IBRANIŊKO 13:7 - Nouveau Testament Doyayo

⁷ Mɔkin nɛ mɛɛ dood wɔ hi gisin dork nɛ amnti hi Bɛtdɔgl yɔ hi dɔgsinɛ; seen waabilya̧ bɔ da̧a̧kɔda̧a̧, wɛɛn nɛ fɔb ɗɔbsigya̧ bɔ.

IBRANIŊKO 13:7 ပူးပေါင်းရင်းမြစ်များ

MATA 24:45

Yɛrɛ bɔ gi gbaar woosya hinmɛɛkya dubt yɔ rii an hi gbaa mɔkil a ge nɔ? Gbaar bɔ lab ɗɛntɔ gàà gii woos naandu an gi oo naaza zaadɛ wɔ gi gaahi lees a ɔ̧tyɔ gɔ gi ha̧a̧hi duge hi le?

LUKA 12:42

Waar Yeesu wɛɛ raa: a gbaar za lɛl-ookya gi giro, gi gis ɗɛntɔ hin wook rɔbtɔnɔ hi hinmɛɛki, ɗɛntɔ bɔ gi gbaage a doodɔ hi zulha an gi gaahi lees ya̧nɛ a ɔ̧tyɔ rii an hi dag duge sɛw.

LUKA 5:1

Ɔ̧tza Yeesu gi erk a zɛɛ mɛmbal ya̧ a Gɛnɛzarɛd, dood saal hi ɓɔytingo a gi dɔŋdi an hi lag Bɛt dɔglɔ yɔ gɔ gi dɔgsihi.

LUKA 8:11

Hinyɔ ya̧a̧daanik yɛrɛ gi wadig gɛrɛ: a dɔ̧ɔ̧t bɔ hinɔ gi Bɛt dɔglɛ.

TƆMSYAADƐ WOOSƐ 13:46

Pol hi Barnabas hoobha̧a̧hi hinza gɛ. Hi raa a gi nɛ an wi dɔks nɛ nɛɛ Bɛt dɔgl doosi, yɛrɛ nɛ gi inik Bɛt dɔglɔ nɛ wɛɛ nɛ zul nɛ raak a nɛ rı̄ı̄ an nɛ dag za̧a̧tig faa bɔ gɛ. Yɛrɛ ya! wí rek a dood dɔɔmɛ zaadɛ wɔ hi, wi re wi dɔgsihi Bɛt dɔgl bɔ.

TƆMSYAADƐ WOOSƐ 14:23

Yɔ hi hesihi ɗɛntɛ Bɛtwoos kaŋkig-yaadɛ hi gbaahi a lɛlyɔ Yeesu fɔkya hi gi mɔksig ge sɛwi, hi zɔ̧b Bɛto, hi lilhinɛ. Hi gaahi Waar Yeesu yɔ hi gig ɗɔbsig gɔ naan du.

TƆMSYAADƐ WOOSƐ 4:31

Yɔ hi da̧a̧s Bɛt bɔ zɔ̧kɔ, lɛl bɔ hi mɔks ge namɔ, Bɛt Mɔkilɔ hi̧i̧s hi kpoos du hi sɛw, hi wɛɛ hi dɔg Bɛt dɔglɔ hi kpoosya̧ ɓaasigi, hoobha̧a̧hi hinza gɛ.

ROMA 10:17

Yɔ anbɔ, mɛɛn a ɗɔbsig gi fu̧u̧zig a hinyɔ dood hi kɛŋk duge, wɛɛ hinyɔ hi kɛŋko gi fu̧u̧zig a Kristu dɔglɔ yɔ hi dɔk gedu.

1 KƆRƐŊGTU 10:13

Maatil yɔ tursinɛ dāār maatilyɔ gɔ gi tursig dood zaadɛ gɛ. Yɛrɛ Bɛt taan ya̧a̧luurɛ, hinyɔ dɔg sɛw gi wooko, taa an gi ɔɔ gbɔnɔ an hinza gi maatin gi daar tɛŋk nɛ. Hi maatil bɔ, Bɛt gi gaan tɛŋko an nɛ mɔmɔ nɛ dag gbɔnɔ tuuk gedu hɛw an nɛ za̧a̧.

1 KƆRƐŊGTU 11:1

Woon an miya, anyɔ mi wook an Kristu be.

1 KƆRƐŊGTU 4:16

Ya̧a̧nɛ mi ginɛ zɔ̧ko: seen waabil mi, wɛɛn an miya.

FILIPI 3:17

Gokin woos mi, yɛ̧ɛ̧dɛ mi wɛ, wɛɛ sɔ̧ɔ̧n dood wɔ hi waak an mii yɔ mi waak mi gisin gbɔnɔ dorko.

1 TESALONIKI 1:6

Nɛɛ nɛ fɔ̀b wiya, nɛ fɔ̀b Waar Yeesu be. Anyɔ nɛ dag ya̧a̧rhant gbɔɔltɔnɔ a Dɔgl Rɔb bɔ gi dɔŋg si̧, nɛ ta̧a̧ge nɛ dag hat yɔ fu̧u̧z a Bɛt Mɔkilɔ ge.

