တမန်တော် 24:2 - ဓမ္မသစ်ကျမ်း ဓနုဘာသာစကား

² အေးနောက် ပေါလုဟို ခေါ်ပင်းမှ တေရတုလုဟ သူ့ဟို စတင်စွပ်စွဲယွေ့ ဆှောက်ထားတာဟ၊ “မြတ်သော ဖေလဇ်မင်း၊ အဆှင့်အားဖြင့် ငါလို့ဟ ရမ်းဆာ့သော ငြိမ်းချမ်းမှုဟို ခံစားရလျက် အဆှင့်ရဲ့ အမြော်အမြင်ကျောန့် ဟေတိုင်းပြေတွင် ပြုပြင်ပြောင်းလဲမှုများ ဖြစ်ပေါ်နေပါအယ်။

တမန်တော် 24:2 ပူးပေါင်းရင်းမြစ်များ

တမန်တော် 24:1

ငါးရက်ကြာသောအခါ ယဇ်ပုရောဟိတ်မင်း အာနနိဟ အသင်းတော် လူကြီးအချို့လို့နဲ့ လိုက်ပါလျက် တေရတုလု နာမယ်ဆိသော ဆေ့နေနဲ့အတူ ကဲသရိမြို့ဟို ရောက်လာကြအယ်။ အေးသူလို့ဟ ဘုရင်ခံဖေလဇ်ရဲ့ ဆေ့တော်ဟို ဝင်ပင်း ပေါလုအကျောန်းနဲ့ ပတ်သက်ပင်း စွဲချက်တင်ကြအယ်။

တမန်တော် 24:3

မြတ်သော ဖေလဇ်မင်း ငါလို့ဟ ဟေဆောင်ရွက်မှုများဟို နေရာတိုင်းနှိုက် အစဉ်အမြဲ အထူးကျေးဇူးတင်ပင်း ကြိုဆိုကြပါအယ်။

ယုဒဆေမှ ပေးစာ 1:16

သူလို့ဟ ညည်းညူးတတ်သောသူ၊ သူတပါးရဲ့အပစ်ဟို ဆှာတတ်သောသူ ဖြစ်ကြပင်း မိမိလို့ရဲ့ တပ်မက်ခြင်းအတိုင်း ဆှောက်လှမ်းနေကြအယ်။ သူလို့ရဲ့ နှုတ်ဟလည်း ချဲ့ထွင်ဝါကြွား ပြောဆိုတတ်ယွေ့ ကိုယ်ကျိုးအတွက် လူလို့ဟို မြှောက်ပင့်တတ်ကြအယ်။