တမန်တော် 17:18 - ဓမ္မသစ်ကျမ်း ဓနုဘာသာစကား

¹⁸ ဧပိကုရုနဲ့ သတောအိတ် ဆရာလို့ဟလည်း သူလို့နဲ့ ဆွေးနွေး ငြင်းခုန်ကြအယ်။ တချို့ဟ “ဟေစကားအိုးဟ ပစာအရာဟို ပြောဆိုနေလုန်း” ဟု ပြောကြအယ်။ တခြားသူများဟ “သူလို့ဟ လူမျိုးခြားလို့ရဲ့ နတ်ဘုရားများ အကျောန်းဟို ပြောဆိုနေအယ်” ဟု ဖြေအယ်။ သူလို့အေးလို့ ပစာကျောန့် ပြောဆိုလဲဆိုရင် ပေါလုဟ ယေရှုအကျောန်းနဲ့ ဆှင်ပြန်ထမြောက်ခြင်း အကျောန်း သတင်းကောင်းဟို ဟောသောကျောန့် ဖြစ်အယ်။

တမန်တော် 17:18 ပူးပေါင်းရင်းမြစ်များ

မာကု 9:14

သူလို့ဟ တခြားတဘဲ့တော်များဆေဟို လာကြသောအခါ၊ လူအုပ်ကြီးဟ သူလို့ဟို ဝိုင်းယွေ့ ကျမ်းတတ်ဆရာများဟ သူလို့နဲ့ ငြင်းခုန်ကနေတာဟို သူလို့ မျော်ကြအယ်။

လုကာ 11:53

အဲနေရာမှ ယေရှု ထွက်လာသောအခါ ကျမ်းတတ်ဆရာများနဲ့ ဖာရိရှဲများဟ ကိုယ်တော်အား ရမ်းဆာ့ ဝေဖန်မှုများဟို စတင် ပြုလုပ်ယွေ့ ကြပ်ကြပ် စစ်မေးလာကြအယ်။

တမန်တော် 26:23

သူလို့ ဟောပြောခဲ့လဲ့အရာမှာ မေဆှိယဟ ဝေဒနာဟို ခံရလျက် သေသောသူလို့ထဲမှ ပထမဦးဆုံး ထမြောက်ပင်း ဣသရေလူများနဲ့ လူမျိုးခြားလို့အား ကယ်တင်ခြင်း အလင်းရောင်ဟို ကြေညာလိမ့်မယ် ဖြစ်အယ်” ဟု ချေပပြောဆိုအယ်။

တမန်တော် 4:2

တမန်တော်နေဦးလို့ဟ ယေရှု သေခြင်းမှ ဆှင်ပြန်ထမြောက်လဲ့အကျောန်းဟို လူလို့အား သင်ကြားနေသောကျောန့် သူလို့ဟ စိတ်အနှောင့်အယှက် ဖြစ်ကြအယ်၊ ကိုယ်တော်ရဲ့ သေခြင်းမှ ဆှင်ပြန်ထမြောက်ခြင်းဟို အကျောန်းပြုယွေ့ လူလို့အား သက်သေပြလျက် ဆိအယ်။

တမန်တော် 5:42

အားပင်း နေ့စဉ်နေ့တိုင်း ဗိမာန်တော်တွင် လည်းကောင်း၊ လူလို့ရဲ့ နေအိုင်များတွင် လည်းကောင်း ယေရှုဟ မေဆှိယ ဖြစ်အယ်ဟူသော သတင်းကောင်းအကျောန်းဟို ဟောပင်း ဆက်လက်ယွေ့ သွန်သင်ကြအယ်။

တမန်တော် 6:9

အဲပင်းရင် လွတ်လပ်သောသူများ လို့ခေါ်လဲ့ တရားဇရပ်မှ လူအချို့လို့ဖြစ်ကြသော ကုရေနေမြို့သားနဲ့ အာလေဇန္ဒြူယမြို့သားမှ စယွေ့ ကိလိကိပြေနဲ့ အာရှပြေမှ လာသောသူလို့ဟ ထယွေ့ သတေဖန်နဲ့ စတင် ငြင်းကြအယ်။

ရောမ 1:22

သူလို့ဟ ကိုယ့်ကိုယ်ကို ပညာဆိအယ်လို့ ဟောကြပေမဲ့လည်း သူလို့ဟ ပညာမဲ့သူများ ဖြစ်ကြအယ်။

၁ ကောရိန္သု 3:18

စသူမျှ မိမိတတ်တိုင်း မလှည့်စားစေနဲ့။ နင်လို့တွင် အကြင်သူဟ ဟေလောကရဲ့ စံနှုန်းအရ ပညာဆိ ဖြစ်တာဟု ကိုယ့်ကိုထင်တတ်အယ်။ အဲသူဟ ပညာဆိဖြစ်လာစေရန် လူမိုက် ဖြစ်မန့်စေ။

၁ ကောရိန္သု 4:10

ငါလို့ဟ ခရစ်တော်အတွက် လူမိုက် ဖြစ်ကြအယ်။ အားပေမဲ့ နင်လို့ဟ ခရစ်တော်နှိုက် ပညာဆိ ဖြစ်ကြအယ်။ ငါလို့ဟ အားနည်းသောသူ ဖြစ်အယ်။ အားပေမဲ့ နင်လို့ဟ အားကောင်းသောသူ ဖြစ်အယ်။ ငါလို့ဟ အသရေမဲ့သောသူ ဖြစ်အယ်။ အားပေမဲ့ နင်လို့ဟ အသရေဆိသောသူ ဖြစ်အယ်။

ကောလောသဲ 2:8

ခရစ်တော်ဆေမှ မဟုတ်ဘဲ လူလို့ရဲ့ ထုံးတမ်းစဉ်လာမှလည်းကောင်း၊ လောကဟို အုပ်ချုပ်သော ဝိညာဉ်တော်များဆေမှ လည်းကောင်း၊ လက်ဆင့်ကမ်းလဲ့ အလကားကားသော လှည့်စားခြင်းအားဖြင့် စသူမျှ နင်လို့အား မလွှမ်းမိုး မသိမ်းသွင်းစေရန် သတိပြုကြလော့။