IBRANIŊKO 2:14 - Nouveau Testament Doyayo

¹⁴ Yɔ anbɔ, anyɔ waat wɔ hi gi muulɛ hi ga̧a̧mɛ, gii Yeesu hi zulɔ hɛw wɛɛ anbɔ, an gi wɔr gi ha̧tir Saydanu tɛŋkɔ a wɔrk zulha,

IBRANIŊKO 2:14 ပူးပေါင်းရင်းမြစ်များ

MATA 16:17

Yeesu wɛɛ raage a hat gi a mɔɔ, Zonas waawal Simɔŋ; Baa be yɔ bɛtha gii goksum hinɔ, doo a hɛbtdi goksum hinɔ gɛ.

MATA 25:41

Kuudu waar bɔ gi wɛɛ gi raa dood wɔ hi gi a gi naanyɛ̧li a hɛmlin hi beya, nɛɛ dood wɔ nɛ gin Bɛt booto! Rekin a laazɛŋk yɔ hi gɛmnts Saydanu hi walɛsɛrɛ ɔ̧ɔ̧ gedu!

YOHANA 1:14

Dɔgl bɔ wɛɛ doo, waa wɛ teesdu, rɔbo hi rɔbgɔki tɔɔ gi kpoos du. Wɛ gbɛn gbɔlumsɔ, gbɔlums yɔ Bɛt waaɔ gbunsum yɔ dag a Baatɔ ge giya.

YOHANA 12:24

Be raasin rɔbo à totlɛŋks zāā hɛbtdi gi wɔr gɛ, gi kɔŋk bundikyɔ; gi wɔr be, gi tuusig gaatɔ kittɔnɔ.

ROMA 14:9

Ya̧a̧nɛ, Kristu wɔrɔ wɛɛ za̧a̧ an gi wɛɛ Waar a wɔrkɛ wɔ hi dood za̧a̧til wɔ hi zulha.

ROMA 8:3

Bɛt hi zulɔ woo hinyɔ Muusa maakdɔgl ɗɛ̄ɛ̄ wook gɛ anyɔ doo hɛbtdi taan tɛŋko. Bɛt yaaz waaɔ mɔɔt bɔ a waal du. Yɔ waaɔ zaa, muulɔ riitin an doo hinha̧a̧lya hɛbtdi, an gi ha̧s hinha̧a̧lɛ. Wɛɛ Bɛt mat hinha̧a̧l hi dɔgl-gbaakɔ bɔ a waaɔ bɔ Yeesu muul du yɔ wɔrɔ.

1 KƆRƐŊGTU 1:28

Wɛɛ Bɛt sɛ̧ɛ̧ hintɔs wɔ waal du hi hin zaadɛ wɔ dood hi gihi bɔ̧ɔ̧ko, hi hinwɔ hi taa hɛw gɛ an hi dag gbɔlumsɛ, an gi wɛɛ gi wɛɛn wɔ hi gihi seek an hinrɔbo hintɔs.

1 KƆRƐŊGTU 15:50

Yɛ̧ɛ̧dɛ mi wɛ, mi raa a riya? Hinyɔ Bɛt kim hi yɔ̧kti hi ga̧a̧mɛ hi ɗɛ̄ɛ̄ an hi dag Bɛt wáát bɔ ya̧nɛ gɛ, wɛɛ hindokili taa an gi waa a hinyɔ taa dokil gɛ gedu.

GALATIYA 4:4

Wɛɛ, yɔ ɔ̧t rɔb bɔ Bɛt dɛ̧ɛ̧ tuurɔ, Bɛt yaaz waaɔ a waal du mɔɔy a nɛɛza buudu, mɔɔy a Muusa maakdɔgl bɔ gikɔ gedu,

KOLOSIYA 2:15

Yɔ Kristu wɔr a dɔ̧ɔ̧r ha, ɗɛɛ loorɛha̧a̧l tɛŋkya wɔ a bɛtha hi hɛbtdi sɛw, wɛɛ ul gabs bi̧i̧ an wɔ gɔ hi lagɔ hi mɛɛ sɛw a ɗɛɛhiɗɛ.

1 TIMƆTE 3:16

Bɛtfɔk wɛ bɔ gbɔnɔɔ dɔglɔ dub tɔɔtɔ; wɛ ta̧a̧ anbɔ, raakɔ gɛ: a Yeesu mid hi muulɔ an doo, Bɛt Mɔkilɔ raa dɔglɔ a gi doo riityɔ. Mits Bɛt walɛsɛrɛ. Dood hi dɔg dɔglɔ a dɔ̧ɔ̧t dɔɔmɛ tees du. Dood hi ɗɔbsige a waal du. Bɛt wɛɛ dɔɔnig a gbɔlums lɛl du a bɛtha.

2 TIMƆTE 1:10

Yɛrɛ àgiyɔ, hinɔ mid hi Yeesu Kristu Za̧a̧sigya wɛ zaakɔ bɔ giya. Gii ha̧s wɔrk tɛŋko, wɛɛ gaawɛ Dɔglɔ Rɔb bɔ mitsɛ za̧a̧tig hi waak bɔ wɛlɛ hi wɛlɛ.

IBRANIŊKO 10:10

Hi Bɛt ha̧a̧tigɔ yɔ Yeesu Kristu woo gi gaa muulɔ gii wɛ gaa a Bɛt muutdu dɔɔ gbun gaati.

IBRANIŊKO 10:5

Ya̧a̧nɛ yɔ Kristu gi guzig a waal du, raa Bɛto: a hā̧ā̧mɔ maaknamb wɔ gɔ hi gbɛrsum gɛ, ha̧a̧mɔ gaas gɛ, wɛɛ mɔ kimsib muulɛ.

IBRANIŊKO 2:17

Yɔ anbɔ rii an hi wɛɛnig an yɛ̧ɛ̧dɛ ɔ̧ɔ̧ wɔ a hinyɔ gi gedu sɛw an gi wɛɛ Bɛtmaak-wookya gbɔɔl mɔɔt ya̧a̧rmɛɛkya yɔ gɔ woo hinyɔ raa sɛw a Bɛt woos du, an gi gaa zulɔ a Bɛt ge an hinha̧a̧l naandɛmsɛ a doodɔ wɔ hi dɔŋgo.

IBRANIŊKO 2:18

Ya̧a̧nɛ gii hi zulɔ hi ha̧a̧nigya̧a̧r hi maatige, ɗɛɛ an gi ɗaas dood wɔ Saydanu gihi maatig be.

IBRANIŊKO 4:15

Ya̧a̧nɛ wɛ gin Bɛtmaak-wookya gbɔɔl mɔɔt yɔ mɛɛsɛ ya̧a̧r wɛ a wɛ hɔntil du. Yɔ anbɔ gii hɛw hi maatig an wɛya a hinyɔ gi gedu sɛw, gii wōō hinha̧a̧l gɛ.

IBRANIŊKO 9:15

Hinɔ giya gi a ya̧a̧wɔk seg bɔ teesɔ gedu hi Bɛto, an dood wɔ Bɛt elihi hi dag rɔɔs faa bɔ hi wɔb ya̧a̧ hage, yɔ Bɛt raa nɛ a bé gaahi. Hi ɗɛɛ an hi dagige anyɔ wɔrk za giro. Kristu gii wɔr ga̧a̧mɔ bɔ gi za̧a̧s dood a hi hinha̧a̧l du, anyɔ hi da hi fɔk nɛ ya̧a̧wɔk amnt bɔ.

1 PIYƐR 1:20

Yɔ Bɛt kimdir nɛ waal kɛn gɛ, her Yeesu gaati. Yɛrɛ midzig gɔ ma a ɔ̧t yɔ̧ɔ̧sum du a nɛ dɔŋgo.

HINWƆ HI MITS YOHANA 1:18

Bee gi Za̧a̧n za̧a̧til bɔ. Be da be wɔɔrɔ, yɛrɛ be wɛɛ be gi za̧a̧tili ma faa. Be wa̧a̧k wɔrk lukgbɔnɔ gboorinsya hi wɔrkɛ ɗɔɔtillɛl bɔ gbɔnɔ gboorinsya be naan du.

HINWƆ HI MITS YOHANA 12:9

Hi yarzig hɛbtdi. Gii gi beks amnti, nuŋgɔ a loorɛha̧a̧lɛ, zaa a Saydanu, gii gi maatig dood waal du sɛw. Hi yarzig hɛbtdi hi walɛsɛrɛ ɔ̧ɔ̧ wɔ sɛw lɛlgbunu.

HINWƆ HI MITS YOHANA 2:10

Bɔ hoob gi ha̧a̧mɔ a hinyɔ gɔ mɔ ha̧a̧ya̧a̧r ɓɔriɓɔri gedu. Mɛɛnɛ a wag kaasi loorɛha̧a̧l gi gbalik dood zaadɛ nɛ tees du a luknɔ du an gi maatinɛ, wɛɛ nɛ ha̧a̧ya̧a̧r ɔ̧t kooblɛ. Ɗɔbsum hi tɛŋko gi tuur a wɔrk mɔ ɔ̧ti, be gaam za̧a̧tig waar ums kalɛ.

HINWƆ HI MITS YOHANA 20:2

Wa̧a̧ beksloorɛ bɔ, beks amnt bɔ: raakɔ a loorɛha̧a̧l bɔ, zaabe Saydanu, wɔg ba̧a̧n du an gi waa wɛl duko.