IBRANIŊKO 2:18 - Nouveau Testament Doyayo

¹⁸ Ya̧a̧nɛ gii hi zulɔ hi ha̧a̧nigya̧a̧r hi maatige, ɗɛɛ an gi ɗaas dood wɔ Saydanu gihi maatig be.

IBRANIŊKO 2:18 ပူးပေါင်းရင်းမြစ်များ

LUKA 22:28

Nɛɛ gi dood wɔ nɛ waa hinmɔŋk hi bee a be ya̧a̧rhant du.

LUKA 22:53

Be waak hi nɛɛ a Bɛtluk du ɔ̧t nuŋg be! Wɛɛ nɛ wa̧a̧be gɛ. Yɛrɛ ɔ̧t nɛɛn rii hi lɛlwil tɛŋko.

YOHANA 10:29

Baa be yɔ gaahi be naan du tɔɔ daar hin sɛw; doo za ɗɛɛ an gi wɔɔdihi a Baa be naan du gɛ be.

1 KƆRƐŊGTU 10:13

Maatil yɔ tursinɛ dāār maatilyɔ gɔ gi tursig dood zaadɛ gɛ. Yɛrɛ Bɛt taan ya̧a̧luurɛ, hinyɔ dɔg sɛw gi wooko, taa an gi ɔɔ gbɔnɔ an hinza gi maatin gi daar tɛŋk nɛ. Hi maatil bɔ, Bɛt gi gaan tɛŋko an nɛ mɔmɔ nɛ dag gbɔnɔ tuuk gedu hɛw an nɛ za̧a̧.

FILIPI 3:21

Gii gi zɛmr muul wɛ hɔntil bɔ gi wɛɛ an muulɔ gbɔ-lumsya bɔ anyɔ gin tɛŋk yɔ ɗɛɛ an gi fɛ̧ɛ̧n hin sɛw hi tiis zulya̧ hi kɛmsig tɔnɛ.

2 TIMƆTE 1:12

Ya̧a̧ giya, mi gi ya̧a̧r wɛrɛ yɔ̧ko, wɛɛ hin wɛrɛ hi taam seemha̧a̧nik be. Ya̧a̧nɛ, mi mɛɛ za̧a̧nyɔ mi ɗɔbsige mi wɛɛ mi mɛɛ bɛttɔnɔ a gin tɛŋk an gi oo hinyɔ gaam naan du gi tuur a dɔgl-gbaak ɔ̧ti.

IBRANIŊKO 5:2

Ɗɛɛ an gi mɔms dood wɔ hi mɛɛhin gɛ hi wɔ hi wag gbɔnɔ hinɛ anyɔ gii gi a hɔntil wɔ hi gbaŋ hɛw.

2 PIYƐR 2:9

Nɛ hin bɔ lab zunsɛ a Waar Bɛt mɛɛ za̧a̧sig yɔ gɔ gi za̧a̧s za̧a̧nyɔ gig fɔk hi gbɔnɔ a gi maatil du, wɛɛ mɛɛ ya̧a̧r yɔ gɔ gi ha̧a̧n dood ha̧a̧lwookya wɔ ya̧a̧rɛ gi gihi oonik a dɔgl-gbaak ɔ̧ti.

YAHUDA 1:24

Bɛt ɗɛɛ an gi oonɛ a hinyɔ gɔ gi matin gedu sɛw, gi wɛɛ gi ka̧n a gi muutdu a gi gbɔlums du, nɛ́ taan hin-a̧a̧bi, nɛ́ gin hat gbɔɔltɔnɔ.

HINWƆ HI MITS YOHANA 3:10

Anyɔ mɔ fɔb dɔgl be mɔ mɔm hin anyɔ be raamɔ, benɛ be oom rɔbtɔnɔ a ya̧a̧rhant ɔ̧tyɔ gɔ gi zaa gi goo dood hɛbtdi sɛw gedu.