1 Korente 13:2 - Takarata pɛ Sɔ Mbombe Mbon

² Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

1 Korente 13:2 ပူးပေါင်းရင်းမြစ်များ

Matthieu 13:11

Nɛ wɛnɛ kiforo wen ha mbwa: «Pɛ ɛnɛ, mɔ ka badung nɛ wuso hazu *Kongakandɔ Ngɔn, Sɔ gbasa yo ha ɛnɛ. Ma, pɛ hio oloa, Sɔ gbasi yo ha mbwa na.

Matthieu 17:20

Wɛnɛ kiforo wen ha mbwa: «Hazu ɛnɛ tɛ mɛkiri ka Sɔ nɛkpasa na. Kpasawen, mi tɔ ha ɛnɛ nde, ngase ka mɛkaramɔ pɛ ɛnɛ nɛ bebea tuka gbala sundu, ɛnɛ lɛma tɔ ha ngari ɛngɛ: ‹Gutɛ mɛ hakɛ, mɛ nɛ, nɛ yol haki,› nɛ yo bede gbesi. Nɛ ɛnɛ belɛm de mɔ fɛt. [

Matthieu 21:19

A zɔka ma te fige hapɛtɛ wal. Nɛ a tiko tɛ hapɛtɛa mɛ bhi wayaa. Ma, a kpaa kanɛ hio waa sɔna. Mɛgi wɛnɛ tɔa ha te fige ɛngɛ: «Kpɛ-kpɛ-kpɛ! Mɛ lɛm way fin na!» Nɛhasa, te ɛngɛ kota.

Matthieu 21:21

Nɛ Jésus kiforo wen ha mbwa: «Kpasawen, mi tɔ ha ɛnɛ nde, ka ɛnɛ mɛkara Sɔ, nɛ ɛnɛ si kafɛ na, ɛnɛ lɛm de sɔna nɛ mɔ ka hɔa ha te fige ɛngɛ na, ma, ɛnɛ lɛm tɔ ha ngari ɛngɛ: ‹Gutɛ, mɛ nɛ, nɛ tek ha nana-litɔng!› Nɛ mɔ behɔ gbesi.

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

Rome 15:14

Hio ya mi, mi ingɔ pɔm nɛdedea nde, sila ɛnɛ dona nɛ hɛl mɛ de dedemɔ, nɛ ɛnɛ nɛ ingɔmɔ pentɛ ka ɛnɛ lɛma mɛ mbo nɛ may.

Rome 16:25

Ɔ lukisi Sɔ! A lɛma mɛ ngasisi ɛnɛ ha wal pɛa lɛm nɛ *Dede Wen ka mi bul wena. Dede Wen ɛngɛ tɔ wen tɛ Jésus-Christ, nɛ yo gbasi wen mɔ ka Sɔ babhɔngiri se. A bawusi yo sɔngsi bhee,

1 Korente 11:4

Wei ka gɔ Sɔ mana ka tɔ kuliwen pɛ Sɔ, nɛ ka gok zu wa, wɛnɛ pio foy ha li Christ ka dung nê wan hazu wa.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 13:1

Ka mi wol mɔ nɛ nu pɛ hio wi nɛ pɛ hio *telenge, ma, ka mi ngoy hio wi na, gɛl mi tɛ bo nê kenge keng-keng, mana bio ngbum-ngbum.

1 Korente 13:3

Ka mi kapini hio mɔ pɔm fɛt ha hio fabha wi, ka mi ha tɛ mi hazu kpa fio ha we, ma, ka mi ngoy hio wi na, mɔ ndɔng fɛt lɛm gbakiri mi ndang na.

1 Korente 13:8

Ngoy lɛm kari na. Tɔa kuliwen pɛ Sɔ bekari. Wolamɔ nɛ hio nu pɛ *Nzɔy-Sɔtɛ, yo bepen. Nɛ ingɔmɔ fin beyɛmili.

