LUKA 4:7 - Nouveau Testament Doyayo

⁷ Yɔ anbɔ gid mɔ zagl di mɔ ɗɔbsibe, hɛbt bɔ sɛw gigi mɔɔnɛ.

LUKA 4:7 ပူးပေါင်းရင်းမြစ်များ

MATA 2:11

Hi gul luk bɔ gedu hi zɛm waayɛ̧s bɔ hi nɔɔtɔ Mariyama, hi zagl di hi ɗɔbsige; hi wɛɛ hi kpɛ̧ɛ̧r wɔdya̧ hi ha̧s hɛɛlmɔto hi tɛ̧ɛ̧mɛk okt ki̧i̧lhɛmntya, hi tɛ̧ɛ̧mɔt za ki̧i̧lhɛmntya nuŋgɔ a ɗaasɛ-rɛyɔ, hi gaa waayɛ̧s bɔ.

LUKA 17:16

Zaa zagl a Yeesu dɔŋdi baanige. Walɔ gi doo Samariyayayɔ.

LUKA 4:6

wɛɛ raage: a be gaam hɛbt bɔ sɛw waar umsɔ hi gbɔlumsɔ; hi gaa nɛ bee gaa be, be gaak za̧a̧nyɔ ha̧a̧b sɛw.

LUKA 4:8

Yeesu ta̧a̧ge: a Bɛt dɔgl raa: a mɔ ɗɔbs Waar mɔ Bɛt gii gi gbunu, mɔ wɛɛ mɔ woos gii hin kpɔd.

LUKA 8:28

Yɔ gbɛn Yeesu , zaa zagl gi dɔŋdi ɓooya̧a̧ ha̧a̧ltɔnɔ dɔg hi tɛŋko: a dɔgl be nɔ du hi mɔɔya, Yeesu , Bɛt Yɔ Gi Gbɔɔl Gi Daarlɛl waa? Be zɔ̧mɔ, bɔmɔ ha̧a̧nib ya̧a̧rɛ!

HINWƆ HI MITS YOHANA 22:8

Mii Yohana, mi lagɔ mi gbɛn hin wɔrɔ. Wɛɛ yɔ mi da̧a̧s lakɔ hi gbɛnkɔ, mi zagl a Bɛtwalsɛr bɔ zunsim hin wɔrɔ gi dɔɔ dɔŋdi an mi ɗɔbsige.

HINWƆ HI MITS YOHANA 4:10

ɗɛntɛ yɔ̧ɔ̧lgbun daa nas wɔ hi zagl a za̧a̧n bɔ ɗɔɔt a waar ums ɗɔɔtillɛl bɔ geha gi muutdu hi ɗɔbsig za̧a̧nyɔ gi waak faa. Hi hod waar umsya̧ kal wɔ hi gbaa a waar ums ɗɔɔtillɛl bɔ dɔŋgɔdi hi raako:

HINWƆ HI MITS YOHANA 5:8

Yɔ Tamwaa bɔ loo ɗɛɛrwol bɔ, hinza̧a̧til wɔ nasɔ hi ɗɛntɛ yɔ̧ɔ̧lgbun daatɔ nas wɔ hi zagl gi muutdu, bɔbe gi wa̧a̧k ɗɛŋɗɛŋ gi naan du, hi dak za yɔ hi wɔmn hɛɛlmɔto tɛ̧ɛ̧mɛk okt ki̧i̧lhɛmntyayɔ hi̧i̧s gedu. Tɛ̧ɛ̧mɛk okt bɔ gi Bɛt doodɔ gaatɛ zɔ̧ktya̧.