1 TESALONIKI 2:13

Wɛɛ ɓɛ, hinyɔ wi waak Bɛt baanik dɔŋgɔ ge gɛ: a yɔ nɛ ta̧a̧ Bɛt dɔgl yɔ wi dɔgsinɛ, nɛ kɛmɔ nɛ́ tā̧ā̧ an ɗoo za dɔgl gɛ, nɛ ta̧a̧ an Bɛt dɔglɛ, anyɔ gi hi rɔbo. Dɔglɔ wɛɛ gi wook nɛ kpoos du anyɔ nɛ ɗɔbsige.

2 TESALONIKI 3:7

Nɛɛ hi zul nɛ nɛ mɛɛ fɔkyɔ gi an nɛ waa nɛ fɔwi. Wi taa nɛ dood namrɛ a nɛ tees du.

2 TESALONIKI 3:9

Nɛ mɔk a wi taan nɛ tɛŋk an wi dag lees a nɛɛge ya? Nɛ yɛrɛ taa anbɔ, gi nɛ an wi daagɔ. Yɛrɛ wi woo anbɔ, an wi gogsin gbɔnɔ hi waabil wi nɛ fɔbɔ.

1 TIMƆTE 3:5

Doo gi mɛ̄ɛ̄ raatɔ kaŋkig gɛ, gi an gi ɗɛɛ Yeesu fɔkya ɔksil yɔ gi Bɛt ɔ̧nɛ kaŋkig ri?

IBRANIŊKO 13:17

Kɛmsin wɔ hi gisin gbɔnɔ dorko, fɔn hinyɔ gɔ hi raanɛ anyɔ hi gi kol nɛ ooko, anyɔ gi an hii hi fɔks Bɛt hin wɔrɔ woosɔ. Kɛmsinɛhi an hi woo woosya̧ hi hato, bɔgi gi hi kpoos ɗɔbti. Hin bɔ lab yɔ ɗaasin hinza gɛ.

IBRANIŊKO 13:24

Boon dood wɔ hi gisin gbɔnɔ dork sɛw, hi Bɛt doodɔ wɔ sɛw. Bɛt doodɔ zaadɛ wɔ hi fu̧u̧z a Itali hi boozinɛ.

IBRANIŊKO 6:12

Bɔnɛ nambrɔ, fɔn dood wɔ hi ɗɔbsig Bɛt hi hinmɔŋki gid hi dak hinyɔ Bɛt raa nɛ a bé gaawɛ.

1 PIYƐR 4:11

Za̧a̧nyɔ gi dɔk hinɛ, dɔgig anyɔ kɛm Bɛt ya̧a̧ɔ gi dɔko; za̧a̧nyɔ gi woosig doodɛ wooge hi tɛŋk yɔ Bɛt gaage, an dood hi baan Bɛt a hinyɔ nɛ wook hi Yeesu Kristu nuŋgɔ sɛw gi dɔŋgo. Gbɔlumsɛ hi tɛŋko hi gi ge wɛlɛ hi wɛlɛ. Àanbɔ.

HINWƆ HI MITS YOHANA 1:9

Mii yɛ̧ɛ̧ nɛ Yohana, wi ɔks hi nɛɛ a ya̧a̧rhant du hi a Bɛt wáát du, hi a Yeesu hinmɔŋkɔ bɔ gedu. Hi tuusim a mi hɛbt du hi dɔŋsim a hɛbt bɔ mɛm rɔg ge nuŋgɔ a Patmɔs a Bɛt dɔglɔ dɔŋgo hi Yeesu dɔglɔ book dɔŋgo.

HINWƆ HI MITS YOHANA 20:4

Kuudu mi wɛɛ mi gbɛn waar ums ɗɔɔtillɛl wɔ; dood wɔ hi gaahi gbɔnɔ an hi gbaa dɔglɛ hi ɗɔɔt hage. Mi wɛɛ mi gbɛn dood wɔ hi boo nɛ Yeesu dɔglɔ hi Bɛtdɔgl a dood teesdu gid hi gbɔ̧hi kolya̧. Dood wɔ hi gbɔ̧hi hi da hi ɗɔ̄bs nambhɛtum bɔ hi muulɔ bɔ hi wɔm gɛ. Hi da hi dāg nambhɛtum bɔ nuŋgɔ bi̧i̧s a ti̧i̧l du, zaabe a hi naan du gɛ. Hi rɛmlɔ hi tal a waar ums du hi Kristu lɛlgbunu tuur wɛl duk gbunu.

HINWƆ HI MITS YOHANA 6:9

Tamwaa bɔ wɛɛ pid ba̧a̧n nɔɔntums bɔ, mi gbɛn dood wɔ hi gbɔ̧hi a Bɛt dɔgl dɔŋgo hi a dɔgl yɔ hi boo nɛ a Yeesu dɔŋgo kolya̧ a Bɛtmaaksɛŋk bɔ gi dɔŋdi.