IBRANIŊKO 4:12 - Nouveau Testament Doyayo

¹² Ya̧a̧nɛ Bɛt dɔglɔ gi an hin za̧a̧tili, tɛŋkya, ya̧a̧gbarɔ lɔm daar daŋbɛsim yɔ ya̧a̧gbarɔ lɔm lɛl eerɛ, gbɛɛ muulɛ gul gɛ̧ɛ̧ kolɛ hi mɔkili, gɛ̧ɛ̧ lɛlɗɔ̧ksil wɔ lɛŋk muulɛ, wɛɛ da tuur a wokt du, gi gɛ̧ɛ̧k kpoosɛ hi mɔkili.

IBRANIŊKO 4:12 ပူးပေါင်းရင်းမြစ်များ

LUKA 8:11

Hinyɔ ya̧a̧daanik yɛrɛ gi wadig gɛrɛ: a dɔ̧ɔ̧t bɔ hinɔ gi Bɛt dɔglɛ.

YOHANA 12:48

Za̧a̧nyɔ inibe gi wɛɛ gi tā̧ā̧ dɔgl be wɔ gɛ, za̧a̧nyɔ gɔ gi gbaasig dɔgl giro; dɔglyɔ be dɔg yɔ gii gi gbaas za̧a̧nɔ dɔgl a ɔ̧t yɔ̧ɔ̧simi.

YOHANA 6:51

Bee gi kok za̧a̧til yɔ siz a bɛtha, za̧a̧nɔ gi le kok yɛrɛ gi waa faa; kok yɛrɛ be gaako gi muul benɛ yɔ be gaak an waal gi za̧a̧ giya.

TƆMSYAADƐ WOOSƐ 2:37

Yɔ dood hi kɛm dɔgl bɔrɔ anbɔ kol tuuhitu. Hi war Piyɛr hi tɔmsya zaadɛ wɔ a saanɛ, wi woo nɔ?

TƆMSYAADƐ WOOSƐ 4:31

Yɔ hi da̧a̧s Bɛt bɔ zɔ̧kɔ, lɛl bɔ hi mɔks ge namɔ, Bɛt Mɔkilɔ hi̧i̧s hi kpoos du hi sɛw, hi wɛɛ hi dɔg Bɛt dɔglɔ hi kpoosya̧ ɓaasigi, hoobha̧a̧hi hinza gɛ.

TƆMSYAADƐ WOOSƐ 5:33

Yɔ dɔglyɛ̧ɛ̧kya wɔ hi lag anbɔ hin nɔɔsihi ha̧a̧ltɔnɔ, ha̧a̧hi an hi wa̧a̧hi hi gbɔ̧higbɔmɔ.

TƆMSYAADƐ WOOSƐ 7:38

Yɔ baa wɛ hi mɔ́ks a hɛtdɔŋ du, Muusa gii er hi tees du hi Bɛtwalsɛr bɔ gig ya̧a̧book a Sinay ga̧a̧t ha. Bɛtwalsɛr bɔ gaag dɔgl za̧a̧tigya an gi wɛɛ gi goksɛ.

ROMA 1:16

Yɔ anbɔ seemhā̧a̧m Dɔgl Rɔb bɔ gɛ, gi Bɛt tɛŋkɔyɔ gɔ za̧a̧sin za̧a̧nyɔ gig ɗɔbsig sɛw, yɛɛl a Yahuduya wɔ hi, tuur a dood wɔ hi taa Yahuduyaadɛ gɛ hi sɛw.

1 KƆRƐŊGTU 1:24

Yɛrɛ dood wɔ Bɛt elihi be, an hi gi Yahuduyaadɛ, zaabe dɔ̧ɔ̧t zaadɛ dɔɔmɛ, hi sɛw, Kristu wɛɛsihi Bɛt tɛŋkɔ hi hinmɛɛkɔ dubt giya.

2 KƆRƐŊGTU 2:17

Nɛ winɛ wi taa an dood hingokya a̧a̧bɛ kit wɔ hi woosig zulya̧ woos hi Bɛt dɔglɔ a rɔɔs dɔŋgo. Bɛt gii gaaw woos naan du wi wooko hi kpoos wi rɔbo, wi wɛɛ wi book hin a Bɛt muutdu anyɔ rii a ɔksig wi bɔ gedu hi Kristu.

2 KƆRƐŊGTU 4:2

Wi bis hin seemya wɔ gɔ hi wook a yaatil du bisɔ, wi taa ɛmbil wi ɛmbik hi kɛ̧ɛ̧tig ha̧a̧lɛ, wi taa Bɛt dɔglɔ wɛɛnik sɔm, wi dɔk rɔb yɔ gi Bɛtdɔgl du gaattɔnɔ a Bɛt muutdu an dood kpoos sɛw hi mɛɛ a wi dɔk hinyɔ rii lɛlɔge giya.

EFESU 5:13

Yɔ anbɔ lɛlgaal gi mid woos wɔrɔ, hi gihi gbɛnik rɔbtɔnɔ. Yɔ anbɔ, lɛlgaal gi gɔ gaas hin sɛw an hi gbɛnihi.

EFESU 5:26

an gi gaasihi hi Bɛtmɛmɛ hi Bɛtɗɔglɔ, gi wɛɛnihi Bɛt doodɔ gaatɛ.

