1 Korente 1:20 - Takarata pɛ Sɔ Mbombe Mbon

²⁰ Wan-mbarimɔ ha ndo? *Wan-osi mbonga ha ndo? Wan-wolmɔ nɛ dede gɛl mɔ nzan ɛngɛ ha ndo? Wen pɛ mbwa kara fɛt, hazu Sɔ kiforo mbaramɔ mɔ nzan ɛngɛ ha wen bili kari.

1 Korente 1:20 ပူးပေါင်းရင်းမြစ်များ

Matthieu 13:22

Pɛ hio ma wi, yo gbesi tuka kpalmɔ ka teka ha soko yak ngombia. Mbwa zea wen pɛ Sɔ, ma, mbwa nɛ nɔzang hazu mɔ mɛ nzan ɛngɛ, nɛ hɛl yɛbhɛ-yɛbhɛ mɔ osili mbwa. Mɛgi yo luo wen pɛ Sɔ ka lɛm way fin na.

Jean 12:31

Sising nê ngimɔ gɔn kita ha zu nzan ɛngɛ. Nɛ sising, Sɔ beyin wan-le nzan ɛngɛ yunɛ.

Deamɔ 17:18

Hio ma wan-mbarimɔ mɔ zugili Epikurien nɛ mɔ zugili Stoisien, zanga wen hinɛ Paul. Hio ma anamɔ: «Nalogorogol ɛngɛ ngoy tɔ nde ge?» Nɛ hio ma, ka zea Paul ha bulo wen fio nɛ guotɛ pɛ Jésus, tɔa pɛ mbwa: «Wɛnɛ nê wan-bul wen gɔn-gɛnɛ sɔ.»

Rome 1:20

Hio wi lɛm zɔk Sɔ nɛ li mbwa na, ma, angiri ha ngimɔ ka wɛnɛ dea nɛ nzan kanɛ sising, mbwa lɛma ing ngatɛ pɛa ka dung kpoo nɛ kpoo, nɛ dungɔ pɛa tuka Sɔ, nɛ wal hio mɔ fɛt ka wɛnɛ dea. Mɛgi, hio wi bo fin nɛ ma wen ka mbwa betɔ hazu ngangi nɛ tɛ mbwa na.

Rome 1:22

Nɛ wal suotɛ nde, mbwa nê hio wan-mbarimɔ, mbwa tɛ bo nê hio wan-bili.

1 Korente 1:19

Hazu ɛ ngɛraka ha takarata pɛ Sɔ: «Mi beyangili mbaramɔ pɛ hio wan-mbarimɔ yunɛ, mi beku ingɔmɔ pɛ hio wan-ingmɔ yunɛ.»

1 Korente 1:26

Hio ya mi, Sɔ saa ɛnɛ mɛ dung nê hio wi pɛa. Tazu ɛnɛ gba nde, ha li hio wi, dɔka wi ha soko ɛnɛ bo nê hio wan-mbarimɔ, mana hio ngawi, mana hio konga wi na.

1 Korente 1:27

Ma, Sɔ weka mɔ ka dung tuka wen bili ha li hio wi mɔ nzan, hazu pi nɛ foy ha li hio wan-mbarimɔ. A weka mɔ ka dung tuka mɔ pɔsa ha li mbwa, hazu pi nɛ foy ha li hio ngawi.

1 Korente 1:28

A weka mɔ ka dung nɛ bebea ha li hio wi mɔ nzan, ka mbwa bhɛsiri, nɛ ka mbwa zɔk tuka gbelemɔ, hazu yangili mɔ ka dung nɛ gasaa ha li mbwa.

1 Korente 11:32

Ma, Kongawan gɔn kita ha zu ɔ, nɛ a ndulsi ɔ yu nde, a betɛ gɔn kita ba nɛ ɔ gbesi hinɛ hio wi mɔ nzan.

1 Korente 2:6

Tangere, mi ha osa ma mbaramɔ ha hio zɔma wi ha wal mɔ Sɔ. Mbaramɔ ɛngɛ tɛ tɛ nɛ wal nzan ɛngɛ, mana nɛ wal hio wan mɔ nzan ɛngɛ na. Hio wan ndɔng bebhondi fɛt.

1 Korente 2:8

Ma wan ndang mɔ nzan ɛngɛ tɛ ing mbaramɔ ɛngɛ na. Hazu, ka bo se nde, mbwa aing yo, ki mbwa tɛ ngba lɛkɛ-lɛkɛ *Kongawan ha getakate na.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

1 Korente 3:19

Hazu mbaramɔ mɔ nzan ɛngɛ, yo nê wen bili ha li Sɔ. Yo gbesi tuka takarata pɛ Sɔ tɔa: «Sɔ kuo wen likisi pɛ hio wan-mbarimɔ tuka sak mɛ ba nɛ mbwa.»

1 Korente 6:2

Ɛnɛ tɛ ing nde, yo nê hio wi pɛ Sɔ ha begɔn bin kita ha zu hio wi mɔ nzan, na nde? Nɛ ka yo nê ɛnɛ ka begɔn bin kita ha zu hio wi mɔ nzan, hazu ge ɛnɛ lɛm gɔn kita ha zu hio bebe wen ndɔng na, ge nde?

Jacques 4:4

Ɛnɛ, hio wan-yambala zu ha li Sɔ, ɛnɛ ing nde, dea gdidan hinɛ nzan, yo nê sungoro Sɔ. Mɛgi, wi fɛt, ka ngoy dea gdidan hinɛ nzan, a tɛ bo nê ngana pɛ Sɔ.