တမန်တော် 21:24 - ဓမ္မသစ်ကျမ်း ဓနုဘာသာစကား

²⁴ အေးသူလို့ဟို ခေါ်သွားပင်း သူလို့နဲ့အတူ သန့်ဆှင်းခြင်းဟို ခံယူလျက် သူလို့ခေါင်းဟို ကတုံးရိတ်ရန် သူလို့အတွက် စရိတ်ခံပေးပါလော့။ အေးလို့ပြုရင် နင်လို့နဲ့ ပတ်သက်ယွေ့ သူလို့ ကြားသိထားသော သတင်းဟ ကစတ်ကလတ်ဘဲ နင်လို့တတ်တိုင်း ပညတ်တရားဟို စောင့်ထိန်းလျက် လိုက်ဆှောက်ကျောန်း သူလို့အားလုံး သိကြလိမ့်မယ်။

တမန်တော် 21:24 ပူးပေါင်းရင်းမြစ်များ

ယောဟန် 11:55

ယုဒလူမျိုးလို့ရဲ့ ပသခါပွဲ နီးလာပီဖြစ်ယွေ့ လူများလို့ဟ မိမိလို့ဟို သန့်ဆှင်းစေရန် ပွဲတော်မတိုင်ခင် နေရပ်အသီးသီးလို့မှ ယေရုရှလင်မြို့ဟို လာကြအယ်။

ယောဟန် 3:25

ယောဟန်ရဲ့ တဘဲ့အချို့လို့ဟ ထုံးတမ်းစဉ်လာစလေ့အရ သန့်ဆှင်းခြင်းအကျောန်းနဲ့ ပတ်သက်ယွေ့ ယုဒအမျိုးသားတယောက်နဲ့ စတင် အငြင်းပွားကြအယ်။

တမန်တော် 18:18

ပေါလုဟ ကောရိန့်မြို့ ယုံကြည်သူများနဲ့အတူ ရက်ပေါင်းများစွာ နေပင်းနောက် သူလို့ဆေမှ ထွက်ခွာယွေ့ ပြစ်ကိလ၊ အာကုလလို့နဲ့အတူ ရှုရိပြေဟို ရွက်လွင့်လေအယ်။ ကင်ခြေမြို့မှ မထွက်သွားခင် သစ္စာကတိပြုထားတာကျောန့် သူဟ ခေါင်းရိတ်ခဲ့အယ်။

တမန်တော် 21:26

အေးကျောန့် ပေါလုဟ နောက်တနေ့နှိုက် အေးလူလို့ဟို ခေါ်ပင်းရင် သူလို့နဲ့အတူ သန့်စင်ခြင်းဟို ပြုကြအယ်။ အေးနောက်သူဟ ဗိမာန်တော်ဟို သွားယွေ့ သန့်စင်ခြင်းဟို ပြုပင်း ပီးဆုံးမဲ့အချိန်နဲ့ မိမိလို့တဦးစီအတွက် ပူဇော်သကာ ဆက်သရမဲ့အချိန်လို့ဟို ကြိုတင် အကျောန်းကြား ထားလေအယ်။

တမန်တော် 24:18

ဗိမာန်တော်ထဲတွင် သန့်ဆှင်းခြင်းဟို ခံယူပင်းနောက် ပူဇော်သကာဆက်သနေချိန်နှိုက် အေးသူလို့ဟ ငါဟို မျော်ကြပါအယ်။ အေးမှာ လူအုပ်ကြီးလည်း မဆိ၊ ရုန်းရင်းဆန်ခတ်လည်း မဖြစ်ခဲ့ပါ။

၁ ကောရိန္သု 9:20

ငါဟ ယုဒအမျိုးသားလို့ဆေတွင် အမှုတော်ဆောင်စဉ် သူလို့ဟို ကယ်တင်နိန်ရန် ယုဒအမျိုးသားလို နေထိန်အယ်။ အေးသူလို့ဟို ကယ်တင်နိန်ရန် ငါဟ ပညတ်တရား စောင့်ထိန်းသူ မဟုတ်သော်လည်း ပညတ်တရား စောင့်ထိန်းသူလို ငါ နေထိန်အယ်။

ဂလာတိ 2:12

အကျောန်းမှာ ယာကုပ် စေလွှတ်လိုက်သော လူအချို့လို့ အေးဟို မရောက်လာခင်၊ ပေတရုဟ လူမျိုးခြား ယုံကြည်သူများနဲ့အတူ စားသောက်နေခဲ့အယ်။ အဲလိုလဲ သူလို့ရောက်လာပင်းနောက် သူဟ တပါးအမျိုးသားလို့နဲ့အတူ မစားတော့ပဲ တွန့်ဆုတ်နေပင်း သူဟ အရေဖျားလှီးထားသော သူလို့ဟို ကြောက်သောကျောန့် ဖြစ်အယ်။