IBRANIŊKO 13:4 - Nouveau Testament Doyayo

⁴ Lootins wɛɛsig dood sɛw hinɗɔbti. Bɔ doo za kusillɛlɔ gi ɓi̧i̧lɔ, raakɔ a bɔ dood hi lootin hi gɔ mansi; Bɛt gi gbaas doo hatilgɔkya wɔ hi mansnaakya wɔ dɔglɛ.

IBRANIŊKO 13:4 ပူးပေါင်းရင်းမြစ်များ

1 KƆRƐŊGTU 5:13

Bɛt gii gi gbaas dood wɔ lakdi hi taag fɔk gɛ dɔglɛ. Ya̧a̧nɛ Bɛt dɔglɔ gi raa a ha̧sin doo ha̧a̧l bɔ nɛ tees du.

1 KƆRƐŊGTU 6:18

Ya̧a̧nɛ, nɔ̀ɔn mansdɔglɛ. Hinha̧a̧l zaadɛ wɔ doo za gi gɔko, hinha̧a̧lɔ taa muulɔ ki̧i̧ko. Yɛrɛ za̧a̧nyɔ gɔ mansi, gɔ hinha̧a̧l a gi muulɛ.

1 KƆRƐŊGTU 6:9

Nɛ́ mɛ̄ɛ̄ a dood ha̧a̧l wɔ hi taa Bɛt wáátɔ dak gɛ ya? Bɔnɛ maat zul nɛ! Dood nɛɛdkaatɛ ha̧a̧lɛ elikya wɛ, maak-fɔkya wɛ, mansgɔkya wɛ, walɛ mansgɔkya wɛ hi walɛ zaadɛ,

1 KƆRƐŊGTU 7:38

Yɔ anbɔ za̧a̧nyɔ lootin hi gbaagɔ, gɔ rɔbo; wɛɛ za̧a̧nyɔ loog gɛ be, gɔ rɔb daarɔ.

1 KƆRƐŊGTU 9:5

Wi taan gbɔnɔ an wi lootin hi nis za Yeesu fɔkya an wi kamzige a rɔ̀bslɛl yɔ wi rek ge, an Yeesu tɔmsɔya zaadɛ wɔ hi yɛ̧ɛ̧dɛ ɔ̧ɔ̧ hi gɔk ya? Nɛ Piyɛr hɛw gi gɔk anbɔ ma mi?

2 KƆRƐŊGTU 5:10

Ya̧a̧nɛ gi an wɛ mid a Kristu dɔgl-gbaaklɛl bɔ gi dɔŋdi sɛw an bɔbe gi dag hinyɔ woo gi gikɔ yɔ gi a muul du dɔɔrɔɔsɔ, gi gi rɔbo, zaabe ha̧a̧lɛ.

GALATIYA 5:19

Mɔkil ha̧a̧l wɛ woosya̧ hi gi a lɔlgbar gaattɔnɔ gɛrɛ: an mansi, ɓi̧i̧limi, seemha̧a̧lɛ,

GALATIYA 5:21

zulgbɔŋki, bumwɔ-niki, hi zɛlk ha̧a̧lɛ, hi hin zaadɛ wɔ hi riitin an hin wɔrɔ. Yɛrɛ mi raasinɛ anyɔ mi da mi raasin amntɔnɔ, zɛnɛ wɔ hi wook hin wɛrɛ hi taa Bɛt wáátɔ dako.

EFESU 5:5

Yɔ anbɔ mɛɛn bɛttɔnɔ a mansnaakya, ɓi̧i̧limya, tusɗɔkumya, hi riitin hi maak wɔ fɔkya̧, doo wɔrɔ anbɔ sɛw hi taa Kristu wáátɔ hi Bɛt ɔ̧nɛ dako.

1 TESALONIKI 4:6

Bɔ doo gi gɔs naaza hin-a̧a̧bi, bɔgi wɛɛs naaza ruu, bɔgi gɔ mans hi naaza nisɛ. Amntɔnɔ wi da wi raanra, wi dɔgsin bɛttɔnɔ nɛ mɛɛ be: a Waar Bɛt gi gbaas dood wɔ hi wookhin anbɔ dɔglɛ.

1 TIMƆTE 3:12

Ɗɛntɛ Bɛtwoos ɗaakya wɔ ginihi nɛɛ gbunu, kaŋkihi waatya̧ hi raatya̧ rɔbtɔnɔ.

1 TIMƆTE 3:2

Gi an Bɛtwoos kaŋkigzulya bɔ gig doo yɔ taan hin-a̧a̧bi, ginig nis gbunu, gig zulhɔnikya, doo mɔkilya, doo rɔbtigya, rɔbɛzekya rɔbo, hingokya rɔbo,

1 TIMƆTE 3:4

gig doo raatkaŋkigya rɔbo. Kaŋkig waatɔ rɔbtɔnɔ an hi kɛmsig tɔnɛ, hi wɛɛ hi ɗɔbsige a hinyɔ gi gedu sɛw.

1 TIMƆTE 4:3

Hi a̧a̧nik a bɔ dood hi loo nisɛ, wɛɛ bɔhi lehin zaadɛ sɔmsɔm. Nɛ Bɛt kim lees wɔrɔ sɛw an ɗɔbsigɔya wɔ hi mɛks rɔbo hi loo hi gig baanik nɔɔha ma mi!

1 TIMƆTE 5:14

Ya̧a̧nɛ gi ha̧a̧mi an nɛɛdsɛrɛ kuurɛ wɔ hi wɛɛ hi loo walɔ, hi mɔɔ waato, hi gɛms raatya̧, an bɔ dood wɔ hi giwɛ lɔlhɛ̧ɛ̧nik hi dag gbɔnɔ hi dɔkt ya̧a̧ha̧a̧l wɛ zulha.

TITUS 1:6

Mɔ her walɛ wɔ hi taan hin-a̧a̧bi, wɔ hi gin nis gbunu, wɔ waatya̧ hi ɗɔbsig Yeesu hi tɛŋko; bɔ waat wɔ hi gin waabil ha̧a̧lɛ an dood sɛw hi boo dɔglya̧; bɔhi gi waat zulɓaatilyaadɛ.

IBRANIŊKO 12:16

Ya̧a̧nɛ bɔ doo gigi mansnaakya, zaabe lɛlgaat seekya an hintɔs an Esawu yɔ faa Bɛto gi zebrs yɛ̧ɛ̧tɔ waa gbɔlumsɔ hi lees dak gbunu.

HINWƆ HI MITS YOHANA 22:15

Yɔ anbɔ kaa wɛ, seesya wɛ, ya̍āya wɛ, mansnaakya wɛ, zulgbɔŋkya wɛ, maakɗɔbsigya wɛ, hi dood wɔ ha̧a̧hi ya̧a̧gɔ̧ɔ̧n woos sɛw, hi kɔm ma ya̧nɛ a waal gbɔɔl bɔ lakɔ ge.