YAHUDA 1:1 - Nouveau Testament Doyayo

¹ Mii Yahuda, Yeesu Kristu woosɔya hi Yakuba yɛ̧ɛ̧tɔ. Mi bi̧i̧sig dood wɔ Bɛt elihi, wɔ hi waak a Baa wɛ Bɛt hat du, wɔ hi gbaahi Yeesu Kristu ɔ̧nɛ hii ɗɛɛrwol yɛrɛ.

YAHUDA 1:1 ပူးပေါင်းရင်းမြစ်များ

MATA 10:3

Filib hi Bartelemi, Tumas hi tooszekya bɔ Mata, Alfe waawal Yakuba hi Taade;

MATA 13:55

Yusufu tɛ̧ɛ̧hɛɛkya bɔ waawal gii yɔ gɛ ya? Nɛ nɔɔtɔ gii Mariyama ma mi? Yakuba hi Yusufu hi Simɔŋ hi Yahuda hi taa yɛ̧ɛ̧dɛ ɔ̧ɔ̧ ya?

MARKUS 3:18

Andrɛ, Filib, Bartelemi, Mata, Tumas, Alfe waa wal Yakuba, Taadeyus, Simɔŋ Hɛbtwaa Gabs bɔ

MARKUS 6:3

Nɛ gii gi ma Mariyama waawal tɛ̧ɛ̧hɛɛkya bɔ ma mi? Nɛ gi ma Yakuba hi Yozɛs hi Yahuda hi Simɔŋ hindaya̧ gii ma mi? Nɛ siŋdɛya̧ hi waak a wɛ teesdu dihɛ ma mi? Hin bɔ lab gii gi dood wɔ hi dɔg hin anbɔ ya̧a̧nik an bɔhi ɗɔbs Yeesu .

LUKA 6:16

Yakuba waawal Yahuda, hi Yahuda Iskaryudi yɔ rɛ̧ɛ̧ge.

YOHANA 12:26

Za̧a̧n za gi ha̧a̧ge an gi woosib hinɛ fɔbzigbe! À lɛl yɔ be gi ge, woosya be gi gi lɛlɔge be. Za̧a̧nyɔ gisib hin wooko, Baa be gi ɗɔbsige.

YOHANA 14:22

Yahuda warige (Yahuda Iskaryudi gii gɛ) warige a Waar i, ri gi ha̧a̧mɔ an mɔ zunsiw zul mɔ, mɔ́ zūns waal du zul mɔ ɔnɛ gɛ nɔ?

YOHANA 15:16

Nɛɛ her bee gɛ, bee her nɛya. Be gbaan an nɛ rek nɛ humɔ, huml nɛ bɔ gi waa. An hinyɔ gɔ nɛ zɔ̧ Baa be a be nuŋg du sɛw, gi gaan hinɔ.

YOHANA 17:15

Bé zɔ̧̄mɔ an mɔ ha̧sihi waal du gɛ, be zɔ̧mɔ an mɔ oohi a hinha̧a̧l du.

YOHANA 17:17

Gogsumɔhi hinrɔbo an hi wɛɛ dood mɔ gaatɛ. Dɔgl mɔ gii gi hinrɔbo.

YOHANA 17:19

Bee hi zul be, be gaam muul be sɛw a hi dɔŋgo an be wɛɛ doo mɔ gaati an hii be, hi wɛɛ dood mɔ gaatɛ hi rɔbo.

YOHANA 6:39

Hinyɔ ha̧a̧ Za̧a̧nyɔ yaazib gɛrɛ: ha̧a̧g an dood wɔ gaab sɛw, bɔbe waks zaaya̧ gbunu, gɔ gi ɔ̧t kuud bɔ gedu, be wɛɛ be ɗunsihi a wɔrk du.

TƆMSYAADƐ WOOSƐ 1:13

Yɔ hi wɛɛzɔ hi dɔɔ a luk hɔɔt bɔ gɔ hi waak du a buuɔ bɔ wɛɛha gedu. Doodya̧ gɛrɛ: Piyɛr , Yohana, Yakuba, Andrɛ, Filib, Tumas, Bartelemi, Mata, Halfa waawal Yakuba, Simɔŋ Hɛbtwaa Gabs bɔ, hi Yakuba waawal Yahuda.