1 Korente 14:29

Ka bo nê pɛ wi ka tɔ kuliwen pɛ Sɔ, wi bwa mana tar lɛma tɔ wen. Nɛ hio mbinga agba soko mɔ ka mbwa tɔa.

1 Korente 14:39

Mɛgi, hio ya mi, ɛnɛ gbɛngsi tɛ ɛnɛ hazu kpa ngatɛ mɛ tɔ nɛ kuliwen pɛ Sɔ, nɛ ka ɛnɛ agdɔki wal ha hio wi mɛ wol mɔ nɛ hio nu pɛ Nzɔy-Sɔtɛ na.

1 Korente 14:4

Wi ka wol mɔ nɛ hio nu pɛ Nzɔy-Sɔtɛ, wɛnɛ gbakiri tɛ wa nɛ pɛa tɛ. Ma, wi ka tɔ kuliwen pɛ Sɔ, wɛnɛ gbakiri pɛa nɛ *giliwi mɔ eglize fɛt.

1 Korente 15:51

Ɛnɛ zɔk, mi begbasi ma mɔ wuso ndang ha ɛnɛ: Ɔ lɛm fe fɛt na, ma, tɛ ɔ bekpali

1 Korente 16:22

Ka ma wi ngoy Kongawan na, fomi pɛ Sɔ aba wɛnɛ. Maranata! Kongawan pɛ ɔ, mɛ tɛ!

1 Korente 4:1

Lɛma nde, ɛ azɔk ɔ tuka hio wan-tom pɛ Christ, ka wɛnɛ gdea tom ha kɔ ɔ nde, ɔ agbasi tɛwen pɛ Sɔ ka badung nɛ wuso.

1 Korente 7:19

Wan-gɔn sɔru mana wan-sɔru, yo de mɔ na. Gasa mɔ sɔna nde, ɔ apam hio wen *mbonga pɛ Sɔ.

1 Korente 8:4

Mɛgi, sari ka hio wi ha nɛ sadaka ha gbele sɔ, ɔ lɛma mɛ yɔng nde? Ɔ ingɔ fɛt nde, hio gbele sɔ hakɛ ha nzan bo nɛ ngatɛ na. Sɔ ka nê ndang sɔna nzɛt.

2 Korente 12:11

Ɛnɛ ha nɔsasa mi mɛ wolmɔ tuka wan-bili, hazu ɛnɛ ka lɛma mɛ tɔ dede lingtɛ mi, ɛnɛ tɛ de yo na. Ngase ka mi bo nê ma wi na, hio gasa *wan-nɛtom pɛ ɛnɛ tɛ pen mi ha ma mɔ ndang na.

Galasi 5:16

Mi mbo ɛnɛ mɛ de mɔ fɛt nɛ wal ngatɛ pɛ Nzɔy-Sɔtɛ. Ka ɛnɛ de mɛgi, ɛnɛ lɛm de fin mɔ ka ndɔkitɛ ɛnɛ ngoya na.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

Galasi 6:3

Ka ma wi zɔk tɛ wa tuka zio wi, ma, wɛnɛ nê gele wi sɔna, a osala tɛ wa nɛ pɛa tɛ.

Efeze 3:4

Ha tɔla wen ndɔng ki, tazu ɛnɛ begba nɛhasa nde, mi ingɔ goto mɔ ka Sɔ babhɔngiri nɛ wuso hazu Christ.

Efeze 6:19

Ɛnɛ gɔ Sɔ hazu mi fin tuka nde, Sɔ aha mi wen ka mi betɔ, nɛ nde, mi abul nɛ da goto Dede Wen, ka badung sɔngsi nɛ wuso ha li hio wi.

Kolose 1:26

Sɔ bawusi wen ɛngɛ ha li hio wi sɔngsi bhee. Ma, sising, a gbasa yo long ha hio wi pɛa.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

1 Jean 4:8

Hio wi ka ngoy may na, mbwa ing Sɔ na, hazu Sɔ nê ngoy.