ဟေဗြဲ 11:5 - ဓမ္မသစ်ကျမ်း ဓနုဘာသာစကား

⁵ ယုံကြည်ခြင်းအားဖြင့် ဧနောက်ဟ သေခြင်းနဲ့ မကြုံတွေ့ရဘဲ ဖဝါ့ ပြောင်းခွင့်ရအယ်၊ ဘုရားသခင်ဟ သူ့အား ဖဝါ့ ပြောင်းစေသောကျောန့် သူ့ဟို မမျော်ရကြ။ သူဟ ဖဝါ့ မပြောင်းမီ ဘုရားသခင်ရဲ့ စိတ်တော်နဲ့ တွေ့သောသူဖြစ်သောကျောန့် အသိမှတ်ပြုခြင်းဟို ခံရအယ်။

ဟေဗြဲ 11:5 ပူးပေါင်းရင်းမြစ်များ

လုကာ 2:26

သူဟ ထာဝရဘုရား ကတိထားလဲ့ မေဆှိယဟို မမျော်ရခင် မသေရဟု ဗျာဒိတ်တော် ရဆိထားသူလည်း ဖြစ်အယ်။

လုကာ 3:37

လာမက်ဟ မသုရှေလရဲ့ သား၊ မသုရှေလဟ ဧနောက်ရဲ့ သား၊ ဧနောက်ဟ ယာရက်ရဲ့ သား၊ ယာရက်ဟ မဟာလေလရဲ့ သား၊ မဟာလေလဟ ကာဣနန်ရဲ့ သား၊

၁ သက်သာလောနိတ် 2:4

အဲအစား ငါလို့ဟ ဘုရားသခင် အလိုတော်အတိုင်း အမြဲပြောနေသောကျောန့် ဧဝံဂေလိတရားဟို အပ်နှင်းထိုက်အယ်ဟု ငါလို့အား စီရင်ပီ။ ငါလို့ဟ လူလို့ဟို နှစ်သက်စေရန် မကြိုးစားဘဲ၊ ငါလို့ရဲ့ စိတ်ဆန္ဒဟို စမ်းသပ်သော ဘုရားသခင် နှစ်သက်စေရန်သာ ဖြစ်အယ်။

ဟေဗြဲ 11:6

ယုံကြည်ခြင်း မဆိသူရင် ဘုရားသခင်ရဲ့ စိတ်တော်နဲ့ မတွေ့နိန်၊ အကျောန်းမှာ ဘုရားသခင်ဆေဟို ချဉ်းကပ်သောသူဟ ကိုယ်တော်ဆိကျောန်းဟို လည်းကောင်း၊ ကိုယ်တော်ဟ မိမိဟို ဆှာသောသူအား အကျိုးပေးကျောန်းဟို လည်းကောင်း၊ ယုံကြည်ရမယ်။

ဟေဗြဲ 2:9

အားပေမဲ့ ယေရှုဟ ဘုရားသခင်ရဲ့ ကျေးဇူးတော်အားဖြင့် လူတိုင်းအတွက် အသက်ဟို စွန့်နိန်ရန် ကာလကတစ်မျှ ခေါန်းခင်တမန်များထက် နှိမ့်ချမှုဟို ခံရပင်း၊ အသေခံလဲ့အတွက် ဘုန်းအသရေ၊ ဂုဏ်အသရေနဲ့ ပြေ့ဝလျက်ဆိတာဟို အခုအခါ ငါလို့ တွေ့မျော်ကြရအယ်။

၁ ယောဟန် 3:22

တောင်းဆော့က်သမျှလို့ဟို ဘုရားသခင်ဆေမှ ရဆိကြအယ်။ ပစာကို့ ငါလို့ဟ ဘုရားသခင်ရဲ့ ပညတ်တော်လို့ဟို စောင့်ဆှောက်ယွေ့ ဆေ့တော်နှိုက် နှစ်သက်သောအရာများဟို ပြုကြသောကျောန့် ဖြစ်အယ်။

ယုဒဆေမှ ပေးစာ 1:14

အာဒံမှ ခုနေဆက်မြောက်သော မျိုးဆက်ဖြစ်လဲ့ ဧနောက်ဟလည်း သူလို့နဲ့ ပတ်သက်ယွေ့ ပရောဖက်ပြုဟောပြောလျက် “ကျေ့ရှုလော့၊ ထာဝရဘုရားဟ အတိုင်းမသိ ရမ်းဆာ့သော မိမိရဲ့ သန့်ဆှင်းသူလို့နဲ့အတူ ကြွလာလိမ့်မယ်။