TƆMSYAADƐ WOOSƐ 20:32

Yɛrɛ ɓɔryɔ be gin ɔɔk a Bɛt naan du, an Bɛtdɔglɔ gɛmsilya bɔ gi ɗaasinɛ. Bɛt gin tɛŋk an gi tɔɔsinɛ, gi gaan rɔbsɔ an rɔɔs yɔ gbaas dood wɔ hi gi ɔnɛ sɛw.

TƆMSYAADƐ WOOSƐ 27:23

Lel yɛms du Bɛt yɔ heribe an dooɔ, Bɛt yɔ be gi doo ɔ̧nɛ, bé wɛɛ bé gisig wooswooko yaaz walsɛrɔ zaa èr be dɔŋdi, raabe

ROMA 1:1

Mii Pol , Yeesu Kristu woosɔya, mi bi̧i̧sig Yeesu fɔkya wɔ a Roma hii ɗɛɛrwol yɛrɛ. Bɛt elim an mi wɛɛ tɔmsɔya, herim an mi dɔgs dood Dɔglɔ Rɔb bɔ.

ROMA 1:6

Nɛɛ hɛw, Bɛt elin an nɛ wɛɛ Yeesu Kristu doodɔ.

ROMA 16:18

Dood wɔrɔ lab hi taas Waar wɛ Kristu wooko, hi mɔkig buu ya̧a̧n kpɔd, hi maatig dood ɗaktil wɔ hi ya̧a̧hɛmnti, hi gihi sɔɔtugo an kpoosya̧ gi zɛmrɔ.

ROMA 6:22

Yɛrɛ ɓɔryɔ, yɔ nɛ tuu a hinha̧a̧l du a aakil du nɛ wɛɛs Bɛt gbaarɛ ɔ̧ɔ̧, woos nɛ rɔb bɔ gin gaak gaatigi a Bɛt muutdu, wɛɛ yɔ̧ɔ̧sumɔ be gɛ za̧a̧tig faa.

ROMA 8:30

Wɛɛ dood wɔ Bɛt gbaahi nɛ biitir anbɔ be, wɛɛ el hii hɛw. Wɛɛ dood wɔ elihi be, ta̧a̧hi an dood riitɛ a gi muutdu, gaahi gbɔlumsɔ bɔ ya̧nɛ.

ROMA 9:24

Yɔ anbɔ wɛɛ dood wɔ Bɛt elɛ, ēlɛ a Yahuduya wɔ hi teesdu kpɔd gɛ, elɛ a dood dɔɔmɛ wɔ hi teesdu hɛw,

1 KƆRƐŊGTU 1:2

Wi bi̧i̧sig nɛɛ Bɛtfɔkya wɔ nɛ gi a Kɔrɛŋgtu. Anyɔ nɛ ɔks hi Yeesu Kristu nɛ wɛɛ Bɛt dood ɔnɛ, wɛɛ Bɛt elinɛ an nɛ wɛɛ doodɔ gaatɛ ɔksi hi dood zaadɛ wɔ hi elik Waar wɛ Yeesu Kristu nuŋgɔ a lɛl zaadɛ du sɛw. Gi Waar ya̧nɛ hi Waar wɛnɛ be.

1 KƆRƐŊGTU 6:11

Amntɔnɔ, dood zaadɛ a nɛ teesdu hi ginɛ anbɔ. Yɛrɛ Bɛt da dokt kpoos nɛ, wɛɛ da wɛɛnin doodɔ gaatɛ hi dood rɔbɛ a gi muutdu, a Waar wɛ Yeesu Kristu nuŋg du hi Bɛt wɛ Mɔkil tɛŋk du.

EFESU 5:26

an gi gaasihi hi Bɛtmɛmɛ hi Bɛtɗɔglɔ, gi wɛɛnihi Bɛt doodɔ gaatɛ.

1 TESALONIKI 2:12

wi waa wi gisinnɛ muul ɓaasig gbunu gbunu, wi gi kpoos nɛ rɔɔko, wi gisin raak hi tɛŋko an nɛ woohin an ɛmbil nɛ gi riis Bɛt yɔ ginɛ elik an nɛ gul a gi waat du hi a gi gbɔlums du.

