တမန်တော် 28:18 - ဓမ္မသစ်ကျမ်း ဓနုဘာသာစကား

¹⁸ အေးသူလို့ဟ ငါ့ဟို စစ်ဆေးမေးမြန်းပင်းနောက် ငါ့ရဲ့ အမှုတွင် သေဒဏ်ပေးထိုက်သော အကျောန်းတစုံတရာမှ မတွေ့ရသဖြင့် ငါ့အား လွတ်လိုက်ကြအယ်။

တမန်တော် 28:18 ပူးပေါင်းရင်းမြစ်များ

တမန်တော် 22:30

တပ်မှူးဟ ပေါလုအား ယုဒလူများလို့ဟ ပစာပစ်မှုဖြင့် စွပ်စွဲကြတာဟို သေချာ သိချင်ကြအယ်။ အေးလို့ဖြစ်ယွေ့ နောက်တနေ့နှိုက် ပေါလုအား တုတ်ချေထားလဲ့ သံကြိုးဟို ဖယ်ဆှားစေပင်း ယဇ်ပုရောဟိတ်ကြီးများနဲ့ ယုဒတရားလွှတ်တော် အဖွဲ့ဝင်အပေါင်းလို့ဟို စုဝေးကြရန် အမိန့်ပေးလေအယ်။ အေးနောက် ပေါလုဟို ခေါ်ကာ အေးသူလို့ဆေ့တွင် ရပ်စေအယ်။

တမန်တော် 23:29

သူ့မှာ သေဒဏ်နဲ့ ထိုက်တန်သော အပစ်၊ အဲဟာမဟုတ်ရင် အကျဉ်းထားခြင်းဟို ခံထိုက်သော အပစ်တခုမှ မဆိကျောန်းဟို ငါ တွေ့ဆိပါအယ်။ သူဟို ပညတ်တရားနဲ့ ဆိုင်သော မေးခွန်းများနဲ့ ပတ်သက်ယွေ့ ပစ်တင်စွပ်စွဲကြပါအယ်။

တမန်တော် 24:10

ဘုရင်ခံမင်းဟ လက်ရိပ်ပြယွေ့ ပေါလုဟို ပြောဆိုခွင့်ပေးသောအခါ ပေါလုဟ၊ “နင်ဟ ဟေလူမျိုးအပေါ်နှိုက် နှစ်ပေါင်းများစွာ တရားစီရင်ခဲ့သူဖြစ်ကျောန်း ငါ သိပါအယ်။ အေးကျောန့် နင်ရဲ့ဆေ့မှာ ငါကိုယ်ငါ ခုခံကာကွယ်ရလို့ ငါပျော်မိအယ်။

တမန်တော် 24:22

ဖေလဇ်မင်းဟလည်း လမ်းစဉ်အကျောန်းဟို ကောင်းစွာ သိထားသူဖြစ်သဖြင့် အမှုကြားနာခြင်းဟို ရပ်နားလိုက်အယ်။ သူဟ “တပ်မှူးကြီး လုသိ ရောက်ဆိလာသောအခါမှ နင်လို့အမှုဟို ငါ စီရင်ချက်ချမယ်” ဟု ဆိုအယ်။

တမန်တော် 25:25

အဲလိုလဲ သူဟ သေဒဏ်ခံထိုက်သော အပစ်တစုံတရာဟိုမျှ မကျူးလွန်ကျောန်းဟို ငါ့အနေဖြင့် သိပါအယ်။ အားပင်း သူတတ်တိုင်းဟ ဧကရာဇ်မင်းဆေမှာ အယူခံပါမယ်လို့ ပြောသဖြင့် သူ့ဟို အထံတော်ဟို ပို့ဆောင်ရန် ငါ ဆုံးဖြတ်ခဲ့ပါအယ်။