ဗျာဒိတ် 9:5 - ဓမ္မသစ်ကျမ်း ဓနုဘာသာစကား

⁵ အဲသူလို့အား အသေသတ်ပိုင်ခွင့် မဆိ။ ငါးလမျှသာ ညှဉ်းဆဲပိုင်ခွင့် ဆိအယ်။ အဲပလံမစိမ်း အကိုက်ခံရလဲ့ ဝေဒနာဟ လူဟို ကင်းမြီးကောက် အကိုက်ခံရသောအခါ ခံရလဲ့ ဝေဒနာမျိုးနဲ့ တူအယ်။

ဗျာဒိတ် 9:5 ပူးပေါင်းရင်းမြစ်များ

ယောဟန် 19:11

ယေရှုဟ “မင်းကြီးအား ဘုရားသခင် အခွင့်နဲ့သာ ဟေလို့သော အခွင့်အာဏာဟို ရဆိခြင်း ဖြစ်အယ်။ အဲကျောန့် ငါ့ဟို မင်းကြီးရဲ့ လက်သို့အပ်နှံသောသူဟ ပိုယွေ့ အပစ်ကြီးအယ်” ဟု ဖြေလေအယ်။

ဗျာဒိတ် 11:7

သူလို့ သက်သေခံပင်းသောအခါ တွင်းနက်ကြီးထဲမှ တက်လာသော သားရဲဟ သူလို့ဟို စစ်တိုက်ယွေ့ အောန်မြင်ပင်း သူလို့ဟို သတ်ဖြတ်လိမ့်မယ်။

ဗျာဒိတ် 13:5

အဲသားရဲဟလည်း ကြီးစွာသော စကားဟို လည်းကောင်း၊ ဘုရားသခင်အား စော်ကားသော စကားဟို လည်းကောင်း၊ ပြောတတ်သော စလောင်နဲ့ ပြေ့စုံယွေ့ လလေးဆယ်နေလပတ်လုံး စီရင်သောအခွင့်ဟို ရဆိထားအယ်။

ဗျာဒိတ် 13:7

သူဟ သန့်ဆှင်းသူလို့ဟို စစ်တိုက်ယွေ့ အောန်နိန်သောအခွင့်ဟို ရဆိပင်း လူမျိုးနွယ်စု၊ လူမျိုး၊ ဘာသာစကားနဲ့ တိုင်းနိုင်ငံအသီးသီးလို့မှ လူလို့အား အုပ်စိုးရသော အခွင့်ဟိုလည်း ရဆိအယ်။

ဗျာဒိတ် 9:10

သူလို့တွင် ကင်းမြီးကောက်လို ဆူးပါသော အမြီး ဆိယွေ့ အဲအမြီးနှိုက် လူလို့ဟို ငါးလတိုင်တိုင် ဘေးဥပါဒ် ရောက်စေနိန်သော အစွမ်း ဆိအယ်။

ဗျာဒိတ် 9:3

အဲမီးခိုးထဲမှ ပလံမစိမ်းများ မြေကြီးပေါ်ဟို ထွက်လာပင်း သူလို့မှာ ကင်းမြီးကောက်လို့နှိုက်ဆိလဲ့ အစွမ်းလိုမျိုး အစွမ်း ဆိကြအယ်။