IBRANIŊKO 13:5 - Nouveau Testament Doyayo

⁵ Bɔnɛ ɗɔkin tusɛ; kpoos nɛ kpɛ̧ɛ̧g a hinyɔ nɛ gin hage; ya̧a̧nɛ Bɛt hi zulɔ gi raa: a bé taam ɔɔko, bé taam bisig nɛ zaŋ.

IBRANIŊKO 13:5 ပူးပေါင်းရင်းမြစ်များ

MATA 6:19

Bɔnɛ mɔkts zul nɛ rɔɔs a waal du, a lɛlyɔ hin gɔ kug gedu, wɛɛ ga̧a̧r gɔ hi ha̧tir gedu, wɛɛ a lɛlyɔ luurɛ gɔ hi ɓɛlk luk ge hi tɛŋko an hi loo wɔd luurɛ.

MATA 6:25

Hinɔ gii be gisin raako a bɔnɛ zɛks zul nɛ a kol nɛ dɔŋgo nɛ ɛrɔ a be zɛm leesɔ ay be le an be za̧a̧n nɔ? Be zɛm hinyɔ̧k ay be yɔ̧ nɔ? Gbunɔ, bɔnɛ zɛks zul nɛ nɛ ɛrɔ a be zɛm gbandil ay be heg muul nɔ? Kol taa hinɗɔbt dāār lees gɛ ya? Muul taa hinɗɔbt dāār gbandil gɛ ya?

MATA 6:34

Yɔ anbɔ bɔnɛ zɛks zul nɛ hi hinyɔ gɔ gi tuur yoosugo. Yoosig bɔ hinɔ gi zɛks zul ɔ̧ɔ̧n be. Ya̧a̧rhant yɔ gi zaak ɔ̧t nuŋg sɛw, rii ɔ̧t ɔ̧nɛ gbunu.

MARKUS 7:22

mansi, ɗɔkum ha̧a̧lɛ, ha̧a̧lwooki, maatili, ya̧a̧kɛtili, lɔlha̧a̧lɛ, ya̧a̧ha̧a̧lɛ, zulpɛɛki, hi yooya̧a̧.

LUKA 3:14

Laaya zaadɛ hɛw hi zaa hi ɛrige: a wii be, wi woo nɔ? Gii wɛɛ ta̧a̧hi ɓɛ: a bɔnɛ wɔɔl dood tus hi tɛŋko, zaabe hi ya̧a̧gɔ̧ɔ̧nɛ, kɔmbin nɛ oo dɔɔrɔɔs nɛ bɔ gii kpɔd.

LUKA 8:14

Dɔ̧ɔ̧t wɔ hi kpɔm a kobs teesdu be, doodya̧ hii gɔ kɛm Bɛt dɔglɛ hi wa̧a̧ gbɔnɔ hi rekɔ, wɛɛ waalmɔkili, rɔɔsɛ hi waabil hɛmnt yɔ waal du yɛ̧g dɔgl bɔ hi kpoos du, dɔgl bɔ humlɔ wɛɛ hin tɔsi ma.

ROMA 1:29

Kpoosya̧ hi̧i̧s hi ha̧a̧lyɔ gi sɛw: an ha̧a̧lwooki, ka̧a̧si, ha̧a̧lɛ, kpoosya̧ hi̧i̧s hi lɔlha̧a̧lɛ, zulgbɔŋki, gabsɛ, maatili hi dooleki. Hi gi mɛl-yaadɛ,

1 KƆRƐŊGTU 5:11

Yɛrɛ hinyɔ mi bi̧i̧sin mi ɗɛɛrwol bɔ gedu, gɛ a bɔnɛ ɔks hi doo za yɔ hi gig elik a gi Yeesu fɔkyayɔ, wɛɛ hi mɛɛ dɔglɔ be a gi mansnaakya, ɗɔkumya, zaabe maakfɔkya, dooniikya, bumwɔnikya, zaabe luuri, bɔnɛ le nɛ hin hi za̧a̧nɔ hɛw.

1 KƆRƐŊGTU 6:10

luurɛ wɛ, hinɗɔkingoya wɛ, bumwɔnikya wɛ, dooniikya wɛ, tuslekya wɛ, dood wɔ hi wookhin anbɔ hí tāa Bɛt wáátɔ dako!

2 KƆRƐŊGTU 4:9

dood gɔ hi giw fɔbtugo, wɛɛ Bɛt gɔ bisiw gɛ; gɔ hi giw matugo, wɛɛ hi ha̧tirwi gɛ.

EFESU 5:3

Mansi hi ɓi̧i̧lim yɔ gi sɛw, zaabe ɗɔkumha̧a̧lɛ, bɔ hinɔ gi booy a nɛ teesdu nɛ zaŋ, hinɔ bɛ̄r anbɔ a Bɛt doodɔ teesdu gɛ.

EFESU 5:5

Yɔ anbɔ mɛɛn bɛttɔnɔ a mansnaakya, ɓi̧i̧limya, tusɗɔkumya, hi riitin hi maak wɔ fɔkya̧, doo wɔrɔ anbɔ sɛw hi taa Kristu wáátɔ hi Bɛt ɔ̧nɛ dako.

KOLOSIYA 3:5

Yɛrɛ gbɔn waal ɗɔkum wɔ hi gi nɛ kpoos du zaŋ: an mansi, ɓi̧i̧limi, zɛlko, ɗɔkum ha̧a̧lɛ, zaabe rɔɔs ɗɔkumi (gbunɔ gii hi loorɛkpɔɔki). Seen hin wɔrɔ sɛw an hi wɔr da̧a̧da̧ nɛ kpoos du.

1 TIMƆTE 3:3

bɔgi gaa zulɔ bum du, gig doo kpoos saŋgtya, bɔgi gi doo gàbsi, bɔgi gi doo hinfaakya, bɔgi gbaa kpoosɔ a tus muulɛ,

2 PIYƐR 2:14

Hi seenik nɛ̄ɛyɔ gi sɛw hi manslɔlɛ, hi hı̧̄ı̧̄ ha̧a̧l hinɔ gɛ. Hi maatig dood wɔ kpoosya̧ er bɛttɔnɔ gɛ hi dɔglya̧ fɔko, ɗɔkumya̧ gi rek a tus muulɛ, kpoosya̧ rɔ̧ɔ̧s anbɔ yɛɛl a̧a̧mɔ, hi gi Bɛt bootɔ waato.

2 PIYƐR 2:3

Hi gɔ ɗɔkum an hi lehin wɔ nɛ ginɔ hi mɛl hɛmnti. Ya̧nɛ da amntɔnɔ dɔglya̧-gbaakya bɔ da giz dibed an gi gbaasihi dɔglɛ, wɛɛ za̧a̧nyɔ gɔ gi ha̧tirihi taa yoko.

YAHUDA 1:11

Ya̧a̧rhant gisihi! Hi fɔk Kaynu gbɔnɔ ɔ̧ɔ̧nɛ, hi bis muulya̧ a Baalam mɛl gbɔnɔ bɔ gedu an hi dag tus an gii be, hi wɛɛ hi ɓaas zulya̧ an Koora yɔ ɓaas be. Hí wag an gii yɔ wag be.