မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 23:23 - ဓမ္မသစ်ကျမ်း ဓနုဘာသာစကား

²³ “သူတော်ကောင်းဟန်ဆောင်သူ ဖာရိရှဲနဲ့ ကျမ်းတတ်ဆရာလို့၊ နင်လို့ဟ အမင်္ဂလာဆိကြအယ်။ အကျောန်းမှာ နင်လို့ဟ ပင်စိမ်း၊ စမွတ်နဲ့ ဇီရာလို့ဟို ဆယ်ဖို့တဖို့ ပေးလှူကြသော်လည်း တရားမျှတမူ၊ သနားကြင်နာမှု၊ ရိုးသားဖြောင့်မတ်မှုစလဲ့ ပညတ်ကျမ်းမှ အကယ်ပင် အရေးကြီးသော သွန်သင်ချက်များဟိုတော့ လျစ်လျူရှုကြအယ်။ အေးအရာများဟို ပြုရမယ်ဖြစ်ပင်း အထက်တွင်ဆိုသော အရာများဟိုလည်း လျစ်လျူမရှုကြနဲ့။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 23:23 ပူးပေါင်းရင်းမြစ်များ

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 12:7

‘ငါဟ တရိစ္ဆာန်နဲ့ ယဇ်ပူဇော်ခြင်း မဟုတ်ဘဲ သနားကြင်နာခြင်းဟို အလိုဆိအယ်’ ဟု ကျမ်းစကားဟ စလိုအရာဟို ဆိုလိုကျောန်း နင်လို့ အမန်သိခဲ့ရင်၊ အပစ်မဆိသူများဟို ပစ်တင်ရှုတ်ချကြလိမ့်မယ် မဟုတ်၊

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 23:13

“သူတော်ကောင်းဟန်ဆောင်သူ ဖာရိရှဲနဲ့ ကျမ်းတတ်ဆရာလို့၊ နင်လို့ဟ အမင်္ဂလာ ဆိကြအယ်။ အကျောန်းမှာ နင်လို့ဟ ခေါန်းခင်နိုင်ငံတော်ဟို လူလို့ဆေ့နှိုက် ထင်ခါး ပိတ်ထားယွေ့ နင်လို့ တတ်တိုင်းလည်း မဝင်၊ ဝင်ရန် ကြိုးစားသူများဟိုလည်း ဝင်ခွင့် မပြုကြ။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 9:13

‘ယဇ်ပူဇော်ခြင်းဟို မဟုတ်ဘဲ ကရုဏာဟို အလိုဆိအယ်’ ဟူသော ကျမ်းစကားဟို နားလည်ခြင်းငှာ နင်လို့ သွားယွေ့ လေ့လာကြလော။ အကျောန်းမှာ ငါဟ ဖြောင့်မတ်သောသူလို့ဟို ခေါ်ရန် လာတာ မဟုတ်ဘဲ အပစ်သားများဟို ခေါ်ရန် ငါလာအယ်” ဟု မိန့်အယ်။

လုကာ 11:42

“ဖာရိရှဲလို့ နင်လို့ဟ အမင်္ဂလာဆိကြအယ်။ နင်လို့ဟ ပင်စိမ်းရွက်၊ လျူရွက်နဲ့ အခြားဆေးဘက်ဝင် အပင်မျိုးစုံဟို ဆယ်ဖို့တဖို့ ပေးလှူကြပေမဲ့ တရားမျှတမှုနဲ့ ဘုရားသခင်ရဲ့ ချစ်ခြင်းဟို လျစ်လျူရှုကြအယ်။ အရင်ဆိုခဲ့လဲ့ အရာများဟို မချန်ထားဘဲ နောက်ဆိုသောအရာလို့ဟို ကျင့်သုံးသင့်အယ်။”

လုကာ 18:12

ငါဟ တပတ် နေရက် အစာဆှောင်ယွေ့ ငါပိုင်ဆိုင်သမျှထဲမှလည်း ဆယ်ဖို့တဖို့ လှူပါအယ်’ ဟု ဆုတောင်းအယ်။