EFESU 6:17

loon za̧a̧tig danɛ kubtin tusya bɔ hi Bɛt Mɔkilɔ daŋbɛsimɔ yɔ gi Bɛt dɔglɛ.

1 TESALONIKI 2:13

Wɛɛ ɓɛ, hinyɔ wi waak Bɛt baanik dɔŋgɔ ge gɛ: a yɔ nɛ ta̧a̧ Bɛt dɔgl yɔ wi dɔgsinɛ, nɛ kɛmɔ nɛ́ tā̧ā̧ an ɗoo za dɔgl gɛ, nɛ ta̧a̧ an Bɛt dɔglɛ, anyɔ gi hi rɔbo. Dɔglɔ wɛɛ gi wook nɛ kpoos du anyɔ nɛ ɗɔbsige.

1 TESALONIKI 5:23

An Bɛt hi zulɔ gi gaak boolumi gi wɛɛnin dood gaatɛ gi da̧a̧, gi oo mɔkil nɛ, kol nɛ, hi muul nɛ, nɛ gi dood gaatɛ a ɔ̧tyɔ Waar wɛ Yeesu Kristu gɔ gi zaa gedu.

IBRANIŊKO 13:7

Mɔkin nɛ mɛɛ dood wɔ hi gisin dork nɛ amnti hi Bɛtdɔgl yɔ hi dɔgsinɛ; seen waabilya̧ bɔ da̧a̧kɔda̧a̧, wɛɛn nɛ fɔb ɗɔbsigya̧ bɔ.

IBRANIŊKO 6:5

wɔ hi dag Bɛtdɔglɔ rɔb bɔ hɛmntigɔ hi tɛŋk wɔ bɛtha gɔ hi zaa,

YAKUBA 1:18

Dɔgsɛ rɔb dɔgl bɔ gii gi gaawɛ za̧a̧tigi anyɔ ha̧a̧ge hi zulɔ, an wɛɛ wɛ wɛɛsig hin rɔb yɔ daar hinwɔ kim sɛw.

1 PIYƐR 1:23

Nɛ mɔɔy seg hi dɔ̧ɔ̧t za yɔ gɔ ha̧tir gɛ, nɛ mɔɔy hi dɔ̧ɔ̧t yɔ gi kɔmbik faa: gɛ Bɛtdɔglɔ za̧a̧tigya bɔ gɔ waa faa giya.

HINWƆ HI MITS YOHANA 1:16

Gi wa̧a̧k sɛwaat nɔɔn-er gi naanrɔbo. Daŋbɛsim yɔ ya̧a̧gbarɔ lɔm lɛl eerɛ gi tuuzig gi ya̧a̧ du, muutɔ gaa an ɔ̧ti a kudɔɔl du.

HINWƆ HI MITS YOHANA 19:15

Daŋbɛsim lɔmnt tuuz a gi ya̧a̧ du an gi gbɔmn dood waaldu. Gi wɛɛ waar hi zulha gi kaŋkinihi sɔɔltusɛ. Gii gi ɓɔ̧ɔ̧ bumhob a Bɛt Tɛŋkya-Sɛw nɔɔtigɔ a gabs wɔd hinɓɔ̧ɔ̧nikya bɔ gedu.

HINWƆ HI MITS YOHANA 19:21

Wɛɛ za̧a̧n bɔ kar dɔy ha gbɔm dood zaadɛ wɔ hi daŋbɛsim yɔ gi tuuk gi ya̧a̧ du; nɔɔs sɛw hi tɔb nambya̧, wɛɛ buuya̧ hi̧i̧ rurug.

HINWƆ HI MITS YOHANA 2:16

Yɔ anbɔ, dɛmnaanɛ! Gid nɛ ɔ̄ɔ̄ hinha̧a̧l nɛ gɛ, wag kaasi bé zaa a mɔ lɛlɛ be gɔtin nɔk hi dood wɔrɔ hi daŋbɛsim yɔ gi tuuk be ya̧a̧ du.

HINWƆ HI MITS YOHANA 2:23

Bé gbɔm waatɔ wɔ an fɔkbeya wɔ hi gi a lɛl sɛw hi mɛɛ a bee mɛɛ dood mɔkil ɓɛɛko, bee gi za̧a̧nyɔ mɛɛ dood kpoos ɓɛɛk sɛw. Be gaa za̧a̧nyɔ gi sɛw dɔɔrɔɔsɔ anyɔ woosɔ fɔbɔ.

HINWƆ HI MITS YOHANA 20:4

Kuudu mi wɛɛ mi gbɛn waar ums ɗɔɔtillɛl wɔ; dood wɔ hi gaahi gbɔnɔ an hi gbaa dɔglɛ hi ɗɔɔt hage. Mi wɛɛ mi gbɛn dood wɔ hi boo nɛ Yeesu dɔglɔ hi Bɛtdɔgl a dood teesdu gid hi gbɔ̧hi kolya̧. Dood wɔ hi gbɔ̧hi hi da hi ɗɔ̄bs nambhɛtum bɔ hi muulɔ bɔ hi wɔm gɛ. Hi da hi dāg nambhɛtum bɔ nuŋgɔ bi̧i̧s a ti̧i̧l du, zaabe a hi naan du gɛ. Hi rɛmlɔ hi tal a waar ums du hi Kristu lɛlgbunu tuur wɛl duk gbunu.