1 Korente 10:23 - Takarata pɛ Sɔ Mbombe Mbon

²³ Hio ma wi ha tɔa: «Mi lɛma mɛ de mɔ fɛt tuka mi ngoya.» Ma, yo bo nê mɔ fɛt ka de dedemɔ ha tɛ wi na. Mi lɛma mɛ de mɔ fɛt, ma, yo bo nê mɔ fɛt ka gbakiri *giliwi mɔ eglize na.

1 Korente 10:23 ပူးပေါင်းရင်းမြစ်များ

Rome 14:15

Ka mɛ ha ngɔtɛ ha ya mɛ nɛ wal yɔnga tili yɔngamɔ mɛgi, yo osi nde, mɛ bo fin ha ngoya wɛnɛ na. Christ fea gɔn zu ya mɛ, mɛgi dea nde, ka mɛ abhondisi wɛnɛ nɛ wal yɔngamɔ pɛ mɛ na.

1 Korente 14:12

Ɛnɛ ka gbɛngsi tɛ ɛnɛ hazu kpa hio ngatɛ ka tɛ nɛ wal Nzɔy-Sɔtɛ, lɛma nde, ɛnɛ aki wal mɛ don nɛ hio ngatɛ ndɔng ka gbakiri giliwi mɔ eglize.

1 Korente 14:17

Ngase ka mɛ tɔa oeba ha Sɔ nɛdedea, yo lɛm gbakiri hio olo wi ha wal mɔ Sɔ na.

1 Korente 14:26

Mɛgi, hio ya mi, mi betɔ nɛ ge nde? Ka ɛnɛ wesiri may, wi ndang ndang nɛ ma mɔ mɛ de: Ma wi be gima, ma osi mɔ, ma tɔ wen mɔ ka Sɔ gbasa ha wɛnɛ, ma wol mɔ nɛ hio nu pɛ *Nzɔy-Sɔtɛ, nɛ ma mbinga fin bul longowen nu ndɔng. Dea nde, mɔ ndɔng fɛt agbakiri *giliwi mɔ eglize.

1 Korente 6:12

Hio ma wi ha tɔa: «Mi lɛma mɛ de mɔ fɛt tuka mi ngoya.» Kpasawen, ma, yo bo nê mɔ fɛt ka de dedemɔ ha tɛ wi na. Mi lɛma mɛ de mɔ fɛt, ma, mi kafa yu nde, ma mɔ betɛ ba mi tuka bala.

1 Korente 8:1

Sising mi betɔ wen hazu sari ka hio wi ha nɛ sadaka ha gbele sɔ. Ey, ɔ fɛt nê hio wi ka dung nɛ ingɔmɔ, gbesi tuka ɛnɛ tɔa. Ma, ingɔmɔ gde wi sɔna ha suotɛ wa. Yo sɔna nê ngoy ka gbakiri hio wi mɔ eglize.

1 Korente 8:9

Ɛnɛ tɛ bo sɛɛ hazu de mɔ ka sila ɛnɛ ngoya. Ma, ɛnɛ pangay yu nde, hio deamɔ pɛ ɛnɛ betɛ dak hio mɔka wi ha wal mɔ Sɔ pi ha dea gdangamɔ.

2 Korente 12:19

Mana ngimɔ nɛzikoa, ɛnɛ ha takara nde, ɔ ha nganga tɛ ɔ ha li ɛnɛ nde? Way! Ɔ ha dea sɔy hinɛ Christ, nɛ ɔ ha wolamɔ ha li Sɔ. Ɔ ha tɔa mɔ ndɔng fɛt ha ɛnɛ, hio ndɔngsila ɔ, hazu gbakiri ɛnɛ ha wal mɔ Sɔ.

Efeze 4:29

Ka ma mbuli kalbho-kalbho wen ndang agbo ha nu ɛnɛ na. Ɛnɛ wol sɔna nɛ wen ka gbakiri hio wi, nɛ ka de dedemɔ ha tɛ wi ndɔng ka beze yo.

1 Tesalonike 5:11

Hazu ɛngi, ɛnɛ ayɔkili may nɛ ɛnɛ agbakiri may, gbesi tuka ka ɛnɛ ha dea nɛ sising.

1 Timothée 1:4

Mɛ tɔ ha mbwa nde, mbwa akafi mɛ ze hio to ndɔng nɛ hio wen bɔya pɛl nam pɛ hio gasa ngbabafa. Hio mɔ ndɔng dak nɛ siokafɛ pi ha nu nɛgbelea. Ma, dede wal ka Sɔ bhɔngara mɛ kpasisi nɛ wi, mbwa being yo sɔna nɛ wal mɛkaramɔ.