YAHUDA 1:20 - Nouveau Testament Doyayo

²⁰ Nɛnɛ, sa̧a̧m mi rɔbɛ wɛ, gaatinnɛ tɛŋk nɛ er rɔbtɔnɔ a ɗɔbsig nɛ gaat yɔ daarlɛl hage, waan Bɛtzɔ̧k hi Mɔkilɔ,

YAHUDA 1:20 ပူးပေါင်းရင်းမြစ်များ

TƆMSYAADƐ WOOSƐ 15:9

Gɔ̄ hinza dɔɔm hi teesdu an gi gɛ̧ksihi hi wɛɛ gɛ, gaas kpoosya̧ anyɔ hi ɗɔbs Yeesu.

TƆMSYAADƐ WOOSƐ 26:18

an mɔ kpɛ̧rsihi yɔ̧lya̧ an kpoosya̧ gi zɛmrɔ mɔ tudzihi a lɛlwil du hi tal a lɛlgaal du, hi a Saydanu tɛŋk du hi tuur a Bɛt ge. Gɔ anbɔ, be bitsihi hin ha̧a̧lya̧ hi wɛɛ hi dag ɗɔɔtil rɔb a dood gaatɛ wɔ hi gaa mɔkilya̧ a beege hi tees du.

TƆMSYAADƐ WOOSƐ 6:7

Bɛt dɔgl bɔ gi yɛdugo, Yeesu fɔkya wɔ hi hɔŋk a Urusalima, hi kitig gi daariklɛlɛ. Bɛtmaakwookya wɔ saalya̧ kittɔnɔ hi ta̧a̧k Yeesu dɔglɔ.

TƆMSYAADƐ WOOSƐ 9:31

Yɔ anbɔ Yeesu fɔkya wɔ a Yahuduya, a Galile hi a Samariya sɛw hi dag saŋtum gɔ ɓɔrɔ, zɛksil taaro, hi wɛɛ hi dag tɛŋko; Bɛt Mɔkilɔ gisihi ɗaako, hoob gihi ha̧a̧k Waar Bɛto, hi wɛɛ hi kitugo kitugo.

ROMA 15:2

Wɛ gbunu gbunu, yɛwɛ ɓɛɛ an wɛ gɔ nawɛza kpoosɔ gi harige, an wɛ ɗaasig gi rek doosɛ a Bɛt gbɔnɔ du.

ROMA 8:15

Wɛɛ nɛ́ dāg gbaar mɔkil an nɛ wɛɛ nɛ waa a hoob du gɛ. Nɛ dag Bɛt Mɔkilɔ yɔ gisɛ gok an wɛ el Bɛt a Aba, raakɔ a Baaba!

1 KƆRƐŊGTU 1:8

Gii gi ɓaasinɛ gi tuur a ɔ̧tda̧a̧ki an bɔhi zol hin-a̧a̧bi a ɔ̧tyɔ Waar wɛ Yeesu Kristu gɔ gi gbaa dɔgl gedu.

1 KƆRƐŊGTU 10:23

Hɔɔ, hin sɛw gbɔnɔ giro, wɛɛ hin sɛw taa hinza ɗaako, hin sɛw gbɔnɔ giro, wɛɛ hin sɛw taa doo ɔksigya̧ tɔɔsugo.

1 KƆRƐŊGTU 14:15

Gi an mi woo nɔ? Mí zɔ̧bɔ hi mɔkil mi, mi wɛɛ mi zɔ̧bɔ hi hinmɛɛk mi hɛw; mi ɛɛhin hi mɔkil mi, mi wɛɛ mi ɛɛhin hi hinmɛɛk mi.

1 KƆRƐŊGTU 14:26

Nɛ yɛrɛ, yɛ̧ɛ̧dɛ mi wɛ, gi an wɛ woo nɔ? Gɔ nɛ mɔksig an nɛ ɗɔbs Bɛto, bɔbe a nɛ teesdu gin hin-ɛɛnɛ, zaabe hingoki, zaabe hinza yɔ Bɛt mitsige a gɛrs du, zaabe ya̧a̧boon rɔ̀b mɔkilya, zaabe ya̧a̧boon rɔ̀b mɔkilya wɛɛnikɔ an dood hi kɛmɔ. Nɛ a hin wɔrɔ gedu sɛw, woon nɛ ɗaatinu an ɗɔbsig gi tɔɔ.

GALATIYA 4:6

Wɛɛ wɛ gi Bɛt waato, yɔ anbɔ Bɛt yaaz waaɔ Mɔkilɔ a wɛ kpoos du. Mɔkil bɔ gɔ el Bɛto a Aba, a Baaba!

