1 Korente 13:7 - Takarata pɛ Sɔ Mbombe Mbon

⁷ Ha zang mɔ fɛt, wɛnɛ ha baa sila nɛ kɔ, wɛnɛ ha mɛkara Sɔ, wɛnɛ ha gdea tazu wa ha tɛ Sɔ, nɛ wɛnɛ ha yɔnga yini.

1 Korente 13:7 ပူးပေါင်းရင်းမြစ်များ

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

Marc 9:23

Jésus tɔa ha wɛnɛ: «Hazu ge mɛ tɔ ha mi nde, ka mi lɛma de ma mɔ? Wi kɛ ka mɛkiri Sɔ lɛma de mɔ fɛt.»

Rome 15:1

Ɔ ka dung nê hio ngawi ha wal mɔ Sɔ, lɛma nde, ɔ agbakiri hio mɔka wi ha mɔ ka mbwa takiri tɛ ang. Ka ɔ ade nɛ mɔ ka ha totɛ ha tɛ ɔ nɛ pɛ ɔ tɛ na.

Rome 8:24

Sɔ kpasasa ɔ kari. Mɛgi ɔ ha gdea tazu ɔ nde, ɔ bekpa bin *mɔkpasi fɛt wɛɛ. Ka bo se nde, ɔ kpaa mɔ ka ɔ gde tazu ɔ ang kari, ki ɔ lɛm keri yo fin na. Hazu, yo nê nge wi ha keri mɔ ka wɛnɛ kpaa kari, o nde?

1 Korente 13:4

Wi ka ngoy hio wi, wɛnɛ nɛ yikosila, wɛnɛ de ngay ha tɛ mbwa, wɛnɛ de silamɔ na, wɛnɛ lukisi tɛ na, wɛnɛ sutɛ na,

1 Korente 9:12

Ka hio mbing wi lɛma mɛ kpa mɔ ha kɔ ɛnɛ, bo nê ɔ lɛma mɛ kpa yo pen mbwa, na nde? Ma, ɔ tɛ ani ma mɔ ha kɔ ɛnɛ na. Ɔ ha yɔnga yini ha zang hio yeksamɔ fɛt yu nde, ɔ betɛ de ma mɔ ka gdɔki wal ha *Dede Wen pɛ Christ.

Galasi 6:2

Ɛnɛ agbakiri may ha zang hio ngamɔ. Ka ɛnɛ de mɛgi, ɛnɛ belɛmsiri *mbonga pɛ Christ.

2 Tesalonike 1:4

Yo nê ɛngi, ɔ ha lukoso tɛ hazu ɛnɛ ha soko hio *giliwi mɔ eglize pɛ Sɔ. Ɔ ha dea mɛgi hazu ha zang hio namalamɔ nɛ yeksamɔ fɛt ka ɛnɛ zɔk, ɛnɛ bhɔna ka ha yɔnga yini nɛ ha mɛkara Christ.

2 Timothée 2:24

Yo lɛm nde, wan-tom pɛ Kongawan adung nê wan-mɔy mɔya na. Ma, wɛnɛ adung nê wan-ga sila ha tɛ wi fɛt, dede wan-osimɔ, nɛ fin wan-ba sila ha zang ngɔtɛ.

2 Timothée 3:11

Mɛ ingɔ hio namalamɔ ka hio wi namala nɛ mi, nɛ hio ngamɔ ka mbwa dea ha tɛ mi ha le Antioshe, ha le Ikoniom nɛ ha le Listre. Mbwa namala mi pentɛ, ma, *Kongawan gbosasa mi ha zang mɔ ndɔng fɛt yunɛ.

2 Timothée 4:5

Ma, pɛ mɛ, mɛ abhɔn ngɛlɛlɛ ha mɔ fɛt. Mɛ yɔng yini ha zang yeksamɔ, mɛ de tom bulo *Dede Wen, nɛ mɛ lɛmsiri tom ka Sɔ gdea ha kɔ mɛ.

Hebro 13:13

Mɛgi, ɔ agbo nɛ ha gdong kin nde, ka hio wi abhɛsiri ɔ hinɛ wɛnɛ gbesi.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

1 Pierre 2:24

Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.

1 Pierre 4:8

Pen fɛt, ɛnɛ abhɔn ka ha ngoya may nɛ sila ɛnɛ fɛt. Hazu, ngoy bisi dɔka *sɛmbɔ.