မာကု 14:58 - ဓမ္မသစ်ကျမ်း ဓနုဘာသာစကား

⁵⁸ သူလို့ဟ “လူ့လက်ဖြင့် တည်ဆောက်သော ဟေဗိမာန်ဟို ငါ ဖျက်ယွေ့ သုံးရက်အတွင်း လူ့လက်ဖြင့် မတည်ဆောက်လဲ့ ဗိမာန်တော်ဟို ငါတည်ဆောက်မယ်” ဟု သူပြောဆိုတာဟို ကြားအယ်။

မာကု 14:58 ပူးပေါင်းရင်းမြစ်များ

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 26:61

“ဟေသူဟ ‘ငါသည် ဘုရားသခင်ရဲ့ဗိမာန်တော်ဟို ဖြိုဖျက်ယွေ့ သုံးရက်အတွင်း ပြန်လည်ဆောက်နိန်အယ်’ ဟု ဟောအယ်” ဟူယွေ့ သက်သေခံကြအယ်။

မာကု 14:57

အဲအခါ လူအချို့လို့ဟ ထယွေ့ မားယွင်းသော သက်သေခံချက်ဟို ကိုယ်တော်အား ပေးကြအယ်၊

မာကု 14:59

အဲလိုလဲ သူလို့ရဲ့ သက်သေခံချက်များဟလည်း ကိုက်ညီမှု မဆိ။

မာကု 15:29

ဖြတ်သွားလဲ့ လူတွေဟ သူလို့ ခေါင်းဟိုခါပင်း၊ “ဟဲ့ ဗိမာန်တော်ဟို ဖြိုဖျက်ယွေ့ သုံးရက်တွင် ပြန်လည်တည်ဆောက်မဲ့သူ၊

ယောဟန် 2:19

ယေရှုဟ “ဟေဗိမာန်တော်ဟို ဖြိုဖျက်ကြလော့၊ သုံးရက်အတွင်း ငါ ပြန်လည် တည်ဆောက်မယ်” ဟု မိန့်အယ်။

တမန်တော် 7:48

“အဲလိုလဲ အမြင့်ဆုံးသော ဘုရားဟ လူတည်ဆောက်သော နေအိုင်များတွင် ကျိန်းဝပ်တော်မမူ ဟု ပရောဖက် ပြောအယ်။

၂ ကောရိန္သု 5:1

အကျောန်းမှာ ငါလို့ဟ မြေကြီးပေါ်မှာဆိသော ငါလို့ရဲ့ ကိုယ်ခန္ဓာနှိုက်နေသော ဟေတဲဟ ပြိုပျက်သွားသောအခါ၊ ဘုရားသခင်ဟ ငါလို့နေထိန်ရန်အတွက် ခေါန်းခင်ဘုံနှိုက် သူ့တတ်တိုင်း တည်ဆောက်ထားသော ထာဝရ နေအိုင်ဟို ငါလို့အား ပေးမယ်ဖြစ်ကျောန်း ငါလို့ သိကြအယ်။

ဟေဗြဲ 9:11

အားပေမဲ့ ခရစ်တော်ဟ ရောက်ဆိလာပင်းနောက် ကောင်းသောအရာများနဲ့ ဆိုင်သော ယဇ်ပုရောဟိတ်မင်းအဖြစ် ကြွလာပီ။ ကိုယ်တော်အမှုတော်ဆောင်ရာ တဲတော်ဟ ပိုယွေ့ ကြီးမြတ်ပင်း ပီးပြေ့စုံအယ်၊ အဲတဲတော်ဟ လူ့လက်ဖြင့် တည်ဆောက်တာ မဟုတ်၊ ဟေဖန်ဆင်းခံ လောကနဲ့ မဆိုင်။

ဟေဗြဲ 9:24

အကျောန်းမှာ ခရစ်တော်ဟ စစ်မန်သောအရာလို့ရဲ့ ပုံတူမျှသာဖြစ်လဲ့ လူ့လက်ဖြင့် တည်ဆောက်သော သန့်ဆှင်းရာ ဌာနထဲဟို မဝင်ဘဲ ငါလို့ကိုယ်စား အခု ဘုရားသခင်ရဲ့ ဆေ့နှိုက် ထင်ဆှားရန် ခေါန်းခင်ထဲဟို ဝင်အယ်။