ယောဟန် 11:39 - ဓမ္မသစ်ကျမ်း ဓနုဘာသာစကား

³⁹ ယေရှုဟ “ကျောက်တုံးဟို တောကြလော” ဟု မိန့်အယ်။ သေလွန်သောသူရဲ့အမ မာသဟ၊ “သခင်ဘုရား သူ့ဟို သင်္ဂြိုဟ်တာ လေးရက်ဆိပီ ဖြစ်ယွေ့ အခုဆိုရင် အပုပ်နံ့ ထွက်နေလိမ့်မယ်” ဟု ဆှောက်အယ်။

ယောဟန် 11:39 ပူးပေါင်းရင်းမြစ်များ

မာကု 16:3

အားပင်း သူလို့ဟ “လုတ်တိုင်းဂူဝမှ ကျောက်တုံးဟို စသူ လှိမ့်ဖယ်ပေးမှာလုန်း” ဟု အချင်းချင်း ပြောဆိုကြအယ်။

ယောဟန် 11:17

ယေရှု ရောက်လာသောအခါ လာဇရုဟို သင်္ဂြိုဟ်ယွေ့ လုတ်တိုင်းနှိုက် လေးရက်မျှဆိပီဖြစ်ကျောန်းဟို တွေ့ဆိအယ်။

တမန်တော် 13:36

အကျောန်းမှာ ဒါဝိဒ်ဟ မိမိလက်ထပ်နှိုက် ဘုရားသခင်ရဲ့ အကြံအစည်ဟို ဆောင်ရွက်ပင်း သေလွန်ယွေ့ မိမိဖိုးဖေးလို့ရဲ့ လုတ်တိုင်းတွင် သင်္ဂြိုဟ်ခြင်းဟို ခံလျက် သူရဲ့ ကိုယ်ခန္ဓာဟ လုတ်တိုင်းတွင် ပုပ်လေအယ်။

တမန်တော် 2:27

ပစာကို့ ကိုယ်တော်ဟ ငါရဲ့ ဝိညာဉ်ဟို မရဏာနိုင်ငံတွင် လောယွေ့ ထားမယ် မဟုတ်၊ ကိုယ်တော်ဟ သစ္စာဆိသော အစေခံဟို လုတ်တိုင်းတွင် ပုပ်ပျက်ရန် ခွင့်ပြုဝူး။

၂ ကောရိန္သု 2:16

ပျောက်ကွယ်သွားသူများအတွက် သေစေတတ်သော ရနံ့ဖြစ်ပင်း ကယ်တင်ခြင်းဟို ရောက်သောသူများအတွက်မူ အသက်ဟို ပေးသော မွှေးရနံ့ဖြစ်အယ်။ အဲလိုမို့ ဟေအမှုဟို စသူဟ စွမ်းဆောင်နိန်လုန်း။

ဖိလိပ္ပိ 3:21

ကိုယ်တော်ဟ အရာခပ်သိမ်းဟို မိမိရဲ့ အာဏာစက်အောက်တွင် ရောက်စေသော တန်ခိုးတော်အားဖြင့် ငါလို့ရဲ့ သေကြေပျက်စီးတတ်သော ကိုယ်ခန္ဓာဟို မိမိရဲ့ ဘုန်းအသရေနဲ့ ပြေ့စုံသော ကိုယ်ခန္ဓာနဲ့တူအောန် ပြောင်းလဲစေလိမ့်မယ်။