မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 16:25 - ဓမ္မသစ်ကျမ်း ဓနုဘာသာစကား

²⁵ အကျောန်းမှာ စသူမဆို မိမိအသက်ဟို ကယ်ချင်သောသူဟ အသက်ဆုံးရှုံးရပေမဲ့ ငါအတွက် အသက်ဆုံးရှုံးသောသူ စသူမဆို အသက်ဟို တွေ့လိမ့်မယ်။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 16:25 ပူးပေါင်းရင်းမြစ်များ

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 10:39

မိမိအသက်လုံခြုံမှု ရဆိရန် ကြိုးပမ်းသူဟ အသက်ဆုံးရှုံးလိမ့်မယ်၊ အဲလိုလဲ ငါ့အတွက် အသက်ဆုံးရှုံးသူဟ မိမိအသက် လုံခြုံမှု ရဆိလိမ့်မယ်။

မဿဲ ရေးသားပြုစုလဲ့ ခရစ်တော်ရဲ့ သတင်းကောင်း 16:26

လူဟ လောကတခုလုံးဟို အစိုးရသော်လည်း မိမိရဲ့ အသက်ဝိညာဉ်ဆုံးရှုံးလျှင် မစာအကျိုး ဆိမလုန်း။ အဲဟာမဟုတ်ရင် မိမိရဲ့ အသက်ဝိညာဉ်အား မစာအရာဟို ပေးယွေ့ လဲလှယ်နိန်မလုန်း။

မာကု 8:35

အကျောန်းမှာ သူလို့ရဲ့ အသက်ဟို ကယ်တင်လိုသောသူဟ အသက် ဆုံးရှုံးရလိမ့်မယ်၊ အဲလိုလဲ ငါ့အတွက် သူလို့ရဲ့ အသက်နဲ့ ဧဝံဂေလိတရားအတွက် အသက်ဆုံးရှုံးသောသူဟ ကယ်တင်လိမ့်မယ်။

လုကာ 17:33

ကိုယ့်အသက်ဟို ကယ်ဆယ်လိုသောသူဟ အသက်ဆုံးလိမ့်မယ်၊ ကိုယ့်အသက်ဟို အဆုံးခံသောသူဟ မိမိအသက်ဟို ကယ်ဆယ်လိမ့်မယ်။

ယောဟန် 12:25

မိမိအသက်ဟို ချစ်သောသူဟ အသက် ဆုံးရှုံးလိမ့်မယ်၊ ဟေလောကတွင် မိမိအသက်ဟို မုန်းသောသူဟ မိမိအသက်ဟို ထာဝရအသက်အတွက် စောင့်ဆှောက်လိမ့်မယ်။

ဗျာဒိတ် 12:11

ညီအကို မောင်နှမလို့ဟ သိုးသငယ်ရဲ့ အသွေးအားဖြင့် လည်းကောင်း၊ မိမိလို့ သက်သေခံသော နှုတ်ကပတ်တော်အားဖြင့် လည်းကောင်း၊ သူ့ဟို အောန်နိန်ခဲ့ကြအယ်။ သူလို့ဟ အသေခံလဲ့တိုင်အောန် မိမိလို့ အသက်ဟို နှမြောခြင်း မဆိကြ။