မာကု 6:17 - ဓမ္မသစ်ကျမ်း ဓနုဘာသာစကား

¹⁷ ဟေရုဒ်ဟ သူ့တတ်တိုင်း ယောဟန်ဟို ဖမ်းဆီးဖို့ အမိန့်ပေးခဲ့ယွေ့၊ ယောဟန်ဟို တုတ်ချေပင်း ထောင်ထဲဟို ထည့်ခဲ့အယ်။ အေးအရာဟို ဟေရုဒ် လုပ်ခဲ့အယ် ပစာကို့ သူမဟ မိမိညီ ဖိလိပ္ပုရဲ့ ပေါင်အိုမ ဖြစ်ပေမဲ့လည်း၊ သူဟ ဟေရောဒိဟို လက်ထပ်သောကျောန့် ဖြစ်အယ်။

မာကု 6:17 ပူးပေါင်းရင်းမြစ်များ

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 11:2

ခရစ်တော် ပြုသော အမှုများအကျောန်းဟို နှစ်ခြင်းဆရာယောဟန်ဟ ထောင်ထဲတွင် ကြားရသောအခါ၊ မိမိရဲ့ တဘဲ့တော်များဟို ကိုယ်တော်ဆေ စေလွှတ်ယွေ့၊

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 4:12

ယေရှုဟ ယောဟန် ထောင်ထဲမှာ အဖမ်းခံရကျောန်းဟို ကြားသောအခါ ကိုယ်တော်ဟ ဂါလိလဲပြေဟို ထွက်သွားအယ်။

မာကု 6:16

ဟေရုဒ်ဟ အေးအကျောန်းဟို ကြားသောအခါ သူဟ “ငါဟ သူရဲ့ ဦးခေါင်းဖြတ်ခဲ့ပေမဲ့လည်း ယောဟန်ဟ အသက်ပြန်ဆှင်လာပီ” ဟု ဆိုအယ်။

လုကာ 3:1

ဧကရာဇ်မင်း တိဗေရိ နန်းစံလဲ့ တဆယ့်ငါးနှစ် ဆိသောအခါ၊ ယုဒပြေတွင် ပုန္တိပိလတ်ဟ ဘုရင်ခံ ဖြစ်အယ်၊ ဂါလိလဲပြေတွင် ဟေရုဒ် အုပ်ချုပ်ပင်း၊ သူ့ရဲ့ အကို ဖိလိပ္ပုဟ ဣတုရဲပြေနဲ့ တရာခေါနိတ်ပြေလို့ရဲ့ နယ်မြေများဟို အုပ်ချုပ်အယ်၊ လုသာနိဟ အဘိလင်ပြေဟို အုပ်ချုပ်ခဲ့အယ်။

ယောဟန် 3:24

အဲဟာဟ ယောဟန် ထောင်ထဲနှိုက် ထည့်ထားခြင်း မခံရသေးကျောန့် ဖြစ်အယ်။