YAHUDA 1:7 - Nouveau Testament Doyayo

⁷ Mɔkin nɛ mɛɛ Sodɔma hi Gɔmɔra dɔglya̧ hi waal gbɔlɛ wɔ gɔ̧ɔ̧hi di. Dood wɔ hi waak gedu hi gɔ an Bɛt walɛsɛrɛ wɔrɔ be. Anyɔ hi gaa zulya̧ a mans du hi a ɗɔkum du a dood rɔ̀bɛ muulɛ, hi yɔ̧kya̧a̧r a laa yɔ gɔ gi waa faa gedu. Yɔ anbɔ, hi wɛɛs dood waal du sɛw gɛrs hinmɛksingoya, dood hi mɛɛn gii a dɔgl-gbaak giro.

YAHUDA 1:7 ပူးပေါင်းရင်းမြစ်များ

MATA 10:15

Be gisin raak rɔbo: waal gbɔɔl bɔrɔ ya̧a̧rhantɔ gi ɓaa gi daar Sodɔma hi Gɔmɔra hɛbt ɔnɛ a dɔgl gbaak-ɔ̧ti.

MATA 11:24

Hinɔ gii be gisin raako a ya̧a̧rhant nɛ gi ɓaa gi daar Sodɔma waal ɔnɛ a dɔgl-gbaak ɔ̧ti.

MATA 25:41

Kuudu waar bɔ gi wɛɛ gi raa dood wɔ hi gi a gi naanyɛ̧li a hɛmlin hi beya, nɛɛ dood wɔ nɛ gin Bɛt booto! Rekin a laazɛŋk yɔ hi gɛmnts Saydanu hi walɛsɛrɛ ɔ̧ɔ̧ gedu!

LUKA 17:29

Yɛrɛyɔ Ludu tuu a Sodɔma, a ɔ̧t gbun bɔ gedu laa hobbuu naŋg a bɛtha an bɛlɛ gbɔm dood sɛw.

1 KƆRƐŊGTU 6:9

Nɛ́ mɛ̄ɛ̄ a dood ha̧a̧l wɔ hi taa Bɛt wáátɔ dak gɛ ya? Bɔnɛ maat zul nɛ! Dood nɛɛdkaatɛ ha̧a̧lɛ elikya wɛ, maak-fɔkya wɛ, mansgɔkya wɛ, walɛ mansgɔkya wɛ hi walɛ zaadɛ,

2 TESALONIKI 1:7

gi wɛɛ gi gàà nɛɛ wɔ nɛ ya̧a̧rha̧a̧k holumi hi wii sɛw. Ɔ̧tyɔ Waar Yeesu gɔ gi midz a bɛtha hi walɛsɛrɛ ɔ̧ɔ̧ tɛŋkyaadɛ,

2 TESALONIKI 1:8

gi zaan laazebt gbɔɔl an gi gbans dood wɔ ha̧a̧hi Bɛt mɛɛk gɛ hi wɔ hi tā̧ā̧ Waar wɛ Yeesu Dɔgl ɔnɛ Rɔb bɔ fɔk gɛ dɔglɛ.

2 PIYƐR 2:2

Dood kittɔnɔ hí fɔb gbɔnɔya̧ zɛlkya waksilya bɔ, wɛɛ dood hi boo ya̧a̧ha̧a̧l a rɔb gbɔnɔ bɔ muulɔ a hi dɔŋgo.

2 PIYƐR 2:6

Wɛɛ ɓɛ, Bɛt ɔ̄ɔ̄ waal gbɔlɛ wɔ Sodɔma hi Gɔmɔra gɛ, yaaz laa dɔ̧ɔ̧sihi wɛɛnihi an tam yɔ sɛn du hi ips gaati an gi zuns dood wɔ gɔ hi ta̧a̧ Bɛt ɗɔbsig gɛ hinyɔ gɔ gi tursihi ɔ̧tza;

2 PIYƐR 3:7

Yɛrɛ bɛtha hi hɛbt yɔ ɓɔryɔ, Bɛt dɔglɔ gbun bɔ gii gig gbaako an kuudu gi wɛɛ gi ha̧tir hi laa. Hi gbaahi an ɔ̧tyɔ Bɛt gɔ gi gbaas dood wɔ hi ɗɔ̄bsig gɛ dɔgl gedu gi tuurɔ gi ha̧tirihi.