IBRANIŊKO 2:11 - Nouveau Testament Doyayo

¹¹ Yɔ anbɔ, Yeesu doogaasigya bɔ a Bɛt muutdu hi dood wɔ gaasihi sɛw baaya̧ gbunu. Ya̧a̧nɛ seem gi ha̧a̧ge an gi elihi a hi yɛ̧ɛ̧dɛ been gɛ,

IBRANIŊKO 2:11 ပူးပေါင်းရင်းမြစ်များ

MATA 25:40

Waar gbɔɔl bɔ gi gòòhi gɔ a be raasin rɔbo; hinwɔ nɛ woo sɛw a yɛ̧ɛ̧dɛ be wɛrɛ zaa wansɔ gbun muulɛ, nɛ̍ wòòs bee hin wɔrɔ sɛw ma bɔ.

MATA 28:10

Yeesu wɛɛ raahi a bɔ hoob gi ha̧a̧nɛ, rekin nɛ raas yɛ̧ɛ̧ be hiya hi rek a Galile hi gbɛnib hɔ.

MARKUS 3:34

Kuudu wɛɛ sɔ̧ɔ̧ dood wɔ hi ɗɔɔt elo, raa: a nàà be hi yɛ̧ɛ̧dɛ be hi gi gɛrɛ.

MARKUS 8:38

Dood wɔ hi waak ɔ̧ti gi zul hi ɔɔ Bɛt an nis yɔ gi naak mansi gi ɔɔ waltɔ, hi wɛɛ hi gɔk hinha̧a̧lɛ. Za̧a̧n za seem gi ha̧a̧g beya hi dɔgl be a dood wɛrɛ hi teesdu, Za̧a̧n Waa bɔ, gɔ gi zaa a Baatɔ gbɔlums du, hi Bɛt walɛsɛrɛ gaatɛ wɔ, gi ha̧a̧nig seem hɛw be.

LUKA 9:26

Ya̧a̧nɛ, za̧a̧ni seem ha̧a̧g beya hi dɔgl be, Za̧a̧n Waa bɔ gɔ gi zaa a gi gbɔlums ɗu, hi Baatɔ gbɔlums du, hi Bɛt walɛsɛrɛ gaatɛ wɔ hi gbɔlums du, seem gi ha̧a̧g za̧a̧nɔ be.

YOHANA 17:19

Bee hi zul be, be gaam muul be sɛw a hi dɔŋgo an be wɛɛ doo mɔ gaati an hii be, hi wɛɛ dood mɔ gaatɛ hi rɔbo.

YOHANA 17:21

Be gim zɔ̧k an hi sɛw hi ɔks gbunu. Baa, an hi ɔks gbun hi wɛya, anyɔ mɔɔ mɔ ɔks hi beya, bee be, be gi gbun hi mɔya. Ɔksihi gbunu an waal gi ɗɔbsɔ a mɔɔ yaazibe.

YOHANA 20:17

Yeesu raage a bɔmɔ ki̧i̧be, be kadir a Baa be ge ket gɛ. Yɛrɛ rekumɔ mɔ zɛm yɛ̧ɛ̧dɛ be hiya, mɔ raasihi a be dɔɔk a Baa be yɔ gi Baa nɛ ge, hi a Bɛt be, yɔ gi Bɛt nɛ ge.

TƆMSYAADƐ WOOSƐ 17:26

Bɛt yɛɛl a doo gbun muul ro gi kim dood dɔ̧ɔ̧t sɛw, gbaahi hi waa a waal du sɛw. Dɛ̧ɛ̧ ɔ̧tya̧ gaati, hi ɗɔɔtillɛlya̧ welɔ.

TƆMSYAADƐ WOOSƐ 17:28

Za̧a̧tig wɛ hi naŋk wɛ hi gik yɔ wɛ giro gi a Bɛt naan du. Hin-ɛɛnbi̧i̧kya zaadɛ nɛ teesdu hi raa hinɔ anyɔ lɛ hɛw: a wɛɛ hɛw wɛ gi dɔ̧ɔ̧t ɔ̧ɔ̧nɛ.

ROMA 8:29

Ya̧a̧nɛ da yɛɛl sɛ̧ɛ̧hi, da gbaahi nɛ dordi an hi fɔ waawal muutɔ hi wɛɛ an giya, an kuudu waawal gi wɛɛ hinda gbɔɔl a yɛ̧ɛ̧dɛ ɔ̧ɔ̧ kitɛ tees du.

GALATIYA 4:4

Wɛɛ, yɔ ɔ̧t rɔb bɔ Bɛt dɛ̧ɛ̧ tuurɔ, Bɛt yaaz waaɔ a waal du mɔɔy a nɛɛza buudu, mɔɔy a Muusa maakdɔgl bɔ gikɔ gedu,

IBRANIŊKO 10:10

Hi Bɛt ha̧a̧tigɔ yɔ Yeesu Kristu woo gi gaa muulɔ gii wɛ gaa a Bɛt muutdu dɔɔ gbun gaati.

IBRANIŊKO 10:14

Ya̧a̧nɛ, hí gáás gbun kpɔd ro gi wɛɛn dood wɔ gaasihi a hinha̧a̧l du dood rɔbɛ mɔɔtɛ faa.

IBRANIŊKO 11:16

Yɛrɛ ɓɔryɔ ha̧a̧hi lɛlyɔ bɛr gi daarɔ, raakɔ a waalza yɔ gi bɛtha giya. Bɛt gɛmtsihi waal gbɔɔl rɔb a bɛtha, yɔ anbɔ, gii be seem hā̧a̧g an hi elig a Bɛt ya̧a̧n gɛ.

IBRANIŊKO 13:12

Ya̧a̧nɛ, Yeesu be, yɔ̧ya̧a̧r a waal gbɔɔl lakɛ, an gi gaas dood hi ga̧a̧m ɔ̧nɛ bɔ.

IBRANIŊKO 2:14

Yɔ anbɔ, anyɔ waat wɔ hi gi muulɛ hi ga̧a̧mɛ, gii Yeesu hi zulɔ hɛw wɛɛ anbɔ, an gi wɔr gi ha̧tir Saydanu tɛŋkɔ a wɔrk zulha,

IBRANIŊKO 3:1

Yɔ anbɔ, yɛ̧ɛ̧dɛ wɛ, Bɛt elin lɛlgbun an nɛ rek nɛ tuur ^ bɛtha hi wiya, seen Yeesu , Za̧a̧nyɔ wɛ book dɔglɔ a gi tɔmsya yɔ Bɛt yaazig hi Bɛtmaakwookya gbɔɔl mɔɔt yɔ wɛ gig ɗɔbsig giya.