LUKA 7:6 - Nouveau Testament Doyayo

⁶ Yeesu retin hi hiya, yɔ sɛ̧ɛ̧b tuurik a raa bɔ ge, laaya gbɔɔl bɔ yaa sa̧a̧mɔ zaadɛ hi raage: a hi yaaziwi an wi dɔksumɔ: a bé tuur doo rɔb an mɔ zaa mɔ gul a be raa du gɛ, Waar i, bɔmɔ mɔɔ gbɔɔltɔnɔ.

LUKA 7:6 ပူးပေါင်းရင်းမြစ်များ

MATA 20:28

Yɔ anbɔ, Za̧a̧n Waa bɔ zāā an dood hi woosigwoos gɛ, gii ɔnɛ zaa an gi woohinɛ gi wɛɛ gi gaa kolɔ gi wɔr an i̧i̧nisɛ an gi za̧a̧s dood kit a hinha̧a̧l du be.

MATA 3:11

Bee be gin hotingo Bɛtmɛm hi mɛm tɔs an nɛ zuun a nɛ zɛmr kpoos nɛ, nɛ ɔɔ woos nɛ ha̧a̧l wɔ. Yɛrɛ za̧a̧nyɔ gi zaak be kuudu daaribdaarɔ hi tɛŋko, bee be tuur doo rɔb an be pid taalɔ gɛ. Gii gi hotinnɛ Bɛtmɛm hi Bɛt Mɔkilɔ hi laa.

MARKUS 5:24

Yeesu retin hi giya. Saalzanɔ gbɔɔl fɔge hi gig ɓɔ̧ɔ̧k tees du be.

LUKA 5:8

Yɔ Simɔŋ Piyɛr gbɛn anbɔ zagl a Yeesu dɔŋdi, raage: a Waar i, hɛmlum be dɔŋdi, be gi wal hinha̧a̧lyayɔ.

LUKA 7:4

Wɔrɔ hi tuur gɔ a Yeesu dɔŋdi hi zɔ̧ge hi ya̧a̧hɛmnti hi raa: a za̧a̧n bɔrɔ gi doo rɔbo, rii an mɔ re mɔ woosig hinyɔ zɔ̧bɔ;

LUKA 7:5

ha̧a̧ge dood Israhilaya wɔ, wɛɛ wɔmsiw mɔksilluk wi be.

LUKA 7:7

Ya̧a̧nɛ, bé sēē a be ɗɛɛ an be rek a mɔɔge hi zul be gɛ. Yɛrɛ dɔgum hin gbun kpɔd an gbaarwal be bɔ gi za̧a̧.

LUKA 8:49

Anyɔ Yeesu gi ya̧a̧book te, doo za fu̧u̧z a mɔksilluk gbɔɔlya bɔ gi lɛlɛ, zaa dɔksig wɔrk ramsɛ: a waa mɔ siŋg bɔ wɔɔrɔ, bɔmɔ mɔɔs Hingokya bɔ.

TƆMSYAADƐ WOOSƐ 10:38

Nɛ mɛɛ Yeesu Nazarɛdya bɔ dɔglɔ yɔ Bɛt yaaz Mɔkilɔ gi zulha gi gaag tɛŋko. Yeesu ɛmb waal du sɛw woo hinrɔbo, za̧a̧s dood wɔ hi gi a loorɛha̧a̧l tɛŋk du sɛw anyɔ Bɛt gi hi giya.

YAKUBA 4:10

Tiisin zul nɛ a Waar Bɛt dɔŋdi gi pɛɛnɛ.

YAKUBA 4:6

Yɔ anbɔ, Bɛt wɛɛ giwɛ gaak gɛmsil gi daariklɛlɛ. Ya̧a̧nɛ hi bi̧i̧: a Bɛt gi inik zultɔɔsigya wɔ, wɛɛ gi zultiisigya wɔ gɛmsil gaako.