YAHUDA 1:4 - Nouveau Testament Doyayo

⁴ Ya̧a̧nɛ dood zaadɛ wɔ hoobha̧a̧hi Bɛt gɛ, hi tal nɛ teesdu hi kɛ̧ɛ̧tigi, hi bi̧i̧ dɔgl-gbaak bɔ dɔglɔ a hi zulha da̧a̧da̧ da amntɔnɔ. Hi gi dood ha̧a̧lɛ, hi zɛmrik Bɛt wɛ gɛmsilɔ gi wɛɛk zɛlk gbɔnɔ, hi wɛɛ hi faak Ɗɛnt wɛ gbun bɔ Waar wɛ Yeesu Kristu.

YAHUDA 1:4 ပူးပေါင်းရင်းမြစ်များ

MATA 13:25

yɔ dood hi yok a yɛms du, za̧a̧n za yɔ gig lɔlhɛ̧ɛ̧nuko loo kagi kam da lug a bak bɔ za̧a̧n bɔ lug nɛ tot rɔb gedu wɛɛ wɛɛ gi lɛlɛ.

YOHANA 17:3

Za̧a̧tig faa bɔ hinɔ gɛrɛ: hí mɛɛ a mɔɔ gi Bɛt rɔb mɔ gbunu, hí wɛɛ hí mɛɛ Yeesu Kristu yɔ mɔ yaazige.

TƆMSYAADƐ WOOSƐ 11:23

Barnabas gi doo hinwookya rɔbo. Bɛt Mɔkilɔ hi̧i̧s gi kpoos du gi ɗɔbsig Bɛt hi tɛŋko. Yɔ Barnabas tuur hɔ gi gbɛn Bɛt gi rɔbsig dood wɔ hɔ, dag hat gbɔɔltɔnɔ, wɛɛ ɓaasihi a hi kɔm hi fɔb Waar Yeesu hi kpoosya̧ sɛw, bɔhi wɛɛ kuudu. Dood saalnɔ gbɔɔl hi ɗɔbs ma Waar Yeesu gɔ.

TƆMSYAADƐ WOOSƐ 15:24

Wi lag a dood zaadɛ hi fu̧u̧ wi teesdu dihɛ hi rek hi zɛksinɛ, hi luutin hi ya̧a̧boonɛ. Wii wí rāāhi an hi rek hi gɔ hin dɔɔm anbɔ gɛ.

GALATIYA 2:4

Yeesu fɔkya ya̧a̧gɔ̧ɔ̧nyaadɛ hi guz wi teesdu hi kɛ̧ɛ̧tig an hi sɔ̧ɔ̧ zul wɛ yɔ wɛ dag aakil du a ɔksig wɛ bɔ gedu hi Yeesu Kristu, ha̧a̧hi an hi nab Titus an kuudu hi wɛɛnɛ Yahuduya maak gbaarɛdɛ.

GALATIYA 5:13

Yɛ̧ɛ̧dɛ mi wɛ, Bɛt el nɛɛ an nɛ dag zul nɛ aakil du. Yɛrɛya, anyɔ nɛ dag zul nɛ aakil du, bɔnɛ ɔɔ ɗɔkum ha̧a̧l nɛ wɔ hi ka̧n a gbɔnɔ ha̧a̧l du anyɔ ha̧a̧hi. Taa anbɔ. Wootinnɛ woos hi hat gbɔɔlɛ.

EFESU 4:14

Gɔ gi anbɔ, wɛ́ ɔɔ ya̧a̧m dɔglɔ ɔɔ ma an bɔ dood hingok gaŋsɛgaŋsɛ hi namsɛ zaa an mɛmɗukil wɔ hi zɛk wɔ gɔ hi namsig lɛmbo gi rek hɛ hi hɛ. Wɛɛ, an bɔwɛ fɔb hingokya ya̧a̧gɔ̧ɔ̧nya wɔ gɔ hi maatig dood hi kɛ̧ɛ̧tigya̧ hi maatilya̧ ha̧a̧l wɔ hi midil an hi waksihi gbɔnɔ.

1 TIMƆTE 5:8

Doo za gi kaŋk nɛsɛ ɔ̧ɔ̧ gɛ, rɔbɔ doodɔ hii a raa du, in Bɛt gbɔnɔ yɔ daar za̧a̧nyɔ taa nɛ Bɛt ɗɔbsigya gɛ.

2 TIMƆTE 2:12

Gid wɛ mɔm ya̧a̧rhant wɔ, wɛ wɛɛ waar lɛlgbun hi giya. Gid wɛ faa a be mɛɛg gɛ, gii gi faa a be mɛɛwɛ gɛ be.

