpasawen, Sɔ gdea Jésus-Christ tuka nanga twa kari. Ma wi ndang lɛm bɛ fin ma mbing nanga twa na.

1 Korente 9:2

Hio ma wi zɔk mi tuka wan-nɛtom pɛ Kongawan na, ma, ngase ɛngi, ɛnɛ ingɔ nɛkpasa nde, mi nê wan-nɛtom. Hazu, ɛnɛ tɛ bo ha dea sɔy hinɛ Kongawan nɛ wal tom pɔm. Ɛngi gbasi long nde, mi nê kpasa wan-nɛtom pɛa.

2 Korente 10:15

Ɔ tɛ sutɛ pentɛ na. Yo nde, tom ka hio mbing wi dea, ɔ sutɛ hazua na. Ma, ɔ gdea tazu ɔ ha tɛ Sɔ nde, mɛkaramɔ pɛ ɛnɛ akpɔtɛ nɛ ha sɔngsi. Ɛngi beha ɔ wal mɛ de ma gasa tom pen mɔ sɔngsi ha soko ɛnɛ, tuka Sɔ weka ha ɔ mɛ de.

Efeze 2:20

Ɛnɛ dung tuka ngeng twa. Hio *wan-nɛtom nɛ hio *wan-tɔkuliwen dung pɛ mbwa tuka nanga twa ɛngɛ. Nɛ Jésus-Christ dung pɛa tuka ta tɔn ngbili twaa.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

Kolose 4:17

Ɛnɛ tɔ ha Arshipe nde, wɛnɛ agbɛngsi tɛ hazu lɛmsiri nɛdedea tom ka Kongawan gdea ha kɔ wa.

1 Tesalonike 3:2

nɛ mɛ tomsi ya ɔ, Timothée, nɛ ha pɛ ɛnɛ. Wɛnɛ ha dea tom ha Sɔ hinɛ ɔ ha bulo *Dede Wen pɛ Christ. Ɔ tomsa wɛnɛ nde, wɛnɛ aha ngatɛ ha ɛnɛ nɛ mbo ɛnɛ ha wal mɛkara Christ.

1 Timothée 4:16

Mɛ pangay nɛ dungɔ pɛ mɛ, nɛ fin nɛ osamɔ pɛ mɛ. Mɛ azati ha yo nɛ nɔa nging. Hazu ka mɛ de mɛgi, mɛ bekpasisi tɛ mɛ, nɛ mɛ bekpasisi fin hio wi ndɔng ka ze mɛ.

2 Timothée 2:15

Mɛ gbɛngsi tɛ mɛ nde, Sɔ aba mɛ nɛ zioa tuka wan-tom ka bo nɛ foy tom pɛa na, nɛ ka bul tɛwen nzeng.

Jacques 3:1

Hio ya mi, ka dɔka wi ha soko ɛnɛ aki wal mɛ dung wan-osimɔ ha wal mɔ Sɔ na. Hazu ɛnɛ ingɔ nde, Sɔ begɔn kita ha zu ɔ, hio wan-osimɔ, nɛngaya pen pɛ hio mbingwi.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

2 Pierre 3:15

Ɛnɛ ing nde, Kongawan pɛ ɔ ha kera pea nde, ɛnɛ akpa ngimɔ mɛ kpasi. Ɛngi nê ndangtɛ wen, ka ndɔngsila ya ɔ, Paul, ngɛraka ha ɛnɛ nɛ wal mbaramɔ ka Sɔ haa ha wɛnɛ.

Gbasamɔ 21:14

Nanga ngeng kin ɛngɛ yol ha zu hio gasa ta bhukɔ gbala bwa. Nɛ ɛ gɔna ling hio *wan-nɛtom pɛ Besami bhukɔ gbala bwa ha tɛ hio ta ndɔng.

Gbasamɔ 21:19

Ɛ kuo hio tili dede ngagɛnɛ ta nɛtɛ-nɛtɛ gde ha tɛ hio ta mɔ nanga ngeng kina. Ling bosi dede taa nde, zaspe, ling zebwaa nde, safir, ling zetara nde, agate, ling zenara nde, emerode,