1 Korente 15:4 - Takarata pɛ Sɔ Mbombe Mbon

⁴ ɛ gunɔ wɛnɛ, nɛ wɛnɛ guotɛ nɛ tunɔ ha zetar yala tuka Sɔ batɔ ha takarata pɛa.

1 Korente 15:4 ပူးပေါင်းရင်းမြစ်များ

Matthieu 12:40

Gbesi tuka Jonas dea yala tar ha zang gasa kɔyɔ, mi, *Bewei pɛ Wi, bede fin yala tar ha si nu.

Matthieu 16:21

Angiri ha ngimɔ ɛngi, Jésus angara gbasa mɔ ɛngɛ ha hio *wan-yambimɔ pɛa, a tɔa: «Lɛma nde, mi anɛ ha Jérusalem, nɛ mi akpa dɔka yimtɛ ha kɔ hio kotowi, hio gasa wan-hasadaka nɛ hio *wan-osi mbonga. Nɛ mbwa begbɛ mi. Ma, ha zetar yala, mi begutɛ ha soko hio fiowi.»

Matthieu 20:19

nɛ mbwa begde mi ha kɔ hio wi ka bo nê *zuife na. Wi ndɔng bemam mi nɛ bezuri mi nɛ zambala. Nɛ mbwa bengba mi ha getakate. Ma, ha zetar yala, mi begutɛ ha soko hio fiowi.»

Marc 9:31

hazu wɛnɛ dungɔ ha osamɔ ha hio wan-yambimɔ pɛa. A tɔa ha mbwa: «Ɛ begde mi, *Bewei pɛ Wi, ha kɔ hio wi. Mbwa begbɛ mi. Nɛ hapata yala tar, mi begutɛ ha soko hio fiowi.»

Dede Wen hazu Jésus-Christ ka Luc ngɛraka 24:26

Dea ka de nde, *Mesi akpa yimtɛ mɛgi, sɔngsi ka Sɔ beha wɛnɛ *lɛkɛ-lɛkɛmɔ pɛa.»

Dede Wen hazu Jésus-Christ ka Luc ngɛraka 24:46

Nɛ a tɔa ha mbwa: «Ɛ ngɛraka ha zang takarata pɛ Sɔ nde, *Mesi bekpa yeksamɔ nɛdɔka kanɛ fio. Nɛ hapata zetar yala, a begutɛ ha soko hio fiowi.

Dede Wen hazu Jésus-Christ ka Luc ngɛraka 9:22

Nɛ a tɔa fin: «Lɛma nde mi, *Bewei pɛ Wi, mi akpa yimtɛ nɛdɔka. Hio kotowi, hio gasa wan-hasadaka nɛ hio *wan-osi mbonga bemul mi pi. Ɛ begbɛ mi, nɛ zetar yala, mi bekifiri ha tunɔ.»

Jean 19:38

Joseph wi mɔ le Arimate dungɔ nê ma *wan-yambimɔ pɛ Jésus nɛ wuso, hazu wɛnɛ ha yuo ke hio wan-le *zuife. Hapata fio pɛ Jésus, a nɛa nɛ ani Pilate nde, ka wɛnɛ azilsi wɔl Jésus. Pilate mɛkara. Mɛgi, Joseph nɛa nɛ zilsi wɔl Jésus, nɛ wɛnɛ guo yo pen nɛ.

Deamɔ 1:3

Hapata fio pɛa, a dungɔ ha gbasa tɛ ha mbwa ha zang yala bhukɔa nar. A osa ha mbwa nɛ dɔka wal nɛtɛ-nɛtɛ nde, wɛnɛ nɛ zutunɔ. Nɛ wɛnɛ tɔa wen *Kongakandɔ pɛ Sɔ ha mbwa.

Deamɔ 17:31

Hazu a weka ma yala, ka wɛnɛ begɔn nzeng kita ha zu hio wi mɔ nzan fɛt. A weka wan-gɔn kita ɛngɛ kari, nɛ a gbasa wɛnɛ long nɛ wal guo wɛnɛ ha soko hio fio wi.»

Rome 6:4

Nɛ wal gdumso ɔ ha li, ɔ tɛ bo nê hio fiowi ka ɛ gunɔ hinɛ Jésus-Christ gbesi. Sɔ, Bafa ɔ, guo wɛnɛ ha soko hio fiowi nɛ wal lɛkɛ-lɛkɛ ziomɔ pɛa tuka nde, ɔ fin, ɔ akpa mbombe tunɔ nɛ ɔ ade mɔ lɛm nɛ yo.

Kolose 2:12

Ha ngimɔ ka ɛ bagdumsi ɛnɛ ha li, ɛ gunɔ ɛnɛ hinɛ Christ gbesi. Nɛ ka ɛnɛ gboa ha si li, Sɔ guo ɛnɛ gbesi hinɛ wɛnɛ, hazu ɛnɛ gdea tazu ɛnɛ ha ngatɛ pɛ Sɔ ka guo Christ ha soko hio fiowi.

Hebro 13:20

Sɔ, wan-ha gaamɔ, guo *Kongawan pɛ ɔ, Jésus, ha soko hio fio wi yunɛ. Wɛnɛ nê gasa zaoro sami, ka tɔktɛ wa bhɔngara *mbon ɛngɛ ka bebhɔn kpoo.

1 Pierre 1:11

*Nzɔy-Sɔtɛ pɛ Christ ka dungɔ ha sila mbwa gbasa bingiri nde, Christ bekpa yimtɛ sɔngsi ing ki, a tɛ kpa lɛkɛ-lɛkɛmɔ. Mbwa dungɔ ha kio mɔ nɛngaya, hazu ing ngimɔ nɛ wal ka mɔ ndɔng behɔ nɛ.