IBRANIŊKO 7:18 - Nouveau Testament Doyayo

¹⁸ Yɔ anbɔ hi bis dɔgl amnt bɔ anyɔ da taan tɛŋko, wɛɛ gi hintɔsyɔ.

IBRANIŊKO 7:18 ပူးပေါင်းရင်းမြစ်များ

TƆMSYAADƐ WOOSƐ 13:39

Wɛɛn nɛ mɛɛ be a Yeesu bits za̧a̧nyɔ ɗɔbsig sɛw hinyɔ Muusa maakɔ ɗɛ̄ɛ̄ an gi bitsig gɛ sɛw.

ROMA 3:31

Anyɔ wɛ Yeesu ɗɔbsugo, wɛ gi ha̧tirgo maakdɔgl ha̧tir ya? Taa anbɔ, wɛ gig ta̧a̧kta̧ ro!

ROMA 8:3

Bɛt hi zulɔ woo hinyɔ Muusa maakdɔgl ɗɛ̄ɛ̄ wook gɛ anyɔ doo hɛbtdi taan tɛŋko. Bɛt yaaz waaɔ mɔɔt bɔ a waal du. Yɔ waaɔ zaa, muulɔ riitin an doo hinha̧a̧lya hɛbtdi, an gi ha̧s hinha̧a̧lɛ. Wɛɛ Bɛt mat hinha̧a̧l hi dɔgl-gbaakɔ bɔ a waaɔ bɔ Yeesu muul du yɔ wɔrɔ.

GALATIYA 3:15

Yɛ̧ɛ̧dɛ mi wɛ, yɛrɛ ha̧a̧m an mi wadsin hinyɔ mi raasin nɛ bɛttɔnɔ, mi wadsin hi hinyɔ wɛ gbɛn ɔ̧t nuŋgo. Hinyɔ riitin an dood gɔ hi wooko an hi wɔb ya̧a̧ya̧ a hinza ha. Nɛ gɔ hi tɔb seto an hi wɔb ya̧a̧ ma mi? Settɔk bɔ gɔ da̧a̧ anbɔ doo za ɗɛ̄ɛ̄ an gi wɛɛn ya̧a̧ kuudu, zaabe gi gòks hinza ha ma gɛ.

GALATIYA 3:17

Hinyɔ ha̧a̧m raak gɛrɛ: Bɛt da wɔb ya̧a̧ɔ hi Abraham, hi ɔks ya̧a̧ya̧. Kuudu wɛl tɛmɛrɛ nasɔ hi dumbili taarɛ, Bɛt wɛɛ gaa maakɔdɔglɛ. Maakdɔgl bɔ wɛɛn kɔlk bɔ Bɛt da wɔb nɛ hi Abraham hintɔsi, wɛɛ ya̧ns Bɛt hinyɔ da raa nɛ a bé gaa ya? Lab gɛ!

GALATIYA 3:21

Yɛrɛ Bɛtmaakdɔglɔ zɛmr rɔbs bɔ Bɛt raa a bé gaa dood dɔ̧ɔ̧t sɛw zɛmr ya? Lab nɛ gɛ zaŋ! À Bɛt gaa nɛ maakɔdɔgl za yɔ ɗɛɛ an gi gaa dood za̧a̧tigi, doo yɔ ɗɛɛ nɛ an gi fɔb maakdɔgl bɔ, wɛɛ Bɛt yɔ sɔ̧ɔ̧g nɛ an doo riityɔ.

GALATIYA 4:21

Nɛɛ zɛnɛ wɛ ha̧a̧n Muusa maakdɔglɔ fɔko, raasinmi: nɛ lāg hinyɔ Muusa dɔgl bɔ raa gɛ ya?

GALATIYA 4:9

Yɛrɛ nɛ mɛɛ Bɛt be, - gi an mi raa a Bɛt mɛɛnmɛ be, yɛrɛ nɛ wɛɛ nɛ zɛmrik zul nɛ ri an nɛ fɔb waalmɔkil hɔntil wɔ nɔ? Ha̧a̧nɛ an nɛ wɛɛs mɔkil ya̧a̧rya wɔrɔ gbaarɛ ri nɔ?

1 TIMƆTE 4:8

Muuldaŋnik gɔ gi ɗaak kaasi, Bɛtfɔk hi gbɔnɔ be, gɔ gi ɗaak hin sɛw; yɔ anbɔ, gisɛ hin rɔbɛ wɔ Bɛt raa a be gaawɛ kamzig a za̧a̧tig yɔ gi ɓɔri gedu hi a za̧a̧tig yɔ gi zaak kuudu gedu sɛw.

IBRANIŊKO 13:9

Bɔnɛ ɔɔ hi maatin hi hingokza rɔ̀bɛ sɔmsɔm wɔ an hi hɛɛsin gbɔnɔ; ya̧a̧nɛ bɛr an kpoos wɛ gi dag tɛŋk a Bɛt gɛmsil du, taa a leesdɔgl yɔ gɔ ɗāā hinza gɛ duge.

IBRANIŊKO 7:19

Muusa maakdɔglɔ bɔ dā̧ā̧s hinza gɛ - yɛrɛ wɛ dag mɔkilgbaak rɔb yɔ tɔɔ gi daarlɛlɛ, wɛ dagn gii gbɔnɔ sɔɔk a Bɛt dɔŋdi.