1 TESALONIKI 5:23

An Bɛt hi zulɔ gi gaak boolumi gi wɛɛnin dood gaatɛ gi da̧a̧, gi oo mɔkil nɛ, kol nɛ, hi muul nɛ, nɛ gi dood gaatɛ a ɔ̧tyɔ Waar wɛ Yeesu Kristu gɔ gi zaa gedu.

2 TIMƆTE 1:9

Gii za̧a̧sɛ, gii wɛɛ gi elɛ an wɛ wɛɛ doodɔ waabil gaatyaadɛ. Bɔ lab taa a woos wɛ rɔbɛ wɔ hi dɔŋgo, gi a ha̧a̧tigɔ hi gɛmsilɔ dɔŋgo. Gaawɛ gɛmsilɔ a Yeesu Kristu naan du yɔ waal yɛɛlid nɛ ket gɛ.

2 TIMƆTE 4:18

Waar Yeesu gi oomi a hinha̧a̧l du sɛw gi wɛɛ gi za̧a̧simi gi tuurinmi a gi wáát du a bɛtha. Gbɔlumsɔ gi a ge wɛlɛ hi wɛlɛ! Aanbɔ!

IBRANIŊKO 3:1

Yɔ anbɔ, yɛ̧ɛ̧dɛ wɛ, Bɛt elin lɛlgbun an nɛ rek nɛ tuur ^ bɛtha hi wiya, seen Yeesu , Za̧a̧nyɔ wɛ book dɔglɔ a gi tɔmsya yɔ Bɛt yaazig hi Bɛtmaakwookya gbɔɔl mɔɔt yɔ wɛ gig ɗɔbsig giya.

YAKUBA 1:1

Mii Yakuba, Bɛto hi Waar Yeesu Kristu woosyaya̧. Mii gi bi̧i̧sig Israhila dɔ̧ɔ̧t koobl daa eer wɔ hi hɛks a waal du sɛw ɗɛɛrwol yɛrɛ. Seko!

1 PIYƐR 1:2

Baa Bɛt yɔ mɛɛhin sɛw gi dorɔ, herin hi Mɔkilɔ yɔ wɛɛnin dood ɔnɛ an nɛ kɛms Yeesu Kristu tɔnɛ, gii be gi wɛɛ gi gaas kpoos nɛ hi ga̧a̧mɔ. An Bɛt gɛmsilɔ hi boolumi hi gisin tɔɔko tɔɔko.

1 PIYƐR 1:5

Anyɔ nɛ ɗɔbsig Bɛto, Bɛt gin ook hi tɛŋkɔ a za̧a̧tig nɛ yɔ gɛms gi da̧a̧ an gi zuunig a ɔ̧t yɔ̧ɔ̧sum bɔ gedu gi dɔŋgo.

1 PIYƐR 2:9

Yɛrɛ nɛya, nɛ gi dɔ̧ɔ̧t yɔ Bɛt herig giya, nɛ gi. Waar bɔ Bɛt maakwookyaadɛ ɔ̧ɔ̧, nɛ gi dood gaatɛ, nɛ gi Bɛt dood ɔ̧ɔ̧nɛ an nɛ dɔg woosɔ gbɔlɛ wɔ. Gii elzinɛ gi tudzin a lɛlwil du, wɛɛ gbaan a lɛlgaalɔ gɛrsya bɔ gedu.

1 PIYƐR 5:10

Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.

2 PIYƐR 1:1

Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.

YAHUDA 1:21

waan a Bɛt hat du nɛ oonik ɔ̧tyɔ Waar wɛ Yeesu Kristu gɔ gi mɛɛsɛ ya̧a̧rɛ gi gaawɛ za̧a̧tig faa gedu.

YAHUDA 1:3

Sa̧a̧m mi rɔbɛ wɛ, anyɔ ha̧a̧m nɛ gbɔɔltɔnɔ an mi bi̧i̧sin ɗɛɛrwol mi boosin za̧a̧tig yɔ wɛ gin lɛlgbun dɔglɔ, mi sèè bɛr an mi bi̧i̧sin hinza dɔ̧ɔ̧mi mi ɓaasin muulɛ an nɛ wa̧a̧ ɗɔbsig yɔ Bɛt gaa doodɔ naan du dɔɔ gbun gaati hi tɛŋko a hin ɓaatil yɔ gi gedu.