IBRANIŊKO 3:12 - Nouveau Testament Doyayo

¹² Yɛ̧ɛ̧dɛ mi wɛ, oon zul nɛ an bɔ doo za nɛ teesdu kpoosɔ gi ha̧a̧lɔ gi zɛmr gi ɔɔ Bɛt za̧a̧til bɔ fɔkɔ.

IBRANIŊKO 3:12 ပူးပေါင်းရင်းမြစ်များ

MATA 16:16

Simɔŋ yɔ nuŋgɔ zaa a Piyɛr wɛɛ goo a mɔɔ Masihu bɔ, mɔɔ gi Bɛt Za̧a̧til bɔ bɛtha Waawalɔ.

MATA 24:4

Yeesu goohi a oon zul nɛ an bɔ doo za gi maatinɛ.

MARKUS 13:23

Nɛya, ɓaanɛ, be raasin hin sɛw door ma.

MARKUS 13:33

Ɓaanɛ, oonɛ; anyɔ nɛ́ mɛ̄ɛ̄ ɔ̧tɔ zaakɔ gɛ.

MARKUS 13:9

Yɛrɛ nɛya ɓaasin muul nɛ. Gɔ gi anbɔ dood zaadɛ hi ka̧nɛ a dɔglyɛ̧ɛ̧k luk du, hi ɓaan a mɔksilluk wɔ duge. Hi ka̧nɛ a dood nabl wɔ hi muutdu, hi waar ɛ gbɔlɛ wɔ hi muutdu a be dɔŋgo an nɛ dɔg hinyɔ tursin hi rɔbo a hi muutdu.

LUKA 21:8

Yeesu ta̧a̧: a oon zul nɛ an bɔhi maatin hi wagsin gbɔnɔ. Gɔ gi anbɔ dood kittɔnɔ hi zaa a be nuŋg du hi raa: a bee Masihu bɔ! Ɔ̧tɔ gi sɛ̧ɛ̧buko! Gɔ gi anbɔ bɔnɛ fɔhi.

ROMA 11:21

Ya̧a̧nɛ, Bɛt yɔ ɔ̄ɔ̄ waahams rɔbɛ wɔ hi gi tɛ̧ɛ̧ gbun bɔ gɛ a zulɓaasigya̧ bɔ gi dɔŋgo, taa mɔɔ ɔɔk be gid mɔ ɓaasig zulɛ.

1 KƆRƐŊGTU 10:12

Yɔ anbɔ, za̧a̧nyɔ mɔk a be gi erik-erɔ, oog zulɔ bɛttɔnɔ an bɔgi matɔ.

KOLOSIYA 2:8

Erin bɛttɔnɔ an bɔ doo za gi maatin hi hinmɛɛkɔ dubtɛ wɔ, zaabe hi dɔgl zaadɛ maatilya tɔs wɔ anyɔ dood gɔ hi goko, gi wɔɔl hinrɔb yɔ Bɛt gaan kpoos du. Hinmɛɛkɔ tɔs bɔ fu̧u̧z a Kristu ge gɛ, fu̧u̧z a dood mɔkil du, zaabe a waal mɔkil du.

1 TESALONIKI 1:9

Yɔ anbɔ, hii hi zulya̧ hi fɔkig a wi zulha dak yɔ nɛ dagiw a nɛ lɛlɛ hi maakwɔd wɔ nɛ ɔɔ, nɛ fɔk Bɛt za̧a̧til rɔb bɔ. Nɛ gisig kɛŋko.

IBRANIŊKO 10:31

An mɔ mat a Bɛt za̧a̧til bɔ gi naan du hinɔ ha̧a̧hoob ha̧a̧ltɔnɔ.

IBRANIŊKO 10:38

Yɛrɛ doo riit yɔ ɗɔbsɔ gi za̧a̧; gi wɛɛ kuudu ɔnɛ taab hark a gi muulɛ.

IBRANIŊKO 12:15

Oonɛ an bɔ doo za gi wɛɛ kuudu gi lɔɔ Bɛt gɛmsili; an bɔ doo za yɔ gi an tɛ̧ɛ̧kpas zobtil yɔ ruuz a tɛ̧ɛ̧duul muulɛ gi ha̧a̧nik dood kittɔnɔ ya̧a̧r hi ɗɔŋkɔ bɔ.

IBRANIŊKO 12:22

Yɛrɛ nɛya nɛ sɔɔsɔ a Siyona gol bɔ ge a Bɛt za̧a̧til bɔ gi waal gbɔɔl du, a Urusalima yɔ gi a bɛtha gedu, a lɛlyɔ Bɛt walɛsɛrɛ kittɔnɔ hi mɔks ge hi nak hin hi hato.

IBRANIŊKO 12:25

Oon zul nɛ an bɔnɛ in za̧a̧nyɔ gi ya̧a̧book dɔglɔ lako; ya̧a̧nɛ gid dood wɔrɔ hi in za̧a̧nyɔ gisihi Bɛt dɔgl book a waal du hi zɔ̄r dɔgl-gbaak an hi za̧a̧ gɛ, wɛɛ hɛw gi an wɛ za̧a̧ ri? Wɛɛ yɔ wɛ inik za̧a̧nyɔ giwɛ ya̧a̧boonik a bɛtha?

IBRANIŊKO 3:1

Yɔ anbɔ, yɛ̧ɛ̧dɛ wɛ, Bɛt elin lɛlgbun an nɛ rek nɛ tuur ^ bɛtha hi wiya, seen Yeesu , Za̧a̧nyɔ wɛ book dɔglɔ a gi tɔmsya yɔ Bɛt yaazig hi Bɛtmaakwookya gbɔɔl mɔɔt yɔ wɛ gig ɗɔbsig giya.

IBRANIŊKO 3:10

Ya̧a̧nɛ hin gi nɔɔb a dood wɔ waabil bɔrɔ duge hi zulha be dɔgɔ: a kpoosya̧ gɔ waa gbɔnɔ waki, hí mɛ̄ɛ̄ gbɔnɔ be gɛ.

IBRANIŊKO 3:19

Yɔ anbɔ, wɛ gbɛn a yɔ hi ta̧a̧ ɗɔbsig gɛ gii hi ɗɛ̄ɛ̄ gulik a holumlɛl bɔ gedu gɛ.

IBRANIŊKO 9:14

Nɛ Kristu yɔ gaa zulɔ hi Mɔkil faa a Bɛt muutdu gaattɔnɔ, ga̧a̧mɔ bɔ gi tɛŋkya gbɔɔltɔnɔ daarlɛlɛ, gi gaas mɔkil nɛ wɔ hi gi a woos wɔrkil du an nɛ woos Bɛt za̧a̧til bɔ woosɛ.