1 Korente 2:10 - Takarata pɛ Sɔ Mbombe Mbon

¹⁰ Ma, pɛ ɔ, Sɔ gbasa mɔ ndɔng ha ɔ long nɛ wal *Nzɔy-Sɔtɛ. Hazu Nzɔy-Sɔtɛ ingɔ goto mɔ fɛt, ngase zang gduko mɔ ka Sɔ takiri ang.

1 Korente 2:10 ပူးပေါင်းရင်းမြစ်များ

Matthieu 13:11

Nɛ wɛnɛ kiforo wen ha mbwa: «Pɛ ɛnɛ, mɔ ka badung nɛ wuso hazu *Kongakandɔ Ngɔn, Sɔ gbasa yo ha ɛnɛ. Ma, pɛ hio oloa, Sɔ gbasi yo ha mbwa na.

Matthieu 16:17

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.

Dede Wen hazu Jésus-Christ ka Luc ngɛraka 10:21

Ha ndangtɛ ngimɔ, *Nzɔy-Sɔtɛ donsa sila Jésus nɛ gasa totɛ, nɛ wɛnɛ tɔa: «Bafa mi, mɛ nê wan hazu ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ. Ey, Bafa mi, yo nê mɛ ka ngoya yo mɛgi.

Dede Wen hazu Jésus-Christ ka Luc ngɛraka 2:26

nɛ a gbasa ha Siméon nde, wɛnɛ lɛm fe na, kanɛ wɛnɛ zɔka *Mesi ka *Kongawan tomsa.

Jean 14:26

Bafa mi betomsi Nzɔy-Sɔtɛ, wan-gbakiri ɛnɛ, ka bedung hinɛ ɛnɛ ha bhandi pɔm. Nzɔy-Sɔtɛ beosi mɔ fɛt ha ɛnɛ, nɛ wɛnɛ begba tazu ɛnɛ nɛ hio mɔ fɛt ka mi batɔ ha ɛnɛ sɔngsi.

Jean 16:13

Ka Nzɔy-Sɔtɛ ka begbasi tɛwen hɔa, a bede nde, ɛnɛ aing tɛwen fɛt. A lɛm tɔ wen nɛ zu wa na. Ma, a betɔ nɛ hio wen fɛt ka wɛnɛ zea ha nu Bafa mi. Nɛ wɛnɛ betɔ fin hio mɔ ka behɔ ha ɛnɛ.

1 Korente 14:30

Ma, ka ma wi ha wolamɔ, nɛ ka Sɔ gbasa ma mɔ ha ma mbinga mɛ tɔ ha wesara may, dea nde, wi ka wol mɔ akari sɛm.

1 Korente 2:11

Nge wi ha ing mɔ ka dung ha sila wi, o nde? Yo ka nê sɔtɛ wi ka dung ha sila wa, ka ingɔ yo. Mɛgi, mɔ ka Sɔ takiri ha sila wa, ma wi lɛm ing yo na, yo ka nê Sɔtɛ pɛ Sɔ ha ing.

Galasi 1:12

Ma wi ndang tɛ ha yo ha mi na, nɛ ma wi ndang tɛ osi yo ha mi na. Ma, yo nê Jésus-Christ nɛ tɛ wa ha gbasi yo ha mi.

Efeze 3:3

Sɔ gbasa ha mi hio mɔ ka wɛnɛ babhɔngiri nɛ wuso. Mi ngɛraka hio ma bebe wen hazua sɔngsi ha zang takarata ɛngɛ kari.

Efeze 3:5

Ha hio ngimɔ sɔngsi, Sɔ tɛ gbasi mɔ ɛngɛ ha hio wi na. Ma, sising, a tomsa *Nzɔy-Sɔtɛ pɛa hazu gbasi mɔ ɛngɛ fɛt long ha hio nzɔy *wan-nɛtom nɛ hio *wan-tɔkuliwen pɛa.

1 Timothée 4:1

*Nzɔy-Sɔtɛ gbasa long nde, ha kpogio ngimɔ hio ma wi belak mɛkaramɔ gde, mbwa beze nu hio sɔtɛ ndɔng ka osili wi, nɛ mbwa bendari pata osamɔ ka tɛ nɛ wal hio gdanga sɔtɛ.

1 Pierre 1:12

Sɔ osa ha mbwa long nde, mɔ ndɔng bo hazu mbwa nɛ pɛ mbwa tɛ na, ma, yo hazu ɛnɛ. Nɛ sising, hio wan-bul *Dede Wen bulo wen mɔ ndɔng ha ɛnɛ fɛt kari. Mbwa tɔa wena nɛ wal ngatɛ pɛ Nzɔy-Sɔtɛ ka Sɔ tomsa ha ngɔn tɛnɛ. Nɛ hio *telenge fin nɛ hɛl mɛ mbari hio mɔ ndɔng.

1 Jean 2:20

Pɛ ɛnɛ, Christ haa *Nzɔy-Sɔtɛ ha ɛnɛ kari. Mɛgi, ɛnɛ fɛt, ɛnɛ ingɔ tɛwen.

1 Jean 2:27

Pɛ ɛnɛ, Christ haa ɛnɛ Nzɔy-Sɔtɛ ka de le ha zang sila ɛnɛ. Mɛgi, ɛnɛ lɛm ki fin ma wan-osimɔ na, hazu Nzɔy-Sɔtɛ ha osamɔ fɛt ha ɛnɛ. Nɛ hio mɔ ndɔng ka wɛnɛ osi ha ɛnɛ, yo nê tɛwen, dalo bo ang na. Mɛgi, ɛnɛ abhɔn ha dea sɔy hinɛ Jésus-Christ tuka ka Nzɔy-Sɔtɛ ha osa ha ɛnɛ.

Gbasamɔ 1:1

Takarata ɛngɛ tɔ nɛ wen mɔ ka Jésus-Christ gbasa. Sɔ haa gbasamɔ ɛngɛ ha wɛnɛ tuka nde, wɛnɛ aosi ha hio wan-tom pɛa mɔ ka betɛ nɛhasa. Wɛnɛ tomsa ma *telenge pɛa ndang hazu osi mɔ ndɔng ha Jean, wan-tom pɛa.

Gbasamɔ 2:24

«Ma, ka bo nê pɛ ɛnɛ, hio olo wi mɔ eglize ha Tiatire, ka tɛ ndari gdanga osamɔ ɛngɛ na, ɛnɛ tɛ yambi mɔ ka ɛ sa nde, osamɔ wuso pɛ *Satan, na. Mɛgi, mi lɛm gde ma mbing zio toy ha zu ɛnɛ na.