၁ ကောရိန္သု 7:33 - ဓမ္မသစ်ကျမ်း ဓနုဘာသာစကား

³³ အားပေမဲ့ အိုင်ထောင်သည်ယောက်ျားဟတော့ မိမိရဲ့ ပေါင်အိုမ နှစ်သက်စေရန် စိတ်ဆန္ဒ ဆိသဖြင့် လောကီအမှုဟို အလေးအနက် ထားတတ်အယ်။

၁ ကောရိန္သု 7:33 ပူးပေါင်းရင်းမြစ်များ

လုကာ 12:22

အေးနောက် ယေရှုဟ တဘဲ့တော်လို့ဟို “အေးကျောန့် အသက်ဆှင် နေထိန်ဖို့ လိုအပ်လဲ့ အစားအစာအတွက် စိတ်မပူကြနဲ့၊ နင်လို့ ခန္ဓာကိုယ်မှာ လိုအပ်လဲ့ အဝတ်အစားအတွက် စိတ်မပူကြနဲ့။

လုကာ 14:20

အခြားတယောက်ဟလည်း ‘ငါ ခုမှ အိုင်ထောင်ကျဟားလို့ လာနိန်သေးဝူး’ ဟု ဆင်ခြေပေးလေအယ်။

ယောဟန် 10:13

သူငှားဟ သူငှားဖြစ်လဲ့အလျောက် သိုးလို့အတွက် ဂရုမစိုက်ဘဲ ထွက်ပြေးတတ်အယ်။

၁ ကောရိန္သု 7:3

ဖိုးအိုဟ ဆက်ဆံခြင်းဝတ်ဟို မိမိပေါင်အိုမအား ပြုသင့်အယ်။ ပေါင်အိုမဟလည်း မိမိဖိုးအိုအား အဲတိုင်းတိုင်း ပြုရမယ်။

၁ ကောရိန္သု 7:32

နင်လို့ဟ စိုးရိမ်ခြင်းနဲ့ ကင်းလွတ်စေဖို့ ငါ အလိုဆိအယ်။ ဖိုးအို မဆိသောသူဟ သခင်ဘုရားရဲ့ စိတ်တော်နဲ့ တွေ့စေခြင်းငှာ သခင်ဘုရားရဲ့ အမှုတော်ဟို အလေးနက် ထားတတ်အယ်။

၁ ကောရိန္သု 7:34

အဲကျောန့် သူဟ စိတ်နေခွ ဖြစ်ယွေ့ နေအယ်။ အိုင်ထောင်မဆိလဲ့ မိန်းမ အဲဟာမဟုတ်ရင် အပျိုဖြစ်သူဟ သခင်ဘုရားအား မိမိရဲ့ ခန္ဓာနဲ့ စိတ်ဝိညာဉ်ဟိုပါ ဆက်ကပ်လိုသဖြင့် သခင်ဘုရားရဲ့ အမှုတော်ဟို အလေးနက် ထားတတ်အယ်။ အားပေမဲ့ အိုင်ထောင်သည်မိန်းမဟတော့ မိမိဖိုးအို နှစ်သက်စေရန် စိတ်ဆန္ဒ ဆိသဖြင့် လောကီအမှုဟို အလေးနက် ထားတတ်အယ်။

ကောလောသဲ 3:19

ခင်ပွန်းဖြစ်သူလို့၊ ပေါင်အိုမဟို ချစ်ကြလော့၊ သူလို့အား ကြမ်းတမ်းစွာ မပြုကြနဲ့။

၁ တိမောသေ 5:8

စသူမဆို မိမိဆွေမျိုးသားချင်း၊ အထူးသဖြင့် မိမိအိုင်သူအိုင်သားလို့ဟို ဂရုမစိုက်ဘဲနေရင် အဲသူဟ ယုံကြည်ခြင်းဟို ငြင်းပယ်ပီ ဖြစ်ယွေ့ မယုံကြည်သူထက်ပင် ဆိုးရွားအယ်။

၁ ပေတရု 3:7

အေးနည်းတူ ဖိုးအိုလို့၊ ပေါင်အိုမလို့ဟ မိန်းမသားဖြစ်ပင်း နင်လို့ထက် အားနည်းသောသူ ဖြစ်ကျောန်း သိဆိနားလည်ယွေ့ အသက်နဲ့ဆိုင်သော ကျေးဇူးတော်ဟို အတူတကွ အမွေဆက်ခံသူအဖြစ် တန်ဖိုးထားလျက် အတူတကွ ပေါင်းသင်းနေထိန်ကြလော့။ ဟေဟာဟ နင်လို့ ဆုတောင်းချက်များဟို တားဆီးမခံရမဲ့အကျောန်း ဖြစ်အယ်။