၁ ကောရိန္သု 10:27 - ဓမ္မသစ်ကျမ်း ဓနုဘာသာစကား

²⁷ မယုံကြည်သူ လူတယောက်ဟ နင်လို့အား ဧည့်ခံကျွေးမွေးရန် ခေါ်ဖိတ်ရင် နင်လို့ လိုက်သွားကြလော့။ မိမိလို့ရဲ့ ဩတ္တပ္ပစိတ်ဟို ထောက်ယွေ့ နင်လို့ဆေ့နှိုက် ကျွေးမွေးသမျှလို့ဟို စစ်ဆေးမေးမြန်းခြင်း မပြုဘဲ စားကြလော့။

၁ ကောရိန္သု 10:27 ပူးပေါင်းရင်းမြစ်များ

လုကာ 15:23

အဲပင်းရင် ဝဖီးနေသော နွားသငယ်ဟို သွားယူပင်း သတ်ကြလော့၊ ငါလို့ ပွဲဟို ဆင်နွှဲကြစို့။

လုကာ 19:7

ဟေအခြင်းအရာဟို မျော်သောအခါ လူလို့ဟ “ဟေသူဟ ဆိုးသွမ်းသော သူတယောက်ရဲ့ အိုင်တွင် တည်းခိုရန် သွားပါအယ် ဟုတ်မောင့်လဲ့” ဟု စတင်ပင်း ကဲ့ရဲ့အပစ်တင်ကြအယ်။

၁ ကောရိန္သု 10:25

နင်လို့ရဲ့ ဩတ္တပ္ပစိတ်ဟို ထောက်ယွေ့ ဆေးတွင် ရောင်းလဲ့ စလိုအသားဟို မဆို စစ်ဆေးမေးမြန်းခြင်း မပြုဘဲ ဝယ်ယွေ့ စားကြလော့။

၂ ကောရိန္သု 1:13

ငါလို့ဟ နင်ဖတ်ရှုနားလည်နိန်သမျှဟိုသာ နင်လို့ဆေ ရေးသားခဲ့အယ်။ အားပေမဲ့ ငါလို့ရဲ့ သခင် ယေရှု ကြွလာသော နေ့နှိုက် ငါလို့ဟ နင်လို့အတွက် ဂုဏ်ယူ ဝါကြွားနိန်လဲ့တိုင်း နင်လို့ဟလည်း ငါလို့အတွက် ဂုဏ်ယူ ဝါကြွားနိန်ကြစေရန် နင်လို့ဟ အခု တစိတ်တဒေသအားဖြင့်သာ သိဆိ နားလည်ကြလဲ့ အရာများဟို ပြေ့ဝစုံလင်စွာ သိဆိ နားလည်လာကြလိမ့်မယ်ဟု ငါ မျော်လင့်အယ်။

၂ ကောရိန္သု 4:2

ငါလို့ဟ လျှို့ဝှက်ယွေ့ ဆှက်ဖွယ်ကောင်းသော အကျင့်ဟို ပယ်ဆှားယွေ့၊ လှည့်ဖြားခြင်း မပြု၊ ဘုရားသခင်ရဲ့ နှုတ်ကပတ်တော်ဟို အတုအယောင်မပြု။ အမန်တရားရဲ့ အလင်းတွင် ငါလို့ဟ ဘုရားသခင်ဆေ့နှိုက် နေထိန်ပင်း လူတိုင်းရဲ့ ကောင်းမြတ်သော ဩတ္တပ္ပစိတ်တွင် မိမိတတ်တိုင်း ချီးမွန်းရန် ကြိုးစားကြအယ်။

၂ ကောရိန္သု 5:11

ငါလို့ဟ ပစာကျောန့် သခင်ဘုရားအား ကြောက်ရွံ့ရကျောန်းဟို သိသဖြင့်၊ လူလို့အား စည်းရုံးသိမ်းသွင်းအယ်။ ငါလို့ရဲ့အကျောန်းဟို ဘုရားသခင်ဟ အကြွင်းမဲ့ သိအယ်၊ နင်လို့ဟလည်း ဩတ္တပ္ပစိတ်ထဲဟ ငါ့အကျောန်းဟို သိကြလိမ့်မယ်ဟု ငါ မျော်လင့်အယ်။