IBRANIŊKO 13:9 - Nouveau Testament Doyayo

⁹ Bɔnɛ ɔɔ hi maatin hi hingokza rɔ̀bɛ sɔmsɔm wɔ an hi hɛɛsin gbɔnɔ; ya̧a̧nɛ bɛr an kpoos wɛ gi dag tɛŋk a Bɛt gɛmsil du, taa a leesdɔgl yɔ gɔ ɗāā hinza gɛ duge.

IBRANIŊKO 13:9 ပူးပေါင်းရင်းမြစ်များ

MATA 24:24

Yɔ anbɔ masihu ya̧a̧gɔ̧ɔ̧nya wɔ hi Bɛtya̧a̧kɛŋkya ya̧a̧gɔ̧ɔ̧nya wɔ hi midɔ hi gɔ gɛrs hinzuunikyaadɛ hi gɛrs gbɔlɛ zaadɛ kittɔnɔ an hi maatin dood wɔ Bɛt sɛ̧ɛ̧hi hɛw à hi ɗɛɛ nɛ hinɔ wooko.

MATA 24:4

Yeesu goohi a oon zul nɛ an bɔ doo za gi maatinɛ.

LUKA 5:38

Yɛrɛ bɛr an hi tɔ̧ɔ̧ bum mukt a tik seg du.

TƆMSYAADƐ WOOSƐ 20:30

Dood zaadɛ hí ɗuk a nɛ teesdu hɛw, hí dɔg hin hi ya̧a̧gɔ̧ɔ̧nɛ an hi wɛɛ hi sɔmb ɗɔbsigya wɔ hi fɔhi.

TƆMSYAADƐ WOOSƐ 20:32

Yɛrɛ ɓɔryɔ be gin ɔɔk a Bɛt naan du, an Bɛtdɔglɔ gɛmsilya bɔ gi ɗaasinɛ. Bɛt gin tɛŋk an gi tɔɔsinɛ, gi gaan rɔbsɔ an rɔɔs yɔ gbaas dood wɔ hi gi ɔnɛ sɛw.

ROMA 14:17

Bɛt wáátɔ taa hinlek dɔglɛ hi yɔ̧k dɔglɛ, gi rɔbwooki, boolumi, hi hat yɔ Mɔkilɔ gi gaako.

ROMA 14:2

Doo za gɔ mɔk a gi ɗɛɛ hinyɔ gi sɛw leki, wɛɛ zaabɔ tɛŋkɔ tuur gɛ, hinyɔ gi leko gɛ: biskpasɛ.

ROMA 14:6

Za̧a̧nyɔ her ɔ̧tza gi wɛɛnig ɔ̧t gbɔɔlɛ, yɔ anbɔ gɔs Waar Yeesu gii an gi ɗɔbsige. Za̧a̧nyɔ gi lek hinyɔ gi sɛw gi lesig Waar Yeesu ga, wɛɛ gi baanik Bɛt dɔŋgɔ ge, za̧a̧nyɔ gi lek hinsɛ̧ɛ̧kum be gi lesig Waar Yeesu gii an gi ɗɔbsige, gi baanik Bɛt hɛw.

1 KƆRƐŊGTU 6:13

Nɛ raako a Bɛt kim lees a buu dɔŋgo, wɛɛ kim buu a lees dɔŋg be. Nɛ yɔ anbɔ, ɔ̧tza Bɛt gi ha̧tir buu wɛ hi lees bɔ eer sɛw! Bɛt kı̄m muul wɛ an wɛ gɔn mans gɛ! Muul wɛ gis Waar Yeesu ɔ̧ɔ̧nɛ, Waar Yeesu be gis muul wɛ ɔ̧ɔ̧nɛ.

1 KƆRƐŊGTU 8:8

Hɔɔ, lees gii taawɛ sɔɔsig a Bɛt ge. Wɛ lē lees gɛ, wɛ́ lɔ̄ɔ̄ hinza a Bɛt muutdu gɛ; wɛ le be, wɛ taa hinrɔb dak gi daar zaa be.

2 KƆRƐŊGTU 1:21

Yɛrɛ Bɛt hi zulɔ gi heriw hi nɛya a za̧a̧tig yɔ ɔksɛ hi Kristu gedu, gi gbààwɛ lɛlɔ sɔm.