2 TIMƆTE 3:6

Zaadɛ a hi teesdu hi gutig dood raato an hi wɛɛn nɛɛd wɔ gɔ hi ta̧a̧k maatili hi fɔ dɔglya̧. Dood wɔrɔ lab hi hi̧i̧s hi hin-ha̧a̧lɛ. Hi fɔk ɗɔkum wɔ hi kpoos du sɔmsɔm dɔglya̧.

1 PIYƐR 2:16

Waan an dood wɔ hi dag zulya̧ aakil du. Nɛ yɔ anbɔ, bɔnɛ oo zul nɛ gik bɔ aakil du an gbandili nɛ yaatin hinha̧a̧l nɛ. Lab gɛ! Woonhin an Bɛt woosyaadɛ.

1 PIYƐR 2:8

Hi wɛɛ hi bi̧i̧ ɓɛ: a bet dɔɔsiŋkya, hɛɛl doodmatigya. Yɔ hi ta̧a̧ Bɛt dɔgl kɛŋk gɛ gii hi siŋk dɔɔ. Bɛt nagsihi anbɔ.

1 PIYƐR 4:18

Anyɔ hi bi̧i̧ a Bɛt ɗɛɛrwol du a an doo riit bɔ dag za̧a̧tigi hi mɔɔt gbɔɔltɔnɔ, za̧a̧nyɔ ɗɔbs Bɛt gɛ be, hi hinha̧a̧lwookya wɔ, hi kɔm ay be?

2 PIYƐR 2:10

Dood wɔ gɔ gi ha̧a̧nihi ya̧a̧r gi daarɔ, gɛ dood wɔ hi yaak zulya̧ a muulɗɔkum du ha̧a̧ltɔnɔ an hi gɔ hatil ha̧a̧lɛ hi wɛɛ hi ɗa̧a̧k tɛŋk gbɔlumsya wɔ a bɛtha an bɔhi tiis zulya̧ a hi dɔŋdi. Hi gi kpoos ɓaatilyaadɛ, zulpɛɛkyaadɛ, hoobhā̧ā̧hi Bɛt walɛsɛrɛ wɔ a bɛtha niik gɛ.

2 PIYƐR 2:7

wɛɛ za̧a̧s rɔbwookya bɔ Ludu yɔ gig fɔko yɔ kpoosɔ nɔɔsig ha̧a̧ltɔnɔ hi dood ha̧a̧l wɔ ɛmbilya̧ a zɛlkya̧ bɔ gi dɔŋgo.

2 PIYƐR 3:7

Yɛrɛ bɛtha hi hɛbt yɔ ɓɔryɔ, Bɛt dɔglɔ gbun bɔ gii gig gbaako an kuudu gi wɛɛ gi ha̧tir hi laa. Hi gbaahi an ɔ̧tyɔ Bɛt gɔ gi gbaas dood wɔ hi ɗɔ̄bsig gɛ dɔgl gedu gi tuurɔ gi ha̧tirihi.

1 YOHANA 2:22

Nɛ bɔ gi ya̧a̧gɔ̧ɔ̧nya? Gɛ za̧a̧nyɔ faa a Yeesu taa Kristu. Za̧a̧nyɔ gi hɛ̧ɛ̧nik Kristu lɔl gii faa Baa wɛ Bɛt hi waaɔ.

YAHUDA 1:15

an gi gbaas dood sɛw dɔglɛ, wɛɛ an gi mat dood wɔ ha̧a̧hi Bɛt gɛ hi dɔglɛ a woos ha̧a̧l yɔ hi woo hi zulɓaasig yɛ̧ltɔnɔ a Bɛt gbaŋgi geha sɛw, hi dɔgl ɓaatil wɔ dood hinha̧a̧lya wɔ ha̧a̧hi Bɛt dɔglɔ gɛ hi boo nɛ a gi zulha hage sɛw.

YAHUDA 1:18

Gɔ hi gisin raako a ɔ̧t yɔ̧ɔ̧sum bɔ gedu, dood hinkpɛ̧ɛ̧likya hi giro, hi ɛmb anyɔ ɗɔkumya̧ ha̧a̧l bɔ kpoos du yɔ kɛms Bɛt tɔn gɛ gisihi gbɔnɔ goko,

HINWƆ HI MITS YOHANA 15:4

Bɔ́ hoob gi ha̧a̧g mɔɔ gɛ, Waar Bɛto? Bɔ gi in nuŋg mɔ tɔɔsugo? Mɔɔ gi Doo Gaat mɔ gbunu! Dood waal du sɛw hí zaak a mɔɔge, an hi ɗɔbsumɔ, anyɔ hi gbɛn dɔgl mɔ gbaak wɔ hi mid gaattɔnɔ.