EFESU 4:12

Woo anbɔ an gi gɛms dood wɔ hi gi Bɛt ɔ̧nɛ hi woosigwoosɔ, hi tɔɔs Kristu muulɔ a ɗɔbsig du,

EFESU 4:16

Muul bɔ sɛw dag tɛŋk a zul bɔ ge, wɛɛ dɔ̧ksillɛlɔ wɔ sɛw hi ɗaasig muul bɔ hi gig ɔksugo. Muul dɛɛt wɔ sɛw hi wook woosya̧ anyɔ bɛrɔ. Yɔ anbɔ, muul bɔ sɛw gi tɔɔko, wɛɛ gi tɛŋk gaatingo a hat du.

EFESU 4:29

Bɔ ya̧a̧ha̧a̧l gi tuu nɛ ya̧a̧ du nɛ zaŋ, dɔgin hinrɔb yɔ gɔ gi ɗaas dood zaadɛ wɔ a hi ɗɔbsig du anyɔ bɛrɔ, hi an gi gàà dood wɔ hi lak dɔglɔ gɛmsili.

EFESU 6:18

Waan Bɛt zɔ̧ki hi kpoos nɛ sɛw anyɔ Bɛt Mɔkilɔ goksinɛ. Kpoos nɛ waag a geha hi mɔkil nɛ sɛw, zɔ̧bsin Bɛt doodɔ wɔ hi gi sɛw Bɛto.

KOLOSIYA 2:7

Wɛɛ gi an nɛ dag tɛŋk nɛ a ge an tɛ̧ɛ̧yɛ̧ɛ̧s a hɛbtdi, nɛ́ gi tɔɔko a gi naandu an luk yɔ hi wɔŋko, wɛɛ ɗɔbsig nɛ gi gi erk bɛttɔnɔ, anyɔ hi goksinɛ; nɛ wɛɛ nɛ gi waak Bɛt baanik hi hat gbɔɔltɔnɔ.

1 TESALONIKI 5:11

Yɛrɛ gaatinnɛ tɛŋko, ɗaatinnɛ anyɔ nɛ gɔk ɓɔryɔ.

1 TIMƆTE 1:4

wɛɛ, bɔhi mɔk bid lɔɔlɔ wɔ dɔglya̧ hi dood dɔ̧ɔ̧t wɔ mɔ̧ɔ̧kya̧ hi taan lɔɔsumlɛl gɛ dɔglya̧. Hin wɔrɔ anbɔ gɔ hi ɗuks hinfaltingo kpɔd, ɗɛ̄ɛ̄ an hi ɗaa Bɛt dood kaŋkig woos yɔ gi hi ɗɔbsig gɛ.

2 TIMƆTE 1:5

Gɔ mi mɔk mi mɛɛk ɗɔbsig mɔ rɔb bɔ. Ɗɔbsig yɔ yāā mɔ Loyis hi nàà mɔ Ewnike hi dag nɛ gi dordi. Mi mɛɛ rɔbtɔnɔ a gi ɗɔɔtig mɔ kpoos du ɓɔri hɛw.

TITUS 1:1

Mii Pol mii bi̧i̧ ɗɛɛrwol yɛrɛ. Mi gi Bɛt woosɔyayɔ hi Yeesu Kristu tɔmsɔya. Bɛt gii yaazimi an mi dɔks dood wɔ sɛ̧ɛ̧hi dɔglɛ an hi ɗɔbs Yeesu hi wɛɛ hi mɛɛ rɔbo. Gid hi mɛɛ rɔb anbɔ, hi mɛɛ fɔk yɔ gi an hi fɔb Bɛt hi gbɔnɔ.

YAKUBA 2:22

Mɔ gbɛn yɔ ɗɔbsigɔ ɔks hi woosɔ, ɗɔbsigɔ bɔ gaaga hi woosɔ bɔ.

2 PIYƐR 1:1

Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.

1 YOHANA 5:4

Ya̧a̧nɛ, za̧a̧nyɔ mɔɔy a Bɛt ge sɛw gi ɗɛɛk waal ɗɛɛ. Wɛɛ hinyɔ wɛ ɗɛɛnik waal: gɛ ɗɔbsig wɛnɛ.

YAHUDA 1:3

Sa̧a̧m mi rɔbɛ wɛ, anyɔ ha̧a̧m nɛ gbɔɔltɔnɔ an mi bi̧i̧sin ɗɛɛrwol mi boosin za̧a̧tig yɔ wɛ gin lɛlgbun dɔglɔ, mi sèè bɛr an mi bi̧i̧sin hinza dɔ̧ɔ̧mi mi ɓaasin muulɛ an nɛ wa̧a̧ ɗɔbsig yɔ Bɛt gaa doodɔ naan du dɔɔ gbun gaati hi tɛŋko a hin ɓaatil yɔ gi gedu.

HINWƆ HI MITS YOHANA 13:10

Za̧a̧nyɔ gi an hi wà̧a̧g a gabs du, hi wà̧a̧g hi kaŋgkamɔ. Za̧a̧nyɔ gi an hi gbɔmnig daŋbɛsimi, hi gbɔmnig hi daŋbɛsimi; yɔ anbɔ, Bɛt doodɔ mɔ̧hi hinɛ hi Bɛt ɗɔbsigi.