IBRANIŊKO 6:1 - Nouveau Testament Doyayo

¹ Yɔ anbɔ, yɛwɛ re doosɛ a hingok gbɔlɛ wɔ gedu. Bɔwɛ fɔ ɗɔɔtugɔ a hingok wɔ hi yɛɛl a Kristu ɗɔbsugɔ bɔ gedu. Bɔwɛ wɛɛ wɛ yɛɛl ɗɔbsig bɔ sɛŋkɔ zɛɛki, an woos tɔs wɔ ɔɔkɔ dɔglɔ, hi Bɛt ɗɔbsig dɔglɔ,

IBRANIŊKO 6:1 ပူးပေါင်းရင်းမြစ်များ

MATA 21:29

Wala bɔ ta̧a̧ a ha̧a̧be gɛ. Kuudu wɛɛ mɔkɔ ɗund rek a bak bɔ gedu, da balɔ.

MATA 21:32

Yɔ anbɔ, Yohana zaa nɛɛge an gi goksin gbɔnɔ yɔ rii, wɛɛ nɛ ta̧a̧g ɗɔbsig gɛ. Yɛrɛ tooszekya wɔ hi nɛɛd kaatɛ wɔ ya̧nɛ hi ta̧a̧gta̧a̧. Anyɔ nɛ gbɛn anbɔ hɛw, nɛ zɛmr kpoos nɛ kuudu an nɛ ɗɔbsig hɛw gɛ.

MATA 3:2

a Bɛt wáátɔ sɛ̧ɛ̧bɔ, zɛmrin kpoos nɛ!

MATA 4:17

Bɛɛ anbɔ Yeesu yɛɛl Bɛt dɔglɔ dɔkyɔ, raa a zɛmrin kpoos nɛ, Bɛt wáátɔ sɛ̧ɛ̧bɔ.

MATA 5:48

Wɛɛn dood rɔbɛ tib an Baa nɛ Bɛt yɔ gi a bɛtha gi doo rɔb tib be.

MATA 7:25

Bɛl naŋgɔ, mɛm tuu zɛɛ du, zɛk ha̧a̧l fɛb a luk bɔ muulɔ ge hi tɛŋko, anyɔ hi wɔŋg a hɛɛlkpar ha be, ɛ̧b gɛ.

MARKUS 1:1

Hɛdi dɔgl yɔ gi book Yeesu Kristu Bɛt waaɔ Dɔgl Rɔbɔ gii yɛɛlɔ.

MARKUS 6:12

Walɛsɛrɛ wɔ hi res dood wɔ Bɛt dɔgl bɔ dɔk gɔ an hi zɛmr kpoosya̧.

LUKA 6:48

Riitin hi za̧a̧nyɔ gi wɔŋk luko, gi zɛɛ sɛŋkɔ bɔ zɛŋkɔ dubtɔnɔ, wɛɛ sɛŋg sɛŋkɔ bɔ hi bet a hɛɛl ha. Mɛm gɔ hi̧i̧s a zɛɛ du, tuu rek luk bɔ muulɔge, mɛm bɔ tɛŋkɔ ɗɛɛ luk bɔ namsig gɛ, anyɔ luk bɔ wɔ̧y bɛttɔnɔ.

YOHANA 12:44

Yeesu wɛɛ ɓooya̧a̧ dɔgɔ a za̧a̧nyɔ ɗɔbsibe ɗɔbs bee gɛ, ɗɔbs Za̧a̧nyɔ yaazib giya.

YOHANA 14:1

Bɔ kol nɛ gi namɔ, ɗɔbsin Bɛto, ɗɔbsin bee be.

YOHANA 5:24

Be raasin rɔbo: za̧a̧nyɔ gi kɛŋk dɔgl be gi wɛɛ gi ɗɔbsig Za̧a̧nyɔ yaazib sɛw, gin za̧a̧tig faa, wɛɛ hi taasig dɔgl gbaako. Taz wɔrko, tuur a za̧a̧tig faa du.

TƆMSYAADƐ WOOSƐ 11:18

Yɔ hi lag dɔgl bɔrɔ anbɔ hi kɔm tɛrɛrɛ hi baan Bɛt hi raa a Kak! Hinɔ gi rɔb ma a Bɛt gaa dood wɔ hi taa Yahuduya gɛ gbɔnɔ an hi zɛmr kpoosya̧ hi wɛɛ hi dag za̧a̧tig ma be mi!

TƆMSYAADƐ WOOSƐ 17:30

Bɛt taa ɓɛrk hinha̧a̧l wɔ doo hi woo nɛ a ɔ̧t wɔrɔ gedu zaa ma. Yɛrɛ ɓɔryɔ gi elik doo a lɛl sɛw, gihi raak a hi zɛmr kpoosya̧.

TƆMSYAADƐ WOOSƐ 2:38

Piyɛr wɛɛ goohi: a zɛmrin kpoos nɛ, bɔbe gi loo Bɛtmɛmɛ a Yeesu Kristu nuŋg du an Bɛt gi bitsin hinha̧a̧l nɛ. Gɔ gi anbɔ ma Bɛt gi gaan Mɔkilɔ bɔ an gaas ɔnɛ.

TƆMSYAADƐ WOOSƐ 20:21

Be boos Yahuduya wɔ hi Yonaniŋkoya wɔ sɛw dɔgl hi tɛŋko, an hi zɛmr kpoosya̧ hi wɛɛ hi ɗɔbs Waar wɛ Yeesu.

TƆMSYAADƐ WOOSƐ 26:20

Be dɔgsihi Bɛt dɔglɛ, be yɛɛl a Dimaska, be renɔ be tuurin a Urusalima hi a Yahuduya hɛbt du sɛw, be wɛɛ be tuurin a dood dɔɔmɛ wɔ hi tees du. Be dɔgsihi an hi zɛmr kpoosya̧ hi wɛɛ hi zaa a ge hi zuun woos yɔ gɔ hi mɛɛn naandɛmsya̧ be.

TƆMSYAADƐ WOOSƐ 3:19

Yɔ anbɔ, dɛnnaanɛ, zɛmr kpoos nɛ an Waar Bɛt gi pugd hinha̧a̧l nɛ sɛw,

1 KƆRƐŊGTU 13:10

Yɛrɛ hinyɔ gaa gi daarlɛl gɔ gi zaa, hinyɔ gi hi welɛ gi wagɔ.

1 KƆRƐŊGTU 2:6

Yɛrɛya, mi dɔgsig dood ɗɔbsigya wɔ hi rii an hi lag hinmɛɛk dubt bɔ, mi taa dɔk hi hinmɛɛk dubt yɔ fu̧u̧ a wɛl yɛrɛ gedu, zaabe yɔ fu̧u̧ a waar ɛ gbɔlɛ wɔ a wɛl yɛrɛ gedu wɔ tɛŋkya̧ gɔ gi wag hi.

2 KƆRƐŊGTU 7:1

Saammi rɔbɛ wɛ, nɛ anyɔ wɛ dag hin wɛrɛ Bɛt raa a bé woosɛ sɛwi, yɔ anbɔ, yɛwɛ gaas zul wɛ wɛ ha̧s hinyɔ gi ɓi̧i̧lik muul wɛ hi mɔkil wɛ sɛw; an hoob yɔ giwɛ ha̧a̧k Bɛto, yɛwɛ gaas zul wɛ gi da̧a̧.

2 KƆRƐŊGTU 7:10

Yɔ labɔ, kpoosɗɔk anyɔ ha̧a̧ Bɛt gi tuusig kpoos zɛmrik yɔ gi kaŋk a za̧a̧tig du, wɛɛ taa an hi mɔkhin hage; wɛɛ kpoosɗɔk a waal du be, gi tuusig wɔrko.

EFESU 2:1

Amntɔnɔ nɛɛ nɛ da nɛ gi an wɔrkɛ a Bɛt muutdu a a̧a̧b nɛ hi hinha̧a̧l nɛ wɔ nɛ da nɛ wook hi dɔŋgo.

EFESU 2:5

Wɛɛ be, wɛ wɔr a Bɛt muutdu a wɛ a̧a̧b dɔŋgo. Yɔ anbɔ si̧, Bɛt rɛmsɛ wɛɛ za̧a̧sɛ hi Kristu elo. Za̧a̧sin anbɔ a gɛmsilɔ bɔ gi dɔŋgo.

EFESU 4:12

Woo anbɔ an gi gɛms dood wɔ hi gi Bɛt ɔ̧nɛ hi woosigwoosɔ, hi tɔɔs Kristu muulɔ a ɗɔbsig du,

KOLOSIYA 1:28

Ya̧a̧nɛ wi book Kristu dɔglɔ. Wi raasig dood an hi oo zulya̧ gbunu gbunu, wi wɛɛ wi gisihi hingok gbunu gbunu hi hinmɛɛk gbɔɔltɔnɔ. Anbɔ, gɔ wi gbaahi a Bɛt muutdu, bɔbe gi ram gi da̧a̧ a waabilɔ ɔksig gbun bɔ hi Kristu gedu.

KOLOSIYA 3:14

Wɛɛn nɛ heg Bɛt hatɔ an hi̧i̧l seedu a hin wɛrɛ sɛw hage. Bɛt hatɔ gii gi baks hinyɔ gi sɛw rɔbtɔnɔ gi da̧a̧.

KOLOSIYA 4:12

Epafaras raa a mi boon du. Nɛ mɛɛ a gi doo nɛnɛ hɛw, wɛɛ gi Yeesu Kristu woosɔyayɔ. Gɔ gisin Bɛt zɔ̧k hi tɛŋko, zɛnin gɛ zaŋ, an Bɛt gi ɗaasinɛ nɛ ram gi da̧a̧ a gi dɔgl du an nɛ er bɛttɔnɔ a Bɛt gbɔnɔ du, nɛ wɛɛ nɛ mɛɛ hinyɔ Bɛt ha̧a̧g sɛw rɔbtɔnɔ hi kpoos nɛ sɛw.

1 TIMƆTE 3:16

Bɛtfɔk wɛ bɔ gbɔnɔɔ dɔglɔ dub tɔɔtɔ; wɛ ta̧a̧ anbɔ, raakɔ gɛ: a Yeesu mid hi muulɔ an doo, Bɛt Mɔkilɔ raa dɔglɔ a gi doo riityɔ. Mits Bɛt walɛsɛrɛ. Dood hi dɔg dɔglɔ a dɔ̧ɔ̧t dɔɔmɛ tees du. Dood hi ɗɔbsige a waal du. Bɛt wɛɛ dɔɔnig a gbɔlums lɛl du a bɛtha.

1 TIMƆTE 6:19

Hi gi wook anbɔ, hi mɔktsig zulya̧ rɔɔs rɔb yɔ gɔ hā̧tir gɛ a ɔ̧tyɔ gɔ gi zaa gedu an hi dag za̧a̧tig rɔb bɛttɔnɔ.

2 TIMƆTE 2:19

Yɛrɛ Bɛt gbaa dɔgl bɔ sɛŋkɔ wa̧a̧y bɛttɔnɔ. Hinɔ hi bi̧i̧ a sɛŋk bɔ hage gɛrɛ: a Waar Bɛt mɛɛ dood wɔ hi gi ɔnɛ, wɛɛ an za̧a̧nyɔ gi elk Waar Yeesu nuŋgɔ a Waar i gi ɔɔ hinbɔbtin wɔ wookɔ.

IBRANIŊKO 11:6

Yɔ anbɔ ɗɔbsig gi taa gɛ, mɔ́ ɗɛ̄ɛ̄ an mɔ hasig kpoos nɛ gɛ zaŋ, ya̧a̧nɛ gi an za̧a̧nyɔ gi sɔɔk a Bɛt dɔŋdi gi ɗɔbs Bɛto a Bɛt gi gaak dood wɔ hi gig tɛk dɔɔrɔɔsɛ.

IBRANIŊKO 12:13

Fɔn gbɔnɔ et wɔ hi dɔɔ nɛ wɔ, an bɔ dɔɔ gumtilya gi hɛɛ gbɔnɔ, dɔɔɔ gi ɓɛdɔ, ɔɔn gi za̧a̧ gi ɓaa.

IBRANIŊKO 7:11

Bɛt gaa Israhilaya wɔ maakdɔglɛ, es a Lewiya wɔ Bɛtmaakwoosya̧ wɔ hage. À woosya̧ bɔ ɗɛɛ nɛ an gi wɛɛn dood rɔbwookyaadɛ gi da̧a̧, yɔ taa nɛ an Bɛt gi her maakɔ-wookya za dɔɔm yɔ fu̧u̧ a Mɛlsisedɛk dɔ̧ɔ̧t du. Yɔ lòò nɛ doo za yɔ fu̧u̧ a Haruna dɔ̧ɔ̧t du giya. Yɛrɛ ɔnɛ, Bɛt her za̧a̧nɔ a Mɛlsisedɛk dɔ̧ɔ̧t du.

IBRANIŊKO 9:14

Nɛ Kristu yɔ gaa zulɔ hi Mɔkil faa a Bɛt muutdu gaattɔnɔ, ga̧a̧mɔ bɔ gi tɛŋkya gbɔɔltɔnɔ daarlɛlɛ, gi gaas mɔkil nɛ wɔ hi gi a woos wɔrkil du an nɛ woos Bɛt za̧a̧til bɔ woosɛ.

YAKUBA 1:4

Ɔɔn hinmɔŋk bɔ gi woowoosɔ rɔbtɔnɔ gi da̧a̧ an nɛ wɛɛ dood rɔbɛ tib, bɔnɛ lɔɔ hinza rɔb gbun mɔɔti.

1 PIYƐR 1:21

Nɛɛ be, nɛ ɗɔbsig Bɛt a Yeesu yɔ Bɛt ɗunsig a wɔrkɛ tees du gi wɛɛ gi gaag gbɔlums gi dɔŋgo. Yɔ anbɔ nɛ ɗɔbsig Bɛt giya nɛ wɛɛ nɛ gbaak mɔkil nɛ a hinyɔ gii gɔ gi woosin gedu.

1 PIYƐR 5:10

Yɛrɛ gɔ nɛ yɔ̧ya̧a̧r gi am kaasi, Bɛt hi zulɔ, gi gɛmsinɛ, gi esinɛ, gi gaan tɛŋko, an nɛ er bɛttɔnɔ an hɛɛlkpari a zɛɛ du. Bɛt yɔ gi waasig dood sɛw rɔbtig gɔk hi gbɔnɔ sɔmsɔm, elin an nɛ ɔks hi gii a gbɔlumsɔ yɔ gi faa gedu a Kristu naan du.

1 YOHANA 4:12

Doo za gbɛ̄ndir Bɛt gɛ, yɛrɛ gi giwɛ ha̧a̧tingo, Bɛt gi waak ɔksig gbun hi wɛya, wɛɛ waabil wɛ zuun a Bɛt ha̧a̧tig tɔɔ da̧a̧da̧ wɛ kpoos du.