GALATIYA 6:1

Yɛ̧ɛ̧dɛ mi wɛ, nɛ́ dum doo za gi mat a hinha̧a̧l du, nɛɛ dood zaadɛ wɔ nɛ ɛmbik anyɔ Bɛt ha̧a̧ge, ɗunsinɛge hi zulhɔniki nɛ ɗaasige nɛ wɛnzig a gbɔnɔ rɔb du. Mɔɔ be oom zul mɔ an bɔ loorɛha̧a̧l gi maatumɔ.

EFESU 4:14

Gɔ gi anbɔ, wɛ́ ɔɔ ya̧a̧m dɔglɔ ɔɔ ma an bɔ dood hingok gaŋsɛgaŋsɛ hi namsɛ zaa an mɛmɗukil wɔ hi zɛk wɔ gɔ hi namsig lɛmbo gi rek hɛ hi hɛ. Wɛɛ, an bɔwɛ fɔb hingokya ya̧a̧gɔ̧ɔ̧nya wɔ gɔ hi maatig dood hi kɛ̧ɛ̧tigya̧ hi maatilya̧ ha̧a̧l wɔ hi midil an hi waksihi gbɔnɔ.

EFESU 5:6

Bɔ doo gi maatinnɛ dɔgl tɔs, ya̧a̧nɛ a hin wɔrɔ hi dɔŋg ro Bɛt nɔɔtigɔ gi zaak a dood wɔ hi gisig zulɓaasig hi zulha.

KOLOSIYA 2:4

Mi raahi n bɔ lab an bɔ doo za gi maatin hi dɔgl hɛmntɛ ya̧a̧gɔ̧ɔ̧nyaadɛ wɔ hi gisin dɔko.

2 TESALONIKI 2:17

hi ɓatsin kpoosɛ, hi wɛɛ hi gaan tɛŋk nɛ woo hinrɔb sɛw, nɛ wɛɛ nɛ dɔg hin rɔb sɛw.

2 TESALONIKI 2:2

a nɛ kɛm Bɛtya̧a̧kɛŋkya za dɔglɛ, zaabe rams za, zaabe ɗɛɛrwol zayɔ gɔ hi raa a fu̧u̧z a wiige, gi dɔg a Waar Yeesu zaakɔ bɔ ɔ̧tɔ tuurɔ, bɔ kpoos nɛ gi nam nɔɔktɔnɔ, bɔ hinɔ gi yɔɔnɛ.

1 TIMƆTE 6:20

Mɔya Timɔte, oom ɗɔbsig dɔgl yɔ mi gaam an mɔ kaŋk rɔbtɔnɔ. Nɔɔm dɔgl tɔs wɔ hi hinfaltingo ya̧a̧gɔ̧ɔ̧nya dɔgl wɔ; hinya̧ dood gɔ hi el gii a hinmɛɛkyɔ, wɛɛ nuŋgɔ bɔ lab gi a̧a̧byɔ.

1 YOHANA 4:1

Sa̧a̧m mi rɔbɛ wɛ, bɔnɛ ɗɔbs mɔkil wɔ sɛw. Goonɛhi kɛnɛ an nɛ mɛɛhi hi rɔbo a kinsa hi fu̧u̧z a Bɛt ge. Ya̧a̧nɛ Bɛt ya̧a̧kɛŋkya ya̧a̧gɔ̧ɔ̧nyaadɛ kittɔnɔ hi ɛmbik a waali du.

YAHUDA 1:12

Hii gi ɓi̧i̧lik yɛ̧ɛ̧dums lees nɛ gɔ nɛ letingo hi hii lɛlgbunu. Gɔ hi ɗɔɔtig hi nɛɛ lɛlgbunu hoobhā̧ā̧hi hinza gɛ; hi kaŋkig zul ya̧a̧n bɛttɔnɔ kpɔd. Hi gi an kuus wɔ zɛk gɔ gihi ninko, wɛɛ hi kamz bɛl gɛ be; hi gi tɛ̧ɛ̧ ga̧a̧kum wɔ hi taan huml gɛ, hi wɔr dɔɔ eerɛ hi durihi,

YAHUDA 1:3

Sa̧a̧m mi rɔbɛ wɛ, anyɔ ha̧a̧m nɛ gbɔɔltɔnɔ an mi bi̧i̧sin ɗɛɛrwol mi boosin za̧a̧tig yɔ wɛ gin lɛlgbun dɔglɔ, mi sèè bɛr an mi bi̧i̧sin hinza dɔ̧ɔ̧mi mi ɓaasin muulɛ an nɛ wa̧a̧ ɗɔbsig yɔ Bɛt gaa doodɔ naan du dɔɔ gbun gaati hi tɛŋko a hin ɓaatil yɔ gi gedu.