1 Korente 14:4 - Takarata pɛ Sɔ Mbombe Mbon

⁴ Wi ka wol mɔ nɛ hio nu pɛ Nzɔy-Sɔtɛ, wɛnɛ gbakiri tɛ wa nɛ pɛa tɛ. Ma, wi ka tɔ kuliwen pɛ Sɔ, wɛnɛ gbakiri pɛa nɛ *giliwi mɔ eglize fɛt.

1 Korente 14:4 ပူးပေါင်းရင်းမြစ်များ

Marc 16:17

Wi ndɔng ka bemɛkiri mi, mi beha mbwa ziomɔ mɛ de nɛ hio *mɔweka. Mbwa beyin hio gdanga sɔtɛ nɛ ling mi. Nɛ mbwa bewolmɔ nɛ hio mbombe nu.

Rome 14:19

Hazu ɛngi, ɔ gbɛngsi tɛ ɔ hazu de mɔ ka ha gaamɔ ha hio wi, nɛ hazu gbakiri may mɛ kpɔtɛ ha wal mɔ Sɔ.

1 Korente 12:10

Nɛ Nzɔy-Sɔtɛ ha ngatɛ ha ma wi mɛ de nɛ *mɔkifi, nɛ a ha ngatɛ ha ma mbinga mɛ tɔ nɛ kuliwen pɛ Sɔ, nɛ a ha ngatɛ ha ma fin mɛ gba nɛ soko gdanga sɔtɛ nɛ Nzɔy-Sɔtɛ. Ma wi kpa ngatɛ mɛ wol mɔ nɛ hio nu pɛ Nzɔy-Sɔtɛ, nɛ ma mbinga kpa ngatɛ mɛ bul longowen nu ndɔng.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 13:1

Ka mi wol mɔ nɛ nu pɛ hio wi nɛ pɛ hio *telenge, ma, ka mi ngoy hio wi na, gɛl mi tɛ bo nê kenge keng-keng, mana bio ngbum-ngbum.

1 Korente 13:2

Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

1 Korente 14:12

Ɛnɛ ka gbɛngsi tɛ ɛnɛ hazu kpa hio ngatɛ ka tɛ nɛ wal Nzɔy-Sɔtɛ, lɛma nde, ɛnɛ aki wal mɛ don nɛ hio ngatɛ ndɔng ka gbakiri giliwi mɔ eglize.

1 Korente 14:22

Mɛgi, wolamɔ nɛ hio nu pɛ Nzɔy-Sɔtɛ, yo nê wekamɔ ka gba tazu wi ndɔng ka tɛ mɛkiri Christ na, hio wi ka mɛkara wɛnɛ kari, kpa ma mɔ ang na. Ma, tɔa kuliwen pɛ Sɔ, yo nê hazu hio wi ka mɛkara Christ kari, hio wi ka tɛ mɛkiri wɛnɛ na, kpa ma mɔ ang na.

1 Korente 14:26

Mɛgi, hio ya mi, mi betɔ nɛ ge nde? Ka ɛnɛ wesiri may, wi ndang ndang nɛ ma mɔ mɛ de: Ma wi be gima, ma osi mɔ, ma tɔ wen mɔ ka Sɔ gbasa ha wɛnɛ, ma wol mɔ nɛ hio nu pɛ *Nzɔy-Sɔtɛ, nɛ ma mbinga fin bul longowen nu ndɔng. Dea nde, mɔ ndɔng fɛt agbakiri *giliwi mɔ eglize.

1 Korente 14:3

Ma, wi ka tɔ kuliwen pɛ Sɔ, a wol mɔ ha wi. Wen pɛa gbakiri hio wi, yo mbo mbwa, nɛ yo yɔkili mbwa.

1 Korente 14:5

Mi ngoya nɛkpasa nde, ɛnɛ fɛt awol mɔ nɛ hio nu pɛ Nzɔy-Sɔtɛ. Ma, pen ɛngɛ, mi ngoya nde, ɛnɛ atɔ kuliwen pɛ Sɔ. Ka ma wi wol mɔ nɛ hio nu pɛ Nzɔy-Sɔtɛ, dea nde, ɛ abul longoa hazu nde, yo agbakiri giliwi mɔ eglize fɛt. Ka bo mɛgi na, tɔa kuliwen nɛ gasaa pen wolamɔ nɛ hio nu pɛ Nzɔy-Sɔtɛ.