ဟေဗြဲ 2:6 - ဓမ္မသစ်ကျမ်း ဓနုဘာသာစကား

⁶ ကျမ်းစာတချက်နှိုက် တယောက်သောသူဟ၊ “လူသည် စလိုလူဖြစ်ယွေ့ ကိုယ်တော်ဟ အောက်မေ့ရတာလုန်း၊ လူသားဟ စလိုသူဖြစ်ယွေ့ ကိုယ်တော်ဟ သူ့ဟို ကျေ့ရှုရတာလုန်း။

ဟေဗြဲ 2:6 ပူးပေါင်းရင်းမြစ်များ

လုကာ 1:68

“ဣသရေလ လူမျိုးလို့ရဲ့ ဘုရားသခင်ဟို ချီးမွန်းကြလော့၊ ကိုယ်တော်ဟ ဣသရေလ လူမျိုးလို့ ဆေဟို ကြွလာယွေ့ သူလို့ဟို လွတ်မြောက်စေပီ။

လုကာ 1:78

ငါလို့ရဲ့ ဘုရားသခင်ဟ သနားခြင်း ကရုဏာနဲ့ ကြွယ်ဝသောကျောန့် ကိုယ်တော်ဟ ကယ်တင်ခြင်းဟို ခေါန်းခင်မှ နေအရုဏ်ဟ ငါလို့အပေါ်ဟို သက်ရောက်စေယွေ့၊

လုကာ 7:16

သူလို့အားလုံးဟ ကြောက်ရွံ့ပင်း ဘုရားသခင်ရဲ့ ဂုဏ်တော်ဟို ချီးမွန်းကြအယ်။ သူလို့ဟ “ငါလို့ထဲမှာ ပရောဖက်ကြီး တပါး ပေါ်ပေါက်လာပီ၊ ဘုရားသခင်ဟ မိမိလူမျိုးဟို ကယ်တင်ရန် ကြွလာပီ” ဟု ပြောကြအယ်။

၁ သက်သာလောနိတ် 4:6

ဟေကိစ္စနှိုက် နင်လို့တွင် စသူမျှ ညီအကိုလို့ဟို အမားမလုပ်သင့်၊ သူလို့ဟို အခွင့်ကောင်း မယူသင့်ပါ။ အေးဟာဟို နင်လို့အား အရင်ဟ ငါပြောခဲ့ပင်း ငါလို့ဟ နင်လို့ဟို ပြင်းပြင်းထန်ထန် သတိပေးထားခဲ့အတိုင်း သခင်ဘုရားဟ အေးအ​မှုပြု​သော​သူ​လို့​ကို အ​ပစ်​ဒဏ်​စီ​ရင်​လိမ့်​မယ်။

ဟေဗြဲ 4:4

ကျမ်းစာတွင် ခုနေရက်မြောက်သောနေ့နဲ့ ပတ်သက်ယွေ့ “ဘုရားသခင်ဟ သတ္တမနေ့နှိုက် မိမိပြုစရာ ဆိသမျှသော အမှုကိစ္စများ ပီးစီးယွေ့ ငြိမ်ဝပ်စွာ နေအယ်” ဟု ဆိုထားအယ်။

ဟေဗြဲ 5:6

အခြား ကျမ်းချက်တွင်လည်း “နင်ဟ မေလခိဇေဒက်ရဲ့ အရိုက်အရာဟို ဆက်ခံသူ ထာဝရ ယဇ်ပုရောဟိတ် ဖြစ်အယ်” ဟု မိန့်ခဲ့လဲ့တိုင်းတိုင်း ဖြစ်အယ်။

၁ ပေတရု 1:11

သူလို့ဟ ဖယ်အချိန် ဖြစ်မလဲ၊ စလို ဖြစ်လာမလဲ ဆိုတာကို ဆှာဖွေဖို့ ကြိုးစားကြအယ်။ ခရစ်တော် ခံရမယ့် ဆင်းရဲဒုက္ခများနဲ့ နောက်ဆက်တွဲဖြစ်မယ့် ဘုန်းအသရေအကျောန်းဟို ဟောကိန်းထုတ်ရာတွင် ၎င်းလို့အတွင်းနှိုက် ဆိသော ခရစ်တော်ရဲ့ ဝိညာဉ်တော် ညွှန်ပြနေလဲ့အချိန် ဖြစ်အယ်။