IBRANIŊKO 8:5 - Nouveau Testament Doyayo

⁵ Bɛtluk bɔ doodya̧ hi wookwoos gedu gi lɛlgaat bɔ bɛtha fɔtɔ ɔ̧ɔ̧ hi zeksɔ anyɔ Bɛt raas Muusa yɔ yɛɛl luk gbandilya bɔ gɔko: Bɛt raage: a dagum mɔkil mɔ rɔbtɔnɔ an mɔ woo lukgbandilya bɔ hinɔ wɔ sɛw anyɔ be da be zunsum a ga̧a̧tha.

IBRANIŊKO 8:5 ပူးပေါင်းရင်းမြစ်များ

MATA 2:12

Kuudu yɔ Bɛt wɛɛ gi raahi yorum du a bɔhi wɛɛ a Hirudus ge, wɔrɔ hi wɛɛ hi tɛ gbɔnɔ za dɔɔmi hi wɛɛ hi lɛlɛ.

TƆMSYAADƐ WOOSƐ 7:44

Yɔ baa wɛ hi gi nɛ a hɛtdɔŋ du hi gin ya̧a̧wɔk bɔ lukgbandilɔ an hi dagtin gedu hi Bɛto hi booya̧a̧, hi gbaa bethɛɛk wɔ hi bi̧i̧ Bɛt maakɔ ha gedu; Bɛt gii raa Muusa a gi gɔ luk gbanya gi riitin anyɔ gbɛnɔ a ga̧a̧t ha.

KOLOSIYA 2:17

Hin amntɛ wɔrɔ sɛw hi gi an hinwɔ gɔ hi tuur sɛw zeks ya̧a̧nɛ. Zeksya̧ hi taa hinrɔbo, hi zuunik hinyɔ gɔ gi midza gii kpɔd. Za̧a̧n rɔb bɔ hi gbɛn zeksɔ, gɛ Kristu.

IBRANIŊKO 10:1

Yahuduya wɔ maakya̧ hi taan hinrɔbɛ wɔ gɔ hi zaa kuudu riitinsya̧ rɔbo, hi kɔm an fɔtɔyɔ. Yɔ anbɔ, ɗɛ̄ɛ̄ an hi gaas dood wɔ ha̧a̧hi sɛ̧ɛ̧bik hi Bɛto hi maaknamb ga̧a̧m wɔ hi waa hi gi gbɛɛrik wɛl nuŋg gɛ.

IBRANIŊKO 11:7

Hi ɗɔbsig bɔ giya Nɔwe gi kɛm tɔnɛ yɔ Bɛt raasig hin wɔ gbɛndir nɛ ket gɛ daakya̧ dɔglɛ, doot lɛmb an gi za̧a̧sin zulɔ hi raatɔ. Yɔ woo anbɔ matin waal dɔglɛ, wɛɛ dag gbɔnɔ an gi riis Bɛt hi ɗɔbsig bɔ.

IBRANIŊKO 12:25

Oon zul nɛ an bɔnɛ in za̧a̧nyɔ gi ya̧a̧book dɔglɔ lako; ya̧a̧nɛ gid dood wɔrɔ hi in za̧a̧nyɔ gisihi Bɛt dɔgl book a waal du hi zɔ̄r dɔgl-gbaak an hi za̧a̧ gɛ, wɛɛ hɛw gi an wɛ za̧a̧ ri? Wɛɛ yɔ wɛ inik za̧a̧nyɔ giwɛ ya̧a̧boonik a bɛtha?

IBRANIŊKO 13:10

Wɛ gin Bɛtmaaksɛŋk za, ɗɛ̄ɛ̄ an wɔ hi gi wook maak a Yahuda lukgbandilya du hí lē hinza a hage gɛ.

IBRANIŊKO 9:9

Lukgbandilya doos bɔ gisɛ ya̧a̧daanikyɔ gi zuunik a ɔ̧t yɛrɛ gi zulɛ. A ɔ̧tigi zulɛ hi gaak Bɛt gaasɛ, hi wɛɛ hi gbɛɛrik nambo, hi gɔnsig Bɛt maakɔ a gedu a hinha̧a̧l dɔŋgo, wɛɛ hin wɔrɔ sɛw hi ɗɛ̄ɛ̄ an hi gaas doo yɔ gi baanik Bɛto kpoosɔ gi er gɛ.

HINWƆ HI MITS YOHANA 15:5

Kuudu anbɔ mi wɛɛ mi gbɛn Bɛtluk gbandilya bɔ Bɛt gɔ dagtin gedu hi doodɛ, gboor gi aasil a